កម្មវិធីនេះត្រូវបានភ្ជាប់អនឡាញទៅដល់ឃុំ សង្កាត់នានានៅលើភូមិសាស្ត្រខេត្តដោយមានការចូលរួមយ៉ាងសកម្មពីកងកម្លាំងសមាជិកសម្ព័ន្ធយុវជនកុម្មុយនិស្ត ហូ ជីមិញ យុវជនចូលរួមជំនួយប្រជាជនចុះបញ្ជី ធ្វើឱ្យគណនីកំណត់អត្តសញ្ញាណអេឡិចត្រូនិចដំណើរការ រួមបញ្ចូលឯកសារអេឡិចត្រូនិចនិងប្រើប្រាស់បណ្តាសេវាកម្មឌីជីថល រួមចំណែកដល់ការអនុវត្តគម្រោងការ ០៦ របស់រដ្ឋាភិបាលប្រកបដោយប្រសិទ្ធភាព។
ថ្លែងសុន្ទរកថានៅក្នុងពិធីបើកប្រតិបត្តិការ បង ង្វៀន គ្វកត្វន អនុលេខាសម្ព័ន្ធយុវជនកុម្មុយនិស្ត ហូ ជីមិញ ខេត្ត ប្រធានសមាគមសហព័ន្ធយុវជន វៀតណាម ខេត្ត ក្វាងទ្រី ឱ្យដឹងថា បរិវត្តកម្មឌីជីថលត្រូវបានគណៈកម្មាធិការអចិន្ត្រៃយ៍សម្ព័ន្ធយុវជនកុម្មុយនិស្ត ហូ ជីមិញ ខេត្តកំណត់ថាជាភារកិច្ចមួយក្នុងចំណោមភារកិច្ចចំណុចស្នូលជានិច្ចកាលនៃការងារសម្ព័ន្ធយុវជននិងចលនាយុវជន តរុណវ័យ។ ឆ្លងតាមរយៈចលនា "ប្រជាសិក្សាឌីជីថល" សម្ព័ន្ធយុវជនកុម្មុយនិស្ត ហូ ជីមិញ គ្រប់លំដាប់ថ្នាក់ក្នុងខេត្តបានពង្រីកប្រសិទ្ធភាព ៥៩០ ក្រុមបច្ចេកវិទ្យាឌីជីថលសហគមន៍ដោយមានសមាជិកសម្ព័ន្ធយុវជនកុម្មុយនិស្ត ហូ ជីមិញ យុវជនជាង ៤.៥០០ នាក់ជំនួយប្រជាជនក្នុងការដំឡើងនិងប្រើប្រាស់កម្មវិធី VNeID សេវាកម្មសាធារណៈអនឡាញ រួមបញ្ចូលឯកសារអេឡិចត្រូនិច បញ្ចីកំណត់ត្រាសុខភាពអេឡិចត្រូនិចរួមជាមួយនឹងសេវាកម្មឌីជីថលជាច្រើនបម្រើការប្រជុំជីវភាពដោយផ្ទាល់។
បង ង្វៀន គ្វកត្វន សង្កត់ធ្ងន់ថា យុទ្ធនាការឆ្នាំនេះមិនត្រឹមតែជាសកម្មភាពគាំទ្រយុទ្ធនាការយុវជនស្ម័គ្រចិត្តវិស្សមកាល ២០២៦ ប៉ុននោះទេ ថែមទាំងធ្វើឲ្យសេចក្តីសម្រេចលេខ ៥៧-NQ/TW ចុះថ្ងៃទី ២២ ខែ ធ្នូ ឆ្នាំ ២០២៤ របស់ការិយាល័យនយោបាយស្តីពីការស្ទុះផ្លោះអភិវឌ្ឍវិទ្យាសាស្ត្រ បច្ចេកវិទ្យា ផ្លាស់ប្តូរថ្មីនិងច្នៃប្រតិដ្ឋនិងបរិវត្តកម្មឌីជីថលជាតិ សេចក្តីសម្រេចចិត្តនៃមហាសន្និបាតលើកទី ១៤ របស់បក្សនិងគម្រោងការ ០៦ របស់រដ្ឋាភិបាលទៅជាភាពជាក់សែ្ដង។ សម្ពន្ធយុវជនកុម្មុយនិស្ត ហូ ជីមិញ គ្រប់លំដាប់ថ្នាក់នៅលើភូមិសាស្ត្រខេត្តនឹងបន្តពង្រីកបណ្តាកងជួរ "យុវជនស្ម័គ្រចិត្តជំនួយប្រជាពលរដ្ឋឌីជីថល" សហការយ៉ាងស្អិតល្មួតជាមួយកងកម្លាំងនគរបាលអនុវត្តប្រកបដោយប្រសិទ្ធភាពដោយមានទិសស្លោក "ធ្វើដំណើរទៅគ្រប់ច្រកល្ហក គោះទ្វារគ្រប់ទ្វារ ណែនាំមនុស្សគ្រប់ៗ រូប" អាទិភាពជំនួយមនុស្សចាស់ បងប្អូនជនជាតិភាគតិច ប្រជាជនតំបន់ជ្រៅ តំបន់ឆ្ងាយនិងមុខសញ្ញាចេះអំពីបំណិនឌីជីថលនៅមានកម្រិត ធានាថាគ្មាននរណាម្នាក់ត្រូវបោះបង់ចោលនៅខាងក្រោយក្នុងដំណើរការវិវឌ្ឍបរិវត្តកម្មឌីជីថលឡើយ។
ថ្លែងរបាយការណ៍នៅកម្មវិធី វរសេនីយ៍ឯកបម្រុង ផាន ជីកាម អនុប្រធានការិយាល័យប៉ូលីសគ្រប់គ្រងរដ្ឋបាលអំពីសណ្តាប់ធ្នាប់សង្គម (PC06) នគរបាលខេត្ត ក្វាងទ្រី បានឱ្យដឹងថា រហូតមកដល់ពេលនេះអត្រាប្រជាពលរដ្ឋពីអាយុគ្រប់ ៦ ឆ្នាំឡើងទៅនៅលើភូមិសាស្ត្រខេត្តចុះបញ្ជីគណនីកំណត់អត្តសញ្ញាណអេឡិចត្រូនិចសម្រេចបានចំនួន ៨០,៦% ក្នុងនោះគណនីកំណត់អត្តសញ្ញាណអេឡិចត្រូនិចកម្រិត ២ សម្រេចបានចំនួន ៧៧,២%។ ក៏បន្តែ នៅជិតជិត ១២០.៥០០ គណនីមិនទាន់បានធ្វើឱ្យដំណើរការ អត្រាប្រជាជនពីអាយុគ្រប់ ១៤ ឆ្នាំមានគណនីកំណត់អត្តសញ្ញាណអេឡិចត្រូនិចកម្រិត ២ រួមបញ្ចូលគណនីសុខុមាលភាពសង្គមលើ VNeID នៅលើភូមិសាស្ត្រទើបតែសម្រេចបានចំនួន ៣០,១% ប៉ុននោះ ខណៈពេលអត្រារួមបញ្ចូលបញ្ចីកំណត់ត្រាសុខភាពអេឡិចត្រូនិចសម្រេចបានចំនួន ៦៥,៨%។
យោងតាមវរសេនីយ៍ឯកបម្រុង ផាន់ ជីកាម មូលហេតុជាចម្បងគឺការអនុវត្តនៅតាមលំដាប់ថ្នាក់ ផ្នែក មូលដ្ឋានមួយចំនួនមិនទាន់ព្រមៗ គ្នា ប្រជាជននៅតំបន់ជ្រៅ តំបន់ឆ្ងាយអំពីល័ក្ខខ័ណ្ឌប្រើបច្ចេកវិទ្យា បំណិនឌីជីថលនិងសេវាទូរគមនាគមន៍ ។ល។ នៅមានកម្រិត។ ព្រោះហេតុដូច្នេះ ការពង្រីកតួនាទីឈានមុខរបស់កងកម្លាំងយុវជន សហការជាមួយនគរបាលនិងអាជ្ញាធរមូលដ្ឋានគឺជាដំណោះស្រាយដ៏សំខាន់ក្នុងគោលបំណងលើកកម្ពស់ប្រសិទ្ធភាពអនុវត្តគម្រោងការ ០៦។ ដោយមានឧត្តមភាពកម្លាំងយុវជនវ័យក្មេង លទ្ធភាពប្រើបច្ចេកវិទ្យានិងភាពជិតស្និទ្ធជាមួយប្រជាជន សមាជិកសមាជិកានៃសម្ព័ន្ធយុវជនកុម្មុយនិស្ត ហូ ជីមិញ យុវជនយុវនារីនឹងចូលរួមចំណែកជំនួយដល់មូលដ្ឋាន សាយភាយបរិវត្តកម្មឌីជីថលនៅក្នុងសហគមន៍។
អ្នកស្រី ប៊ូយ បាវង៉ុក (សម្ព័ន្ធយុវជនកុម្មុយនិស្ត ហូ ជីមិញ សង្កាត់ ដុងហ៊ើយ) ឱ្យដឹងថា សមាជិកសម្ព័ន្ធយុវជនកុម្មុយនិស្ត ហូ ជីមិញ យុវជននៅលើភូមិសាស្ត្រនឹងចូលរួមកងជួរជំនួយប្រជាពលរដ្ឋឌីជីថលយ៉ាងសកម្ម សហការជាមួយកងកម្លាំងនគរបាលនិងអាជ្ញាធរមូលដ្ឋានណែនាំប្រជាជនក្នុងការចុះបញ្ជី ធ្វើឱ្យដំណើរកាគណនីកំណត់អត្តសញ្ញាណអេឡិចត្រូនិច រួមបញ្ចូលបញ្ចីកំណត់ត្រាសុខភាពអេឡិចត្រូនិច គណនីសុខុមាលភាពសង្គមនិងការប្រើប្រាស់សេវាសាកម្មធារណៈតាមអនឡាញ។ យុវជនខេត្ត ក្វាងទ្រី នឹងតែងតែរួមដំណើរជាមួយដើម្បីប្រជាជនប្រើប្រាស់យ៉ាងស្ទាត់ជំនាញ ប្រើប្រាស់សេវាកម្មឌីជីថលប្រកបដោយប្រសិទ្ធភាពក្នុងការសិក្សា ការងារនិងជីវភាពរស់នៅប្រចាំថ្ងៃ។
យោងតាមគណៈកម្មការរៀបចំ ក្រោយពីពេលពិធីបំផុសឡើងភ្លាម កងជួរយុវជនស្ម័គ្រចិត្តនឹងដាក់ពង្រាយសកម្មភាពនៅមូលដ្ឋានក្នុងពេលដំណាលគ្នា សហការជាមួយកងកម្លាំងនគរបាលរៀបចំការឃោសនា ណែនាំប្រជាជនឱ្យចុះបញ្ជី ធ្វើឱ្យដំណើរកាគណនីកំណត់អត្តសញ្ញាណអេឡិចត្រូនិចកម្រិត ២ រួមបញ្ចូលឯកសារដ៏ចាំបាច់នៅលើកម្មវិធី VNeID និងប្រើប្រាស់វេទិកាឌីជីថលបម្រើដល់ការដោះស្រាយបែបបទរដ្ឋបាល។
ក្នុងគោលបំណងលើកទឹកចិត្ត ជំរុញស្មារតីកងជួរយុវជនស្ម័គ្រចិត្តទាន់ពេលវេលាចូលរួមក្នុងការជំនួយដល់ប្រជាជនដោយផ្ទាល់ គណៈកម្មាធិការរៀបចំបានទៅសួរសុខទុក្ខ ជូនអំណោយ លើកទឹកចិត្តកងជួរយុវជនស្ម័គ្រចិត្តបើកប្រតិបត្តិការនៅឃុំ ណាមត្រាច់ រួមចំណែកដល់ការផ្សព្វផ្សាយស្មារតីឈានមុខរបស់យុវជនក្នុងការអនុវត្តគម្រោងការ ០៦ និងកសាងប្រជាពលរដ្ឋឌីជីថល សង្គមឌីជីថលនៅភូមិសាស្ត្រខេត្ត៕
អត្ថបទ៖ វ៉យុង - ទីភ្នាក់ងារព័ត៌មានវៀតណាម
ប្រែសម្រួល៖ ពេជ្រពិសិដ្ឋ
