ចែករំលែកអំពីកម្លាំងជំរុញការផ្សារភ្ជាប់អាជីពគ្រូពេទ្យ វេជ្ជបណ្ឌិត គ្យុយពៃ ឱ្យដឹងថា ដោយសារការផ្លាស់ប្តូរជាវិជ្ជមានរបស់អ្នកជំងឺគឺជារង្វាន់ដ៏ធំបំផុតតែម្តង។ “មានអ្នកជំងឺខ្លះចូលមន្ទីរពេទ្យក្នុងស្ថានភាពធ្ងន់ធ្ងរខ្លាំង ត្រូវបានព្យាករណ៍ថានឹងស្លាប់ បាក់ទឹកចិត្ត ជួនកាលរហូតដល់បដិសេធការព្យាបាលទៀតផង ប៉ុន្តែដោយមានការតស៊ូ យោគយល់របស់កងជួរគ្រូពេទ្យនិងវិធីសាស្ត្រព្យាបាលសមស្រប គាត់បានធូរស្បើយវិញ។ ប្រការដែលធ្វើឱ្យខ្ញុំរំភើបចិត្តបំផុតគឺថាបន្ទាប់ពីជាសះស្បើយវិញមានអ្នកខ្លះបានស្ម័គ្រចិត្តនៅមន្ទីរពេទ្យតែម្តងដើម្បីជួយដល់អ្នកជំងឺដទៃទៀត” វេជ្ជបណ្ឌិត គ្យុយពៃ បានរៀបរាប់ឡើងវិញ។
“យោងតាមវេជ្ជបណ្ឌិត គ្យុយពៃ យុវជនក្នុងផ្នែកវេជ្ជសាស្ត្រចាំបាច់ឈានមុខក្នុងការធ្វើបរិវត្តកម្មឌីជីថល ប្រើបច្ចេកវិទ្យាឆ្លាតវៃ លើកកម្ពស់លទ្ធភាពស្រាវជ្រាវវិទ្យាសាស្ត្រ ស្របពេលនោះដែររក្សាខ្ជាប់ក្រមសីលធម៌វេជ្ជសាស្ត្ និងស្មារតីលះបង់ បន្តអនុវត្តទិសស្លោក "យកជំនាញធ្វើដោយស្ម័គ្រចិត្ត យកជំនាញបម្រើសហគមន៍"។ ស្របពេលនោះដែរ វេជ្ជបណ្ឌិត គ្យុយពៃ ក៏សង្ឃឹមថាគោលនយោបាយទាំងឡាយរបស់បក្សនិងរដ្ឋស្តីពីអប់រំ ថែទាំសុខភាពជូនបងប្អូនជនជាតិភាគតិចបន្តបានអនុវត្តកាន់តែច្រើនថែមទៀត បង្កើតឱកាសបន្ថែមដើម្បីយុវជនជនជាតិភាគតិចជំនាន់ក្រោយក្លៀវក្លាហ៊ានបន្តក្តីសុបិន្តកសាងខ្លួន កសាងជីវភាព”។
នៅឆ្នាំ ២០២៥ វេជ្ជបណ្ឌិត គ្យុយពៃ មានកិត្តិយសទទួលបានពានរង្វាន់ ផាម ង៉ុកថាច់ និងពានរង្វាន់ពលរដ្ឋវ័យក្មេងឆ្នើមទីក្រុង ហូ ជីមិញ។ “នេះមិនត្រឹមតែជាកិត្តិយសផ្ទាល់ខ្លួនប៉ុននោះទេ ក៏ជាការទទួលស្គាល់សម្រាប់សមូហភាពមន្ទីរពេទ្យ ញ៉ឹនអាយ និងមិត្តរួមការងារទាំងឡាយតែងតែបានរួមដំណើរជានិច្ច។ កិត្តិនាមនោះគឺជាក្តីមោទកភាពផង ជាទំនួលខុសត្រូវដើម្បីខ្ញុំបន្តហាត់ពត់ ប្រកាន់ខ្ជាប់ក្រមសីលធម៌វេជ្ជសាស្ត្រនិងចូលរួមចំណែកកាន់តែច្រើនបន្ថែមទៀតដល់សហគមន៍” វេជ្ជបណ្ឌិត គ្យុយបៃ ចែករំលែកដូច្នេះ៕
អត្ថបទនិងរូបថត៖ អានហៀវ
ប្រែសម្រួលនិងបញ្ចូលទិន្នន័យ៖ យ័ញលើយ
