ទីក្រុង ហូ ជីមិញ៖ អុជធូបរំលឹកវិញ្ញាណក្ខន្ធវីរយុទ្ធជនពលីនៅឧទ្យាន លេ ធីរៀង

ម៉ាញ់លិញ - ហ្វាងត្វៀត

14/07/2026 22:24

ព្រឹកថ្ងៃទី ១៣ ខែ កក្កដា គណៈកម្មាធិការរណសិរ្សមាតុភូមិ វៀតណាម ទីក្រុង ហូ ជីមិញ បានរៀបចំពិធីដាក់កម្រងផ្កា អុជធូបគោរពរំលឹកវិញ្ញាណក្ខន្ធវីរយុទ្ធពលី និងសួរសុខទុក្ខ លើកទឹកចិត្តកងកម្លាំងកំពុងបំពេញភារកិច្ចស្វែងរក ប្រមូលផ្តុំ កំណត់អត្តសញ្ញាណអដ្ឋិធាតុយុទ្ធជនពលីនៅឧទ្យាន លេ ធីរៀង (សង្កាត់ ហ្វាហ៊ឹង ទីក្រុង ហូ ជីមិញ)។

គណៈប្រតិភូដឹកនាំដោយលោក ង្វៀន ផឿកឡុក សមាជិកគណៈកម្មាធិការមជ្ឈិមបក្ស អនុលេខាគណៈកម្មាធិការបក្សទីក្រុង ប្រធានគណៈកម្មាធិការរណសិរ្សមាតុភូមិ វៀតណាម ទីក្រុង ហូ ជីមិញ។ អញ្ជើញចូលរួមមានតំណាងថ្នាក់ដឹកនាំគណៈកម្មាធិការបក្សទីក្រុង ក្រុមប្រឹក្សាប្រជាជន គណៈកម្មាធិការប្រជាជនទីក្រុង គណៈអចិន្ត្រៃយ៍នៃគណៈកម្មាធិការរណសិរ្សមាតុភូមិ វៀតណាម ទីក្រុង រួមជាមួយនឹងមន្ទីរ ស្ថាប័ន ផ្នែក អង្គការនយោបាយ - សង្គម កងកម្លាំងប្រដាប់អាវុធ សមាគម ក្លឹបប្រពៃណី និងតំណាងមូលដ្ឋាន អង្គភាពមួយចំនួន។

ក្រុមការងារដឹកនាំដោយលោក ង្វៀន ផឿកឡុក សមាជិកគណៈកម្មាធិការមជ្ឈិមបក្ស អនុលេខាគណៈកម្មាធិការបក្សទីក្រុង ប្រធានគណៈកម្មាធិការរណសិរ្សមាតុភូមិ វៀតណាម ទីក្រុង ហូ ជីមិញ។

ក្នុងបរិយាកាសដ៏ជាទីគោរព ក្រុមការងារបានដាក់កម្រងផ្កា អុជធូបនៅស្ដូបអតីតអគ្គលេខាបក្ស ត្រឹនភូ អគាររំលឹកវិញ្ញាណក្ខន្ធវីរយុទ្ធពលីដែលបានលះបង់ជីវិតក្នុងយុទ្ធនាការវាយសម្រុកជាទូទៅនិងនិងការក្រោកឈរឡើងនាឱកាសបុណ្យចូលឆ្នាំថ្មីឆ្នាំ វក សំរឹទ្ធិស័ក ១៩៦៨ កន្លែងគោរពបូជាវីរយុទ្ធជនពលី លេ ធីរៀង វីរយុទ្ធជនពលី ត្រឹន វ៉ាន់គៀវ ព្រមទាំងអគារចារឈ្មោះយុទ្ធជនពលី និងអគារតម្កល់អដ្ឋិធាតុយុទ្ធជនពលី។

សកម្មភាពអុជធូប រំលឹកវិញ្ញាណក្ខន្ធរួមចំណែកដល់ការសាយភាយក្រមសីលធម៌ "ផឹកទឹកនឹកប្រភព" និង "តបស្នងសងគុណ" ក្នុងចំណោមប្រជាជនគ្រប់ស្រទាប់ជាន់ថ្នាក់។

គណៈប្រតិភូអញ្ជើញដាក់កម្រងផ្ការំលឹកវិញ្ញាណក្ខន្ធអតីតអគ្គលេខាបក្ស ត្រឹនភូ និងវីរយុទ្ធជនពលីនៅឧទ្យាន លេ ធីរៀង។

នៅចំពោះមុខវិញ្ញាណក្ខន្ធរបស់អតីតអគ្គលេខាបក្ស ត្រឹនភូ និងវីរយុទ្ធជនពលី គណៈប្រតិភូទាំងឡាយចំណាយនាទីឈរស្មិងស្មាធិ៍ សម្តែងការគោរពដឹងគុណយ៉ាងជ្រាលជ្រៅចំពោះបុត្រធីតាឆ្នើមរបស់ជាតិបានលះបង់វ័យជាយុវភាព ប្រយុទ្ធយ៉ាងអង់អាចក្លាហាន និងពលីជីវិតដើម្បីបុព្វហេតុរំដោះជាតិ ការពារឯករាជ សេរីភាព និងបូរណភាពទឹកដីរបស់មាតុភូមិ។

លោក ង្វៀន ផឿកឡុក រួមជាមួយនឹងគណៈប្រតិភូទាំងឡាយអុជធូប ដាក់កម្រងផ្កានៅទីសក្ការៈបូជាវីរយុទ្ធជនពលី លេ ធីរៀង និងវីរយុទ្ធជនពលី ត្រឹន វ៉ាន់គៀវ។

ក្រោយពិធីអុជធូប ក្រុមការងារអញ្ជើញទៅកាន់បរិវេណកំពុងធ្វើការស្វែងរក ប្រមូលផ្តុំអដ្ឋិធាតុយុទ្ធជនពលីនៅក្នុងឧទ្យាន លេ ធីរៀង ដើម្បីពិនិត្យវឌ្ឍនភាពនៃការអនុវត្តភារកិច្ច ព្រមទាំងសួរសុខទុក្ខ លើកទឹកចិត្តកងកម្លាំងកំពុងចូលរួមផ្ទាល់។

នេះជាសកម្មភាពមួយក្នុងចំណោមសកម្មភាពនានាដែលភ្ជាប់នឹង “យុទ្ធនាការ ៥០០ ថ្ងៃ និងយប់ ជំរុញការស្វែងរក ប្រមូលផ្តុំ និងកំណត់អត្តសញ្ញាណអដ្ឋិធាតុយុទ្ធជនពលី” សំដៅការស្វែងរក ប្រមូលផ្តុំអដ្ឋិធាតុរបស់កម្មាភិបាល យុទ្ធជនដែលបានពលីជីវិតក្នុងការវាយសម្រុកជាទូទៅនិងនិងការក្រោកឈរឡើងនាបុណ្យចូលឆ្នាំថ្មីឆ្នាំ វក សំរឹទ្ធិស័ក ១៩៦៨។

ថ្នាក់ដឹកនាំទីក្រុងកត់សម្គាល់ស្មារតីទទួលខុសត្រូវ ការអំណត់ព្យាយាមរបស់កម្មាភិបាល យុទ្ធជន និងកងកម្លាំងជំនាញចូលរួមក្នុងភារកិច្ចដ៏ពិសិដ្ឋ។

នៅបរិវេណបំពេញភារកិច្ច តំណាងថ្នាក់ដឹកនាំទីក្រុងបានជូនអំណោយលើកទឹកចិត្តទៅបញ្ជាការដ្ឋានទីក្រុង ហូ ជីមិញ និងផ្នែកចូលរួមផ្ទាល់ រួមមានក្រុមស្វែងរក ជីកគាស់អដ្ឋិធាតុ ក្រុមបញ្ជាការប្រតិបត្តិការ ក្រុមយកសំណាក ឌីជីថលភាវូបនីយកម្ម ក្រុមធានាសន្តិសុខ សុវត្ថិភាព ក្រុមឃោសនា ក្រុមធ្វើស្ថិតិមត៌កវត្ថុ រួមជាមួយនឹងកងកម្លាំង ធានាផ្នែកភស្តុភារ បច្ចេកទេស។ ក្នុងនោះ តំណាងបញ្ជាការដ្ឋានទីក្រុងបានទទួលនិមិត្តរូបឧបត្ថម្ភដែលមានតម្លៃ ៣០០ លានដុង។

លោក ង្វៀន ផឿកឡុក ប្រធានគណៈកម្មាធិការរណសិរ្សមាតុភូមិ វៀតណាម ទីក្រុង ហូ ជីមិញ មានប្រសាសន៍ថា ការងារស្វែងរក ប្រមូលផ្តុំ និងកំណត់អត្តសញ្ញាណអដ្ឋិធាតុយុទ្ធជនពលីគឺជាភារកិច្ចដ៏ពិសិដ្ឋ បង្ហាញពីការទទួលខុសត្រូវ មនោសញ្ចេតនា និងក្រមសីលធម៌របស់ជំនាន់ក្រោយសព្វថ្ងៃចំពោះអ្នកដែលបានពលីជីវិតដើម្បីមាតុភូមិ។

កម្មាភិបាល យុទ្ធជនត្រូវអនុវត្តដោយប្រុងប្រយ័ត្ននូវដំណាក់កាលនីមួយៗ ក្នុងការស្វែងរកអដ្ឋិធាតុយុទ្ធជនពលីនៅឧទ្យាន លេ ធីរៀង។

លោកកត់សម្គាល់ស្មារតីទទួលខុសត្រូវ ការអំណត់ព្យាយាមរបស់កម្មាភិបាល យុទ្ធជនពលី និងកងកម្លាំងទាំងអស់កំពុងបំពេញភារកិច្ចទាំងយប់ទាំងថ្ងៃក្នុងល័ក្ខខ័ណ្ឌលំបាក។ ព្រមទាំងមានគោលបំណងឱ្យអង្គភាព នានាបន្តសហការយ៉ាងស្អិតល្មួត ប្រុងប្រយ័ត្ន មានលក្ខណៈវិទ្យាសាស្ត្រនៅគ្រប់ដំណាក់កាលនីមួយៗ ក្នុងការស្វែងរក យកសំណាក ធ្វើឌីជីថលព័ត៌មាន និងកំណត់អត្តសញ្ញាណ។

យោងតាមប្រធានគណៈកម្មាធិការរណសិរ្សមាតុភូមិ វៀតណាម ទីក្រុង ហូ ជីមិញ អដ្ឋិធាតុនីមួយៗ បានរកឃើញ និងអត្តសញ្ញាណនីមួយៗ បានបញ្ជាក់មិនត្រឹមតែរួមចំណែកបន្ធូរបន្ថយការឈឺចាប់របស់ក្រុមគ្រួសារយុទ្ធជនពលីប៉ុននោះទេ ថែមទាំងជាសកម្មភាពជាក់ស្តែងដើម្បីថែរក្សាការចងចាំប្រវត្តិសាស្ត្រ អប់រំប្រពៃណីស្នេហាជាតិ និងបំប៉នការទទួលខុសត្រូវរបស់យុវជនជំនាន់ក្រោយចំពោះបុព្វហេតុកសាង ការពារមាតុភូមិទៀតផង។

*បរិវេណតម្កល់អដ្ឋិធាតុទើបបានរកឃើញនៅឧទ្យាន លេ ធីរៀង។*

យោងតាមគណៈកម្មាធិការរណសិរ្សមាតុភូមិ វៀតណាម ទីក្រុង ហូ ជីមិញ សកម្មភាពអុជធូប និងទៅសួរសុខទុក្ខកងកម្លាំងកំពុងស្វែងរកអដ្ឋិធាតុយុទ្ធជនពលីគឺជាផ្នែកមួយក្នុងខ្សែសកម្មភាព “តបស្នងសងគុណ” របស់ទីក្រុង ហូ ជីមិញ ក្នុងឱកាសរំលឹកខួបលើកទី ៧៩ នៃទិវាយុទ្ធជនពិការ - យុទ្ធជនពលី។

តាមរយៈនោះ ទីក្រុងដាក់គោលដៅ ១០០% វីរមាតា វៀតណាម ដែលនៅមានជីវិតទាំងអស់ទទួលបានការថែទាំ ការឧបត្ថម្ភ ឃុំ សង្កាត់ តំបន់ពិសេសរៀបចំឡើងយ៉ាងហោចណាស់មួយសកម្មភាពដើម្បីសម្ដែងការដឹងគុណ ព្រមទាំងពិនិត្យពិច័យឡើងវិញ ជួយទាន់ពេលវេលាបណ្តាគ្រួសារគោលនយោបាយ និងអ្នកមានគុណបំណាច់ដែលស្ថិតក្នុងស្ថានភាពលំបាក។

បរិវេណតម្កល់អដ្ឋិធាតុទើបបានរកឃើញថ្មីៗ នៅឧទ្យាន លេ ធីរៀង ត្រូវបានរៀបចំយ៉ាងស្រគត់ស្រគំ ក្លាយជាកន្លែងសម្រាប់ប្រតិភូ និងកងកម្លាំងកំពុងបំពេញភារកិច្ចមកអុជធូប សម្តែងការគោរពដោយស្មោះនិងការដឹងគុណយ៉ាងជ្រាលជ្រៅចំពោះអ្នកក្លាហានលះបង់ជីវិតដើម្បីមាតុភូមិ។

តាមរយៈការពិនិត្យឡើងវិញដំបូងឡើយ ទីក្រុងកត់ត្រាចំនួន ៨២៩ ករណី ត្រូវការឧបត្ថម្ភ តាមរយៈទម្រង់រូបភាពជាក់ស្តែង យូរអង្វែងដូចជាការផ្តល់សៀវភៅប្រិតសំចៃ មធ្យោបាយរកស៊ីចិញ្ចឹមជីវិត អាហារូបករណ៍ បណ្ណធានារ៉ាប់រងសុខភាព សាងសង់ ជួសជុលផ្ទះគុណស្រ័យ ឧបត្ថម្ភការពិនិត្យ ព្យាបាលជំងឺ គ្រឿងបរិក្ខារជំនួយសម្រាប់ការប្រជុំជីវភាពប្រចាំថ្ងៃ។ សរុបថវិកាគ្រោងសម្រាប់សកម្មភាពតបស្នងសងគុណគឺជាង ៣០ ពាន់លានដុង ដោយរួមដៃគ្នារបស់ប្រព័ន្ធនយោបាយ និងប្រជាជនគ្រប់ស្រទាប់ជាន់ថ្នាក់៕

ផលិត៖ ម៉ាញ់លិញ - ហ្វាងត្វៀត
ប្រែសម្រួល៖ អៀងថាន់

កាសែត ព័ត៌មាន និងជនជាតិ