ថ្នាក់រៀនពិសេសទាំងនេះជួយប្អូនៗ ចាប់ចង្វាក់ជាមួយភាសា បំពាក់បំណិនសន្ទនា សណ្តាប់ធ្នាប់សិក្សារៀនសូត្រនិងភាពជឿជាក់លើខ្លួនឯងដើម្បីឈានចូលរៀនថ្នាក់ ១។ នេះត្រូវបានចាត់ទុកថាជាដំណោះស្រាយដ៏សំខាន់ក្នុងគោលបំណងលុបបំបាត់គ្រឿងរារាំងភាសាពីមួយជំហានទៅមួយជំហាន បង្កើតមូលដ្ឋានគ្រឹះដើម្បីកុមារនៅតំបន់បងប្អូនជនជាតិភាគតិចទទួលបានការអប់រំកាន់តែងាយស្រួលនិងកាន់តែអភិវឌ្ឍប្រកបដោយបរិយាបន្ន័។
បោះជំហានយ៉ាងរឹងមាំចូលថ្នាក់ទី ១
វេលាព្រឹកនៅសាលាបឋមសិក្សា ហាមកឹន ១ (ឃុំ ហាមថាញ់) សំឡេងប្រកបអក្សររបស់សិស្សសាលាទាំងឡាយត្រៀមចូលថ្នាក់ទី ១ លាន់ឮជាទៀងទាត់ក្នុងថ្នាក់រៀនពង្រឹងបន្ថែមភាសា វៀតណាម វិស្សមកាល។ ដោយមានកុមារតូចៗ ជនជាតិ រ៉ាឡាយ ជាច្រើន នេះមិនត្រឹមតែជាបណ្តាមេរៀនដំបូងអំពីតួអក្សរប៉ុននោះទេ ថែមទាំងជាដំណើរចាប់ចង្វាក់នឹងភាសាមួយថ្មីមុនពេលឈានចូលទៅក្នុងបរិស្ថានសិក្សារៀនសូត្រជាផ្លូវការទៀតផង។
អ្នកគ្រូ គ្ធីហ្វា (គ្រូបង្រៀនសាលាបឋមសិក្សា ហាមកឹន ១) អ្នកបង្រៀនដោយផ្ទាល់នៅក្នុងថ្នាក់ ចែករំលែកថា៖ ប្អូនៗ ជាច្រើនពេលមកដល់សាលានៅតែធ្លាប់និយាយភាសាកំណើតបានជាជួបការលំបាកលំបិនក្នុងការទំនាក់ទំនងនិងសិក្សារៀនសូត្រ។ ព្រោះហេតុដូច្នេះ គ្រូបង្រៀនតែងតែផ្តោតជាសំខាន់លើការហាត់ពត់ ជួយប្អូនៗ បង្កបង្កើតបំណិនស្តាប់ និយាយ អាន សរសេរនិងសន្ទនា លើកទឹកចិត្តប្អូនប្អូនថ្លាថ្លែងជាប្រយោគពេញលេញ ក្លៀវក្លាបញ្ចេញមតិដោយភាសា វៀតណាម។
ពាក្យសព្ទដ៏ជិតដិតមិនតិចឡើយក្នុងភាសា វៀតណាម ក៏ក្លាយជាមេរៀនដែលត្រូវការពេលវេលាច្រើនដើម្បីស្រាយបំភ្លឺ។ ដូច្នេះហើយ ម៉ោងរៀននីមួយៗ សុទ្ធតែទាមទារគ្រូបង្រៀនត្រូវតែអត់ធ្មត់នៅពេលណែនាំផងបង្កើតឱកាសដើម្បីប្អូនៗ អនុវត្តការសន្ទនាដោយភាសា វៀតណាម ផង។ “ប្រសិនបើគ្រាន់តែនិយាយភាសា វៀតណាម ប្អូនៗ នឹងមិនយល់ទេ។ ខ្ញុំត្រូវតែប្រើភាសា រ៉ាឡាយ ដើម្បីពន្យល់ រួចហើយផ្តើមពីនោះនាំផ្លូវប្អូនៗ ត្រឡប់មកភាសាសកល។ នៅពេលដែលចាប់ចង្វាក់ជាមួយភាសា វៀតណាម បានហើយ ប្អូនៗ នឹងចាប់ផ្តើមចាប់ចង្វាក់ជាមួយនឹងមុខវិជ្ជាផ្សេងទៀតបានកាន់តែល្អប្រសើរថែមទៀត” អ្នកគ្រូ គ្ធីហ្វា ចែករំលែកដូច្នេះ។
“ក្រោយពីចូលរួមថ្នាក់រៀនមួយរយៈពេលខ្លី សិស្សសាលាជាច្រើនបានមានការវិវឌ្ឍនទៅមុខជាវិជ្ជមាន។ ផ្តើមពីភាពស្ទាក់ស្ទើរ ញញើតញញើមក្នុងការសន្ទនា ប្អូនៗ កាន់តែក្លៀវក្លាឡើងបន្តិចម្តងៗ ក្នុងការសិក្សានិងប្រជុំជីវភាពប្រចាំថ្ងៃ ឆ្លើយសំណួររបស់គ្រូបង្រៀនដោយភាសា វៀតណាម យ៉ាងសកម្ម។ មានប្អូនខ្លះថែមទាំងក្លៀវក្លារៀបរាប់ឱ្យថ្នាក់រៀនទាំងមូលស្តាប់អំពីគ្រួសារឬប្រការទាំងឡាយដែលខ្លួនចូលចិត្ត។ ប្រការនោះធ្វើឱ្យគ្រូបង្រៀនជាយើងខ្ញុំសប្បាយចិត្តខ្លាំងណាស់ពីព្រោះប្អូនៗ កំពុងឆ្លងកាត់គ្រឿងរារាំងដំបូងពីមួយជំហានទៅមួយជំហាន” អ្នកគ្រូ គ្ធីហ្វា រាយរាប់ដូច្នេះ។
ឆ្នាំសិក្សា ២០២៦ - ២០២៧ សាលាបឋមសិក្សា ហាមកឹន ១ មានសិស្សសាលាចំនួន ៣៣ នាក់ចូលរៀនថ្នាក់ទី ១ ភាគច្រើនជាកុមារ ជនជាតិ រ៉ាឡាយ។ សាលារៀនរៀបចំថ្នាក់រៀនពង្រឹងភាសា វៀតណាម បន្ថែមពីថ្ងៃទី ១៣ ខែ កក្កដា ដល់ថ្ងៃទី ៧ ខែ សីហា ដោយមានចំនួន ៦០ ម៉ោងរៀនសម្រាប់សិស្សសាលាត្រៀមចូលថ្នាក់ទី ១។ ខ្លឹមសារបង្ហាត់បង្រៀនមិនមែនស្ថិតនៅត្រឹមតែនៅលើការសម្គាល់ដឹងតួអក្សរ តួលេខប៉ុននោះទេ ថែមទាំងជួយប្អូនៗ បង្កើតបំណិនមូលដ្ឋានគ្រឹះទាំងឡាយទៀតផងដូចជារបៀបកាន់ប៊ិច ឥរិយាបថអង្គុយរៀន ប្រើប្រាស់សិក្ខូបករណ៍និងបំណិនសន្ទនាក្នុងបរិស្ថានសាលារៀន។
លោកស្រី ង្វៀន ធីង៉ុកម៉ាយ នាយិការងសាលាបឋមសិក្សា ហាមកឹន ១ ឱ្យដឹងថា៖ “គោលដៅនៃថ្នាក់វិស្សមកាលសិក្សាគឺជួយសិស្សសាលាជឿជាក់លើខ្លួនឯងប្រើប្រាស់ភាសា វៀតណាម កាត់បន្ថយការអល់អែកក្នុងអំឡុងថ្ងៃទៅសាលារៀនដំបូង។ នៅពេលលែងនៅមានគ្រឿងរារាំងភាសា ប្អូនៗ កាន់តែងាយស្រួលក្រេបយកចំណេះដឹងនិងសម្របខ្លួនជាមួយមិត្រភក្ដិ។ ដើម្បីលើកកម្ពស់ប្រសិទ្ធភាពនៃការបង្ហាត់បង្រៀន សាលារៀនចាត់ចែងគ្រូបង្រៀនជាជនជាតិភាគតិច ចេះភាសា រ៉ាឡាយ ឱ្យបង្ហាត់បង្រៀនដោយផ្ទាល់នៅក្នុងថ្នាក់។ ជំនួសឱ្យការផ្តោតលើសៀវភៅសិក្សា គ្រូបង្រៀននាំភាសា វៀតណាម ឱ្យកាន់តែខិតជិតជាមួយនឹងសិស្សសាលាឆ្លងតាមរយៈរឿងរ៉ាវអំពីគ្រួសារ សាលារៀន ភូមិនិគម បទចម្រៀងកុមារនិងបណ្តាល្បែងភាសាសមស្របតាមវ័យអាយុ។
មូលដ្ឋានគ្រឹះសម្រាប់អនាគត
ព្រមជាមួយនឹងជួយកុមារជឿជាក់លើខ្លួនឯងចំពោះជំហានដំបូងថ្នាក់ទី ១ កម្មវិធីបង្កើនសមត្ថភាពភាសា វៀតណាម បានរួមចំណែកដល់ការផ្លាស់ប្តូស្មារតីយល់ដឹងរបស់អាណាព្យាបាលតំបន់បងប្អូនជនជាតិភាគតិចអំពីតួនាទីនៃភាសាចំពោះការសិក្សារៀនសូត្ររបស់កូនក្មួយខ្លួន។ ប្រសិនបើកាលពីមុននេះអាណាព្យាបាលជាច្រើនចាត់ទុកថាកុមាររៀនតែនៅពេលឈានចូលឆ្នាំសិក្សាជាផ្លូវការប៉ុននោះឯឥឡូវនេះកាន់តែមានគ្រួសារជាច្រើនម្ចាស់ការបញ្ជូនកូនទៅថ្នាក់រៀនតាំងពីមុនចូលរៀនម្ល៉េះពីព្រោះយល់ថាភាសា វៀតណាម គឺជាគន្លឹះដំបូងដើម្បីកុមាររៀនពុទ្ធិ។
អាណាព្យាបាលប្អូន លេ ហុងញុង សិស្សសាលាបឋមសិក្សា ហាមកឹន ២ ចែករំលែកថា កាលពីមុនជាទូទៅគ្រួសារប្រើភាសា រ៉ាឡាយ ក្នុងការប្រជុំជីវភាពប្រចាំថ្ងៃបានជាអ្នកស្រីព្រួយបារម្ភយ៉ាងខ្លាំងនៅពេលដែលកូនចាប់ផ្តើមចូលរៀន។ ក្រោយពីចូលរួមក្នុងថ្នាក់រៀនពង្រឹងភាសា វៀតណាម បន្ថែមមួយរយៈពេល កូនកាន់តែក្លៀវក្លាក្នុងការទំនាក់ទំនង ចេះជម្រាបសួរជាភាសា វៀតណាម និងមានចំណាប់អារម្មណ៍យ៉ាងខ្លាំងក្នុងការរៀបរាប់ជូនឪពុកម្តាយស្តាប់រាល់ប្រការដែលបានរៀននៅក្នុងថ្នាក់។
លោក លេ គីមឡុង នាយកសាលាបឋមសិក្សា ហាមកឹន ២ ឱ្យដឹងថា ការរៀបចំថ្នាក់រៀនភាសា វៀតណាម ក្នុងឱកាសវិស្សមកាលជួយសិស្សសាលាចាប់ចង្វាក់ជាមួយបរិស្ថានសិក្សារៀនសូត្រ កាត់បន្ថយអារម្មណ៍ទទីមទទើមនៅពេលឈានចូលរៀនថ្នាក់ទី ១។ រួមជាមួយនឹងការរៀបចំបណ្តាថ្នាក់រៀន សាលារៀនថែមទាំងសហការជាមួយអាណាព្យាបាលចលនាសិស្សសាលាចូលរៀនគ្រប់គ្រាន់ទៀតផង បង្កើតបរិកាសប្រើប្រាស់ភាសា វៀតណាម នៅក្នុងគ្រួសារបន្ថែមតែម្តងក្នុងគោលបំណងលើកកម្ពស់ប្រសិទ្ធភាពនៃកម្មវិធី។
អស់រយៈពេលជិត ៦ ឆ្នាំកន្លងទៅ សាលាបឋមសិក្សា ហាមកឹន ២ តែងតែរក្សាជាប់លាប់បណ្តាថ្នាក់រៀនពង្រឹងបន្ថែមភាសា វៀតណាម សម្រាប់កុមារតំបន់បងប្អូនជនជាតិភាគតិចមុនពេលឈានចូលថ្នាក់ទី ១។ “សកម្មភាពនេះ កាន់តែទទួលបានការស្រុះចិត្តស្រុះគំនិតរបស់អាណាព្យាបាលពីមួយថ្ងៃទៅមួយថ្ងៃ ស្របពេលជាមួយគ្នានោះដែរជួយគ្រូបង្រៀនក្នុងសាលាម្ចាស់ការក្ដាប់យកសមត្ថភាពប្រើប្រាស់ភាសា វៀតណាម របស់សិស្សសាលាដើម្បីមានវិធីសាស្រ្តបង្ហាត់បង្រៀនសមស្របក្នុងឆ្នាំសិក្សាថ្មី” នាយកសាលាបឋមសិក្សា ហាមកឹន ២ ចែករំលែកដូច្នេះ។
ខេត្ត ឡឹមដុង គឺជាមូលដ្ឋានមួយក្នុងចំណោមមូលដ្ឋានមានជនជាតិភាគតិចកុះករដោយមានមនុស្សជាង ៦៨៣.០០០ នាក់ ស្មើនឹង ១៧,៦% នៃចំនួនប្រជាជន។ នៅតាមមូលដ្ឋានជាច្រើន ភាសាកំណើតនៅតែជាភាសាត្រូវបានប្រើជាទូទៅក្នុងការប្រជុំជីវភាពប្រចាំថ្ងៃ។ នេះគឺជាលក្ខណៈវប្បធម៌ប្រពៃណីដែលត្រូវការថែរក្សាផង ដាក់ចេញតម្រូវការពង្រឹងភាសា វៀតណាម បន្ថែមសម្រាប់កុមារមុនពេលឈានចូលបរិស្ថានសាលារៀនក្នុងគោលបំណងធានាឱកាសទទួលបានការអប់រំសមភាពផងដែរ។
ក្នុងអំឡុងឆ្នាំកន្លងទៅ ផ្នែកអប់រំខេត្ត ឡឹមដុង បានអនុវត្តកម្មវិធីពង្រឹងភាសា វៀតណាម បន្ថែមសម្រាប់កុមារជនជាតិភាគតិចដោយមានគោលដៅកុមារជួបការលំបាកលំបិនអំពីភាសា វៀតណាម ១០០% បានចូលរៀន ជារៀងរាល់ឆ្នាំហើយចំនួន ១០០% កម្មាភិបាលគ្រប់គ្រង គ្រូបង្រៀនដែលបង្ហាត់បង្រៀនដោយផ្ទាល់ត្រូវបានបំប៉នវិធីសាស្រ្តសមស្រប។
ដោយឡែកនៅក្នុងរដូវវិស្សមកាលឆ្នាំនេះ សាលារៀនជាច្រើនបានរៀបចំកម្មវិធីពង្រឹងភាសា វៀតណាម បន្ថែមពីដើមខែ កក្កដា ដោយមានរយៈពេលមិនលើសពី ៨០ ម៉ោងរៀន ផ្តោតលើការជួយកុមារចាប់ចង្វាក់ជាមួយភាសា វៀតណាម សណ្តាប់ធ្នាប់សិក្សារៀនសូត្រនិងបំណិនសន្ទនាមុនពេលចូលថ្នាក់ទី ១។ យោងតាមស្ថិតិ ទូទាំងខេត្តមានចំនួន ២៣០ សាលារៀនរៀបចំបង្ហាត់បង្រៀនភាសា វៀតណាម ក្នុងវិស្សមកាលដោយមានចំនួន ៥១៦ ថ្នាក់រៀននិងចំនួន ៥៤៤ គ្រូបង្រៀនចូលរួមបង្ហាត់បង្រៀន។ ចំនួនកុមារសរុបស្ថិតក្នុងក្របខ័ណ្ឌបានចលនាគឺចំនួន ១៣.៣០០ ប្អូន ក្នុងនោះមានចំនួន ១២.៥៦៨ ប្អូនចូលថ្នាក់រៀន (សម្រេចបានជាង ៩៤%)។
យោងតាមមន្ទីរអប់រំនិងបណ្តុះបណ្តាលខេត្ត ឡឹមដុង ការពង្រឹងភាសា វៀតណាម បន្ថែមសម្រាប់សិស្សសាលាតំបន់បងប្អូនជនជាតិភាគតិចបាននាំមកនូវលទ្ធផលជាវិជ្ជមាន។ លទ្ធភាពស្តាប់ និយាយ អាន សរសេរ ភាសា វៀតណាម របស់សិស្សសាលាត្រូវបានកែលម្អយ៉ាងច្បាស់ក្រឡែត រួមចំណែកលើកកម្ពស់គុណភាពសិក្សារៀនសូត្រនិងបង្កើតបុរេលក្ខណៈងាយស្រួលសម្រាប់កម្រិតសិក្សាបន្តទៀត។ កាន់តែសំខាន់ជាងនេះទៅទៀត ការជួយកុមារជនជាតិភាគតិចជឿជាក់លើខ្លួនឯងប្រើប្រាស់ភាសា វៀតណាម តាំងពីអំឡុងឆ្នាំសិក្សាដំបូងរួមចំណែកបង្រួញគម្លាតអំពីភាសា បើកទូលាយឱកាសទទួលបាលពុទ្ធិ បង្កើតមូលដ្ឋានគ្រឹះដើម្បីប្អូនៗ អភិវឌ្ឍទូទាំងប្រទេសនាពេលអនាគត៕
អត្ថបទនិងរូបភាព៖ ហុងហៀវ - ទីភ្នាក់ងារព័ត៌មានវៀតណាម
ប្រែសម្រួល៖ ពេជ្រពិសិដ្ឋ
