ឌីជីថលភាវូបនីយកម្មទិន្នន័យផ្នូរយុទ្ធជនពលី បង្កើតមូលដ្ឋានបម្រើការបំបែកកូដសញ្ញានិងស្វែងរកនៅភូមិសាស្រ្ដជាក់ស្តែង

ចិន្តា - វ៉ាន់ដុង

17/07/2026 21:06

នៅថ្ងៃទី ១៦ ខែ កក្កដា គណៈកម្មាធិការបង្គាប់ការស្តីអំពីការស្វែងរក ការប្រមូលផ្តុំ និងការកំណត់អត្តសញ្ញាណអដ្ឋិធាតុយុទ្ធជនពលី ខេត្ត កាម៉ៅ បានរៀបចំកិច្ចប្រជុំដើម្បីដកពិសោធន៍ការអនុវត្ត "យុទ្ធនាការ ៥០០ ថ្ងៃ និងយប់ជំរុញយ៉ាងខ្លាំងក្លាការស្វែងរក ការប្រមូលផ្តុំ និងកំណត់អត្តសញ្ញាណអដ្ឋិធាតុយុទ្ធជនពលី" នៅលើភូមិសាស្រ្តខេត្ត។

អញ្ជើញថ្លែងសុន្ទរកថាណែនាំបង្គាប់ការ លោក ង៉ូ វូថាំង អនុប្រធានគណៈកម្មាធិការប្រជាជនខេត្តវាយតម្លៃខ្ពស់តួនាទីសេនាធិការរបស់ស្ថាប័នអចិន្ត្រៃយ៍នៃគណៈកម្មាធិការបង្គាប់ការក្នុងការងារស្វែងរក ប្រមូលផ្តុំ និងកំណត់អត្តសញ្ញាណអដ្ឋិធាតុយុទ្ធជនពលីក្នុងរយៈពេលកន្លង។

សមមិត្ត ង៉ូ វូថាំង អនុប្រធានគណៈកម្មាធិការប្រជាជនខេត្ត ប្រធានគណៈកម្មាធិការបង្គាប់ការអំពីការស្វែងរក ការប្រមូលផ្តុំ និងការកំណត់អត្តសញ្ញាណអដ្ឋិធាតុយុទ្ធជនពលីខេត្ត កាម៉ៅ អញ្ជើញថ្លែងសុន្ទរកថានៅក្នុងកិច្ចប្រជុំ។ រូបថត៖ ចិន្តា

ទន្ទឹមនោះស្នើមន្ទីរ ផ្នែក មូលដ្ឋាននានាបន្តបញ្ជ្រាបការយ់ដឹង និងអនុវត្តយ៉ាងម៉ឺងម៉ាត់នូវគោលការណ៍ គោលនយោបាយរបស់បក្ស រដ្ឋអំពីការងារនេះ ជំរុញឃោសនា បំផុសចលនាប្រឡងប្រណាំងដើម្បីសាយភាយអត្ថន័យនៃយុទ្ធនាការ ៥០០ ថ្ងៃ និងយប់ កៀរគរការចូលរួមពីប្រព័ន្ធនយោបាយទាំងមូល ប្រជាជនគ្រប់ស្រទាប់ជាន់ថ្នាក់ និងអង្គការ បុគ្គលក្នុងការផ្តល់ព័ត៌មានបម្រើដល់ការស្វែងរក ប្រមូលផ្តុំអដ្ឋិធាតុយុទ្ធជនពលី។

អនុប្រធានគណៈកម្មាធិការប្រជាជនខេត្តក៏សំណូមពរប្រញាប់យកសំណាក ប្រគល់សំណាកអដ្ឋិធាតុយុទ្ធជនពលី ក្នុងនោះរួមទាំងផ្នូរមិនទាន់កំណត់អត្តសញ្ញាណនៅបូជនីយដ្ឋានដែលនៅសល់ ខិតខំបញ្ចប់រួចរាល់ការយកសំណាកបម្រើការកំណត់អត្តសញ្ញាណអដ្ឋិធាតុយុទ្ធជនពលីនៅភូមិសាស្រ្តក្នុងឆ្នាំ ២០២៦។

ការងារយកសំណាកកំណត់អត្តសញ្ញាណអដ្ឋិធាតុយុទ្ធជនពលី។ រូបថត៖ ផ្សាយដោយទីភ្នាក់ងារព័ត៌មានវៀតណាម

យោងតាមបញ្ជាការដ្ឋានយោធាខេត្ត ក្រោយពីបញ្ជ្រាបរាល់សេចក្តីណែនាំរបស់ថ្នាក់លើ អង្គភាពបានសកម្មធ្វើសេនាធិការគណៈកម្មាធិការបង្គាប់ការខេត្តចេញសេចក្តីណែនាំ លក្ខខន្តិក និងកម្មវិធីសកម្មភាព។ ដោយត្រៀមកងកម្លាំង មូលដ្ឋានជំរុញឃោសនា កៀរគរប្រភពព័ត៌មាននានាពីប្រជាជន និងអតីតយុទ្ធជនអំពីកន្លែងបញ្ចុះអដ្ឋិធាតុយុទ្ធជនពលីដែលមិនទាន់បានប្រមូលផ្តុំ ស្របពេលនោះឌីជីថលភាវូបនីយកម្មទិន្នន័យផ្នូរយុទ្ធជនពលី បង្កើតមូលដ្ឋានបម្រើការបំបែកកូដសញ្ញានិងស្វែងរកនៅផ្ទាល់ភូមិសាស្រ្ត។

ផ្តើមពីប្រភពព័ត៌មានស្រាវជ្រាវបាន កងកម្លាំងសមត្ថកិច្ចបានពិនិត្យបញ្ជាក់ផ្នូរយុទ្ធជនពលីចំនួន ២ នៅឃុំ បៀនបាច់ សហការជាមួយនឹងក្រុម K90 នាយកដ្ឋាននយោបាយយោធភូមិភាគ ៩ ស្វែងរក ប្រមូលផ្តុំអដ្ឋិធាតុយុទ្ធជនពលីចំនួន ២ នៅបូជនីយដ្ឋានបណ្តោះអាសន្នក្នុងឃុំ ហ៊ឹងមី។

វរសេនីយ៍ឯក វ៉ ថាញ់លេ អគ្គស្នងការនយោបាយនៃបញ្ជាការដ្ឋានយោធាខេត្ត បំផុសចលនាប្រឡងប្រណាំងអនុវត្ត "យុទ្ធនាការ ៥០០ ថ្ងៃ និងយប់ជំរុញអនុវត្តការស្វែងរក ការប្រមូលផ្តុំ និងការកំណត់អត្តសញ្ញាណអដ្ឋិធាតុយុទ្ធជនពលី"។ រូបថត៖ ចិន្តា

ការងារកំណត់អត្តសញ្ញាណអដ្ឋិធាតុយុទ្ធជនពលីបន្តដំណើរការប្រកបដោយប្រសិទ្ធភាព។ រហូតមកដល់បច្ចុប្បន្ន ខេត្តបានបញ្ចប់ជាស្ថាពរការកំណាយរុករកផ្នូរបានចំនួន ២៦៣ ដែលមិនទាន់ស្គាល់អត្តសញ្ញាណនៅបូជនីយដ្ឋានយុទ្ធជនពលីឃុំ ត្រឹន វ៉ាន់ធើយ ប្រមូលគំរូអដ្ឋិធាតុបានចំនួន ២៣៧ ហើយប្រគល់ជូនវិទ្យាស្ថានវិទ្យាសាស្ត្រព្រហ្មទណ្ឌ (ក្រសួងនគរបាល) ត្រួតពិនិត្យ ADN បម្រើការកំណត់អត្តសញ្ញាណ។

បន្ទាប់ពីបញ្ចប់ការយកសំណាកនៅបូជនីយដ្ឋានយុទ្ធជនពលី ត្រឹន វ៉ា់ន់ធើយ ខេត្តនឹងបន្តដំណើរការនៅបូជនីយដ្ឋានយុទ្ធជនពលីឃុំ ផឿកឡុង កន្លែងនៅមានផ្នូរចំនួន ៧៦១ នៅមិនទាន់ស្គាល់អត្តសញ្ញាណ។ ខេត្ត កាម៉ៅ ប្រឹងប្រែងដល់ចុងឆ្នាំ ២០២៦ បញ្ចប់ការយកសំណាកអដ្ឋិធាតុយុទ្ធជនពលីចំនួន ៣.៣៨២ នៅបូជនីយដ្ឋានយុទ្ធជនពលីទាំង ១១ នៅក្នុងភូមិសាស្រ្ត។

ក្នុងឱកាសនេះ គណៈកម្មាធិការបង្គាប់ការស្តីអំពីការស្វែងរក ការប្រមូលផ្តុំ និងការកំណត់អត្តសញ្ញាណអដ្ឋិធាតុយុទ្ធជនពលីខេត្ត កាម៉ៅ បំផុសយុទ្ធនាការប្រឡងប្រណាំងអនុវត្ត "យុទ្ធនាការ ៥០០ ថ្ងៃ និងយប់ជំរុញអនុវត្តការស្វែងរក ការប្រមូលផ្តុំ និងការកំណត់អត្តសញ្ញាណអដ្ឋិធាតុយុទ្ធជនពលី" សំដៅរម្លឹកអនុស្សវរីយ៍លើកទី ៨០ នៃទិវាយុទ្ធជនពិការ - យុទ្ធជនពលី (ថ្ងៃទី ២៧ ខែកក្កដា ឆ្នាំ១៩៤៧ - ថ្ងៃទី២៧ ខែកក្កដា ឆ្នាំ២០២៦) ដោយបង្កើតស្មារតីស្វាហាប់ប្រឡងប្រណាំងសម្រេចគោលដៅនៃយុទ្ធនាការ៕

ផលិត៖ ចិន្តា - វ៉ាន់ដុង
ប្រែសម្រួល៖ អៀងថាន់

កាសែត ព័ត៌មាន និងជនជាតិ