ការបង្កើតទម្លាប់ជូនប្រជាជន
នៅក្នុងអំឡុងខែ កក្កដា ឆ្នាំ ២០២៦ នៅមជ្ឈមណ្ឌលសេវាកម្មរដ្ឋបាលសាធារណៈឃុំ ក្វានស៊ើន បរិយាកាសធ្វើការងារប្រព្រឹត្តឡើងយ៉ាងរួសរាន់និងមានសណ្តាប់ធ្នាប់។ ជំនួសឱ្យការយកឯកសារជាច្រើនតាមនិងរង់ចាំដូចមុន ប្រជាជនគ្រាន់តែត្រូវការយកស្មាតហ្វូនដើម្បីកម្មាភិបាលណែនាំចូលទៅក្នុងគណនីកំណត់អត្តសញ្ញាណអេឡិចត្រូនិកដាក់ជូនឯកសារនៅលើវិបផតថលសេវាសាធារណៈនិងតាមដានវឌ្ឍនភាពប្រតិបត្តិការនៅលើឧបករណ៍ផ្ទាល់ខ្លួនតែម្តង។
ចំពោះកម្មាភិបាលធ្វើការនៅទីនេះ ទទួលសំណុំឯកសារធ្វើបែបបទរដ្ឋបាលមួយលើកៗ គឺជាការអនុវត្តបំណិនឌីជីថលម្តងទៀតដែរ។ ព្រោះពេលនោះ ពួកគាត់ណែនាំប្រតិបត្តិការតាមរយៈជំហាននីមួយៗ ចាប់ពីការដំឡើងកម្មវិធី បញ្ជាក់គណនីរហូតដល់ធ្វើការដាក់ជូនឯកសារតាមប្រព័ន្ធអនឡាញពីមួយជំហានទៅមួយជំហាន ផ្តើមពីនោះប្រជាជនអាចធ្វើដោយខ្លួនឯងនៅក្នុងលើកក្រោយៗ បន្តទៀត។
លោក ហ្វាង ឌឹកប៊ិញ អនុប្រធានគណៈកម្មាធិការប្រជាជនឃុំ ក្វានស៊ើន ខេត្ត ឡាងស៊ើន ឱ្យដឹងថា ធ្វើបរិវត្តកម្មឌីជីថលបានបង្កើតការផ្លាស់ប្តូរយ៉ាងច្បាស់ក្រឡែតនៅក្នុងប្រតិបត្តិការរបស់អាជ្ញាធរក៏ដូចជាស្មារតីយល់ដឹងរបស់ប្រជាជនមូលដ្ឋាន។ ការដែលមាមីងបងប្អូនស្ទាត់ជំនាញបណ្តាបំណិនឌីជីថលពីមួយជំហានទៅមួយជំហានបានជួយកាត់បន្ថយពេលវេលា ការចំណាយក្នុងការធ្វើដំណើរទៅមក ព្រមជាមួយនោះដែរគឺរួមចំណែកដល់ការលើកកម្ពស់ប្រសិទ្ធភាពសេវាកម្មរបស់ស្ថាប័នរដ្ឋបាល បង្កើនលក្ខណៈបើកចំហ តម្លាភាពក្នុងការអនុវត្តបែបទរដ្ឋបាល។ រហូតមកដល់បច្ចុប្បន្ននេះ ១០០% សំណុំឯកសារបែបទរដ្ឋបាលនៅឃុំ ក្វានស៊ើន ត្រូវបានឌីជីថលភាវូបនីយកម្មនិងដំណើរការនៅលើបរិស្ថានអេឡិចត្រូនិច អត្រាសំណុំឯកសារអនឡាញសម្រេចបាន ១០០% សំណុំឯកសារទាំងអស់ដែលត្រូវបានចាត់ការយ៉ាងត្រឹមត្រូវនិងមុនពេលវេលាកំណត់។
អញ្ជើញមកធ្វើបែបបទរដ្ឋបាលទាក់ទងដល់ដីធ្លីរបស់គ្រួសារ បង ង្វៀន វ៉ាន់ទន់ នៅភូមិ សួយម៉ា ឃុំ ក្វានស៊ើន ឱ្យដឹងថា បែបបទរដ្ឋបាលអំពីដីធ្លីជាធម្មតាកែប្រែបំពេញបន្ថែមច្រើនគួរសម ព្រោះហេតុដូច្នោះដើម្បីបំពេញសំណុំឯកសារត្រូវធ្វើដំណើរទៅមកច្រើនដង។ ឥឡូវនេះ បែបបទរដ្ឋបាលជាច្រើនជំហានត្រូវបានធ្វើនៅលើបរិស្ថានឌីជីថលបានជួយខ្ញុំសន្សំសំចៃពេលវេលាគួរឱ្យកត់សម្គាល់។ ប្រជាជនជាច្រើននៅក្នុងឃុំក៏បានធ្លាប់នឹងការធ្វើប្រតិបត្តិការរដ្ឋបាលនៅលើសេវាសាធារណៈបានជាងាយស្រួល ឆាប់រហ័សណាស់។
នៅតំបន់ភ្នំ ជាច្រើនកន្លែងល័ក្ខខ័ណ្ឌបានប្រើបច្ចេកវិទ្យាមិនទាន់ស្មើគ្នា ព្រោះហេតុដូច្នោះរួមជាមួយនឹងកងកម្លាំងកម្មាភិបាលជំនាញ ក្រុមបច្ចេកវិទ្យាឌីជីថលសហគមន៍និងអង្គការមហាជនមូលដ្ឋានបានចុះភូមិសាស្ត្រណែនាំប្រជាជនដំឡើង VneID ជាប្រចាំ ប្រើប្រាស់វិបផតថលសេវាសាធារណៈ ទូទាត់ប្រាក់ដោយមិនប្រើជាសាច់ប្រាក់និងវេទិកាឌីជីថលទាំងឡាយបម្រើជីវភាពរស់នៅ។ ជាពិសេស នៅក្នុងបរិការណ៍គោលការណ៍ គោលនយោបាយថ្មីៗ ជាច្រើនរបស់បក្សនិងរដ្ឋត្រូវបានអនុវត្តយ៉ាងស៊ីជម្រៅទូលំទូលាយនិងយ៉ាងឆាប់រហ័ស មូលដ្ឋានជាច្រើនក៏ផ្តោតលើការផ្លាស់ប្តូរថ្មីវិធីសាស្រ្តឃោសនា ម្ចាស់ការអនុវត្តបញ្ញាសិប្បនិម្មិត AI ដើម្បីរចនាព័ត៌មានក្រាហ្វិក រូបភាពដែលមើលឃើញផ្ទាល់ភែ្នកនិងកសាងព្រឹត្តិប័ត្រតាមរយៈវិទ្យុផ្សាយសំឡេងដោយប្រើប្រាស់បច្ចេកវិទ្យាបំប្លែងអត្ថបទអក្សរទៅជាសំឡេងនិយាយ។
យោងតាមបង ម៉ា វ៉ាន់ថៀន កម្មាភិបាលមជ្ឈមណ្ឌលសេវាផលប្រយោជនរួមឃុំ ក្វានស៊ើន ការប្រើប្រាស់បញ្ញាសិប្បនិម្មិត AI បានជួយបញ្ជូននាំសារដំណឹងកាន់តែរស់រវើក ងាយយល់ថែមទៀតចំពោះប្រជាជនតំបន់ជនបទ ស្របពេលនោះដែរ គោលការណ៍ធំៗ ជាច្រើនត្រូវបានសាយភាយយ៉ាងឆាប់រហ័សឆ្លងតាមរយៈ fanpage (ទំព័រអ្នកគាំទ្រ) របស់ឃុំ និងក្រុម ហ្សាឡូ ភូមិ និគម ជួយប្រជាជនងាយទទួលនិងក្តាប់បានព័ត៌មានពេញលេញ ទាន់ពេលវេលា។
ឆ្ពោះទៅរកប្រព័ន្ធរដ្ឋបាលទំនើប
នៅឃុំ ជីឡាំង ការដាក់ឱ្យប្រើប្រាស់បណ្តាស្ថានីយ៍ឌីជីថលភាវូបនីយកម្មនិង KIOSK (បញ្ជរ) សេវាសាធារណៈបញ្ញាសិប្បនិម្មិត (AI) កំពុងបង្កើតល័ក្ខខ័ណ្ឌដើម្បីប្រជាជនចូលប្រើប្រាស់សេវាសាធារណៈអនឡាញទាំងឡាយនាំមកនូវភាពងាយស្រួលថែមទៀតសម្រាប់ប្រជាជនពេលធ្វើបែបបទរដ្ឋបាល។
ដោយមានប្រជាជនជាច្រើននៅពេលប្រើទម្រង់ធ្វើបែបបទរដ្ឋបាលនៅលើបរិស្ថានឌីជីថលក៏ចៀសមិនផុតការទញ់ទ័ល។ ក៏ប៉ុន្តែ ឆ្លងតាមរយៈការណែនាំដោយផ្ទាល់របស់កម្មាភិបាល រាល់ប្រតិបត្តិការឌីជីថលភាវូបនីយកម្មក្រដាសស្នាម បំពេញព័ត៌មាននិងដាក់ជូនឯកសារអនឡាញបានងាយស្រួលជាងមុន ជួយប្រជាជនបង្កើតទម្លាប់ប្រើប្រាស់សេវាសាធារណៈអនឡាញ។ ជំនួសឱ្យការត្រៀមក្រដាសស្នាមជាច្រើនប្រភេទ រង់ចាំដល់វេនទទួលដូចពីមុននេះ ប្រជាជនអាចម្ចាស់ការធ្វើឌីជីថលភាវូបនីយកម្មសំណុំឯកសារនៅនឹងស្ថានីយឌីជីថលភាវូបនីយកម្មតែម្តង ក្រោយពីនោះបំពេញបែបបទនៅលើប្រព័ន្ធអេឡិចត្រូនិច។ ប្រការនេះជួយកាត់បន្ថយសម្ពាធសម្រាប់ផ្នែកច្រកចេញចូលតែមួយ ស្របពេលនោះដែរលើកកម្ពស់លក្ខណៈបើកចំហ តម្លាភាពក្នុងដំណើរការទទួលនិងចាត់ការសំណុំឯកសារ។
បង លឿង ទ្រុងដូ ប្រជាជនឃុំ ជីឡាំង ចែករំលែកថា គំរូនេះនៅថ្មីថ្មោងបន្តិច ប៉ុន្តែដំណើរការអនុវត្តត្រូវបានកម្មាភិបាលណែនាំជាក់ស្តែង ងាយយល់។ ប្រសិនបើប្រព័ន្ធនេះដំណើរការប្រកបដោយស្ថិរភាពក៏ប្រជាជននឹងសន្សំសំចៃពេលវេលាបានច្រើនគួរសមបើប្រៀបធៀបទៅនឹងការរង់ចាំធ្វើបែបបទរដ្ឋបាលតាមវិធីសាស្ត្រប្រពៃណី។
បច្ចុប្បន្ននេះ រាល់បែបបទត្រូវបានអនុវត្តនៅស្ថានីយ៍ឌីជីថលភាវូបនីយកម្មភាគច្រើនគឺបណ្តាបែបបទរដ្ឋបាលដ៏ចាំបាច់ ដែលទាក់ទងដោយផ្ទាល់ទៅនឹងតម្រូវការរបស់ប្រជាជន ដូចជាការចុះបញ្ជីអាពាហ៍ពិពាហ៍ ចេញច្បាប់ចម្លងសម្រង់អត្រានុកូលដ្ឋាន ចុះបញ្ជីកំណើត បញ្ជាក់នីត្យានុកូលកម្មអំពីមរតកសាសន៍និងការចេញច្បាប់ចម្លងពីឯកសារដើម ។ល។ ក្រោយពីបានឌីជីថលភាវូបនីយកម្ម ឯកសារទាំងឡាយនឹងត្រូវបានរក្សាទុកក្រោមរូបភាពជាទិន្នន័យអេឡិចត្រូនិច បង្កលក្ខណៈងាយស្រួលដល់ការយកប្រើ ប្រើប្រាស់ឡើងវិញក្នុងពេលធ្វើបែបបទរដ្ឋបាល បន្តទៀត។
នាយករងមជ្ឈមណ្ឌលសេវារដ្ឋបាលសាធារណៈឃុំ ជីឡាំង ត្រៀវ មិញហៀវ ផ្តល់ព័ត៌មាន ជាមធ្យមពី ៥០ ដល់ ៦០ ឯកសារក្នុងមួយថ្ងៃៗ នៅក្នុងវិស័យផ្សេងៗ គ្នាជាច្រើន ពីដើមឆ្នាំមកដល់ឥឡូវនេះបានទទួលសំណុំឯកសារបែបបទរដ្ឋបាលជាង ៧.០០០ ក្នុងនោះជាង ៣.៧០០ សំណុំឯកសារត្រូវបានទទួលតាមអនឡាញ។ នាពេលអនាគត អង្គភាពនឹងបន្តបំប៉នចំណេះដឹង បំណិនឌីជីថលសម្រាប់កងជួរកម្មាភិបាល បុគ្គលិករដ្ឋការសាធារណៈ ព្រមទាំងធ្វើបច្ចុប្បន្នភាពបណ្តាកម្មវិធី គោលការណ៍ថ្មីក្នុងគោលបំណងណែនាំប្រជាជនក្នុងការអនុវត្តបែបបទរដ្ឋបាលឆាប់រហ័ស ងាយស្រួលនិងមានប្រសិទ្ធភាពថែមទៀត។
ការដាក់ដំណើរការស្ថានីយ៍ឌីជីថលភាវូបនីយកម្មនិងបញ្ជរសេវាសាធារណៈ AI នៅ ឡាងស៊ើន គឺជាដំណោះស្រាយជាក់ស្តែងមួយក្នុងគោលបំណងធ្វើឱ្យគោលដៅកសាងអាជ្ញាធរឌីជីថលក្លាយជាការពិតជាក់ស្ដែង យកប្រជាជននិងអាជីវកម្មធ្វើជាគោលនៃសេវាកម្ម។ ក៏ប៉ុន្តែ ដើម្បីឱ្យគំរូទាំងនេះពង្រីកប្រសិទ្ធភាពប្រកបដោយចីរភាព ទន្ទឹមនឹងការវិនិយោគលើហេដ្ឋារចនាសម្ព័ន្ធបច្ចេកវិទ្យា មូលដ្ឋានទាំងឡាយត្រូវបន្តជំរុញការឃោសនា ផ្សព្វផ្សាយបំណិនឌីជីថលយ៉ាងខ្លាំងក្លាជូនប្រជាជន ជាពិសេសគឺមនុស្សចាស់ បងប្អូនជនជាតិភាគតិចនិងអ្នកដែលរស់នៅតំបន់ជនបទ តំបន់ភ្នំ លើកកម្ពស់គុណភាពកងជួរកម្មាភិបាលដោយផ្ទាល់ដើម្បីធានាថាមនុស្សគ្រប់គ្នាសុទ្ធតែអាចចូលប្រើប្រាស់និងប្រើប្រាស់រាល់សេវាសាធារណៈអនឡាញបានយ៉ាងស្ទាត់ជំនាញ៕
អត្ថបទនិងរូបថត៖ ង្វៀន ក្វាងយុយ - ទីភ្នាក់ងារព័ត៌មានវៀតណាម
ប្រែសម្រួល៖ ពេជ្រពិសិដ្ឋ
