គំរូល្អៗ ជាច្រើន វិធីធ្វើច្នៃប្រតិដ្ឋជាច្រើន
ក្នុងអំឡុងពេលជាច្រើនឆ្នាំកន្លងទៅ ការអនុវត្តកម្មវិធីគោលដៅជាតិស្តីពីការកសាងជនបទថ្មី កាត់បន្ថយភាពក្រីក្រប្រកបដោយចីរភាពនិងការអភិវឌ្ឍសេដ្ឋកិច្ច - សង្គមតំបន់បងប្អូនជនជាតិភាគតិចបានបង្កើតការផ្លាស់ប្តូរយ៉ាងខ្លាំងក្លាជាច្រើននៅលើភូមិសាស្ត្រខេត្ត វិញឡុង។
នៅឃុំ សុងឡុក នារី ខ្មែរ ជាច្រើនបានមានល័ក្ខខ័ណ្ឌឈោងឈានឡើងពីខ្ទង់ប្រាក់បុលអនុគ្រោះ។ កាលពីមុននេះ គ្រួសារអ្នកស្រី ថាច់ ធីចន្ថា ស្ថិតក្នុងស្ថានភាពក្រុមគ្រួសារក្រីក្រ គ្មានដីផលិត ប្រាក់ចំណូលភាគច្រើនពឹងផ្អែកលើធ្វើការស៊ីឈ្នួលតាមរដូវកាល។ នៅពេលបានសមាគមសហព័ន្ធនារីឃុំបង្កល័ក្ខខ័ណ្ឌកម្ចីប្រាក់ចំនួន ៣៥ លានដុងពីធនាគារគោលនយោបាយសង្គម អ្នកស្រីវិនិយោគកែលម្អដីធ្លី ដាំបន្លែបង្ការរយៈពេលខ្លី ដំឡើងប្រព័ន្ធស្រោចសន្សំសំចៃទឹកនិងបើកទូលាយផលិតកម្មពីមួយជំហានទៅមួយជំហាន។
ដោយសារប្រើប្រាស់ដើមទុនចំគោលដៅ ប្រើបច្ចេកទេសធ្វើវប្បកម្មសមស្រប គំរូផលិតកម្មនាំមកនូវប្រសិទ្ធភាព កាន់តែខ្ពស់ពីមួយថ្ងៃទៅមួយថ្ងៃ ជួយគ្រួសារអ្នកស្រីរួចផុតពីភាពក្រីក្រហើយលំនឹងជីវភាព។
ក៏ដោយសារផ្តើមពីឥណទានអនុគ្រោះ គ្រួសារលោកស្រី ថាច់ ធីអ្វាញ់ វិនិយោគលើការចិញ្ចឹមគោបន្តពូជ។ ពីគោចំនួន ៥ ក្បាលដំបូង រហូតមកទល់ពេលនេះហ្វូងគោបានកើនឡើងដល់ ២៦ ក្បាល។ ក្នុងមួយឆ្នាំៗ គ្រួសារលក់កូនគោបានប្រហែល ១០ ក្បាល រកបានប្រាក់ចំណូលប្រហែល ១៨០ លានដុង។ មានប្រភពចំណូលស្ថិរភាព លោកស្រីបន្តកែលម្អចម្ការដំណាំមិនសូវផ្ដល់ផល បើកទូលាយផ្ទៃដីផលិតកម្មនិងធ្វើពិពិធកម្មមធ្យោបាយចិញ្ចឹមជីវិត។
យោងតាមលោកស្រី ង្វៀន ធីថាញ់ថ្វង អនុប្រធានសមាគមសហព័ន្ធនារីឃុំ សុងឡុក ឲ្យដឹងថា បច្ចុប្បន្នឃុំមានសមាជិកនារីជាង ៥.២០០ នាក់ ក្នុងនោះ នារីជនជាតិ ខ្មែរ មានចំនួនជាង ៥០%។ រយៈពេលកន្លងទៅ សមាគមផ្តោតលើការឧបត្ថម្ភសមាជិកអភិវឌ្ឍសេដ្ឋកិច្ចគ្រួសារ ជាពិសេសបង្កើតល័ក្ខខ័ណ្ឌដើម្បីនារីជនជាតិ ខ្មែរ ទទួលបានប្រភពទុនកម្ចីអនុគ្រោះពីធនាគារគោលនយោបាយសង្គមដើម្បីវិនិយោគលើការដាំដុះ ចិញ្ចឹមសត្វ កែលម្អការងាររកស៊ីចិញ្ចឹមជីវិត។
យោងតាមគណៈកម្មាធិការបក្សខេត្ត វិញឡុង ក្នុងអំឡុងឆ្នាំកន្លងទៅ គណៈកម្មាធិការបក្ស អាជ្ញាធរ សហគមន៍ធុរកិច្ចនិងប្រជាជននៅលើភូមិសាស្ត្រខេត្តបានបង្ហាញពីការប្តេជ្ញាចិត្តយ៉ាងខ្លាំងក្នុងការអនុវត្តកម្មវិធីគោលដៅជាតិចំនួន ៣ ដោយសម្រេចបានលទ្ធផលវិជ្ជមានគួរឱ្យកត់សម្គាល់ ស្មារតីយល់ដឹងអំពីការកសាងជនបទថ្មីបានលើកកម្ពស់យ៉ាងច្បាស់ក្រឡែត តួនាទីជាអង្គសំខាន់របស់ប្រជាជនក្នុងការកសាងជនបទថ្មីត្រូវបានលើកកម្ពស់ សេដ្ឋកិច្ច - សង្គមតំបន់ជនបទបានអភិវឌ្ឍ បណ្តាគោលនយោបាយសុខុមាលភាពសង្គមត្រូវបានយកចិត្តទុកដាក់ មុខមាត់ជនបទមានការផ្លាស់ប្តូរថ្មី ជីវភាពខាងសម្ភារៈនិងស្មារតីរបស់ប្រជាជនត្រូវបានលើកកម្ពស់ គម្លាតរវាងជនបទនិងទីក្រុងត្រូវបានបង្រួញ ហេដ្ឋារចនាសម្ព័ន្ធសេដ្ឋកិច្ច - សង្គមត្រូវបានផ្តោតការវិនិយោគ ប្រព័ន្ធនយោបាយត្រូវបានពង្រឹង ពង្រីក ការការពារជាតិ - សន្តិសុខត្រូវបានធានា។
ដំណាក់កាល ២០២១ - ២០២៥ ទូទាំងខេត្ត វិញឡុង បានកៀរគរ ផ្គួបបញ្ចូលពីប្រភពទុនឧបត្ថម្ភដោយផ្ទាល់សម្រាប់ការកសាងជនបទថ្មី កាត់បន្ថយភាពក្រីក្រប្រកបដោយចីរភាពនិងការអភិវឌ្ឍសេដ្ឋកិច្ចសង្គមតំបន់ជនជាតិភាគតិចជាង ២៩.៣៨១ ពាន់លានដុង។ ប្រភពទុននេះត្រូវបានផ្តល់អាទិភាពសម្រាប់ការវិនិយោគលើហេដ្ឋារចនាសម្ព័ន្ធចរាចរណ៍ ប្រព័ន្ធធារាសាស្ត្រ សាលារៀន មណ្ឌលសុខាភិបាល សំណង់ស៊ីវិល ស្របពេលនោះដែរឧបត្ថម្ភដល់ការអភិវឌ្ឍផលិតកម្ម លើកកម្ពស់ប្រាក់ចំណូលជូនប្រជាជន។
អាស្រ័យហេតុដូច្នោះ ដល់ដំណាច់ឆ្នាំ ២០២៥ អត្រាក្រុមគ្រួសារក្រីក្រនៅទូទាំងខេត្តធ្លាក់ចុះមកនៅត្រឹម ០,៨៨% ក្រុមគ្រួសារជិតខ្សែបន្ទាត់នៃភាពក្រីក្រនៅចំនួន ១,៩៤%។ ចំពោះបងប្អូនជនជាតិ ខ្មែរ វិញ អត្រាក្រុមគ្រួសារក្រីក្រថយចុះមកនៅត្រឹម ១,៦% ក្រុមគ្រួសារជិតខ្សែបន្ទាត់នៃភាពក្រីក្រនៅត្រឹមចំនួន ៣,២%។
រហូតដល់ដំណាច់ឆ្នាំ ២០២៥ ខេត្តនៅមានចំនួន ៨.៧៣៧ ក្រុមគ្រួសារក្រីក្រ ស្មើនឹងចំនួន ០,៨៨% ចំនួន ១៩.២៤៦ ក្រុមគ្រួសារជិតខ្សែបន្ទាត់នៃភាពក្រីក្រ ស្មើនឹងចំនួន ១,៩៤% បើធៀបនឹងចំនួនក្រុមគ្រួសារប្រជាជនទាំងអស់ ក្នុងនោះ អត្រាក្រុមគ្រួសារក្រីក្រក្នុងចំណោមបងប្អូនជនជាតិ ខ្មែរ ធ្លាក់ចុះនៅត្រឹម ១,៦% និងក្រុមគ្រួសារជិតខ្សែបន្ទាត់នៃភាពក្រីក្រធ្លាក់ចុះនៅត្រឹម ៣,២% បើធៀបនឹងក្រុមគ្រួសារជនជាតិ ខ្មែរ ជនជាតិ ចិន ធ្លាក់ចុះនៅត្រឹម ៩ ក្រុមគ្រួសារនិងជិតខ្សែបន្ទាត់នៃភាពក្រីក្រ ៣១ ក្រុមគ្រួសារជាដើម។ នេះគឺជាតួលេខ បង្ហាញឱ្យឃើញពីប្រសិទ្ធភាពនៃការគួបផ្សំការវិនិយោគលើហេដ្ឋារចនាសម្ព័ន្ធជាមួយនឹងគោលនយោបាយឧបត្ថម្ភការងាររកស៊ីចិញ្ចឹមជីវិត បង្កើតការងារធ្វើនិងអភិវឌ្ឍផលិតកម្ម។
ឥណទានគោលនយោបាយ - ចំណុចភ្លឺក្នុងការងារកាត់បន្ថយភាពក្រីក្រ
ចំណុចភ្លឺមួយក្នុងចំណោមចំណុចភ្លឺនៃការងារកាត់បន្ថយភាពក្រីក្ររបស់ខេត្ត វិញឡុង គឺការលើកស្ទួយប្រសិទ្ធភាពប្រភពទុនឥណទានគោលនយោបាយសង្គមឆ្លងតាមរយៈទម្រង់ប្រគល់ការងារជាមួយអង្គការមហាជន បង្កើតល័ក្ខខ័ណ្ឌសម្រាប់ប្រជាជនក្នុងការទទួលបានប្រភពទុន ជួយលើកកម្ពស់ប្រសិទ្ធភាពនៃការគ្រប់គ្រងនិងប្រើប្រាស់ដើមទុន។
យោងតាមការិយាល័យប្រតិបត្តិការធនាគារគោលនយោបាយសង្គម ជៅថាញ់ បច្ចុប្បន្នអង្គភាពនេះអនុវត្តកម្មវិធីឥណទានអនុគ្រោះចំនួន ១៤ សម្រាប់ក្រុមគ្រួសារក្រីក្រ ក្រុមគ្រួសារជិតខ្សែបន្ទាត់នៃភាពក្រីក្រ គ្រួសារដែលទើបរួចផុតពីភាពក្រីក្រ ដោះស្រាយការងារធ្វើនិងមុខសញ្ញាគោលនយោបាយជាច្រើនដទៃទៀត។
រហូតមកដល់បច្ចុប្បន្ននេះ បំណុលសរុបដែលមិនទាន់សងនៅក្នុងឃុំ សង្កាត់ទាំង ៦ នៅលើភូមិសាស្ត្រសម្រេចបានជាង ៧០៨ ពាន់លានដុង ដោយមានខ្ទង់ប្រាក់កម្ចីជាង ២៣.០០០ ដែលបម្រើជិត ១៩.០០០ ក្រុមគ្រួសារ។ ក្នុងនោះ បំណុលដែលមិនទាន់សងប្រគល់សិទ្ធិឆ្លងតាមរយៈអង្គការនយោបាយ - សង្គមមានចំនួនជាង ៩៩% បង្ហាញឱ្យឃើញថាតួនាទីដ៏ធំរបស់សមាគម អង្គការមហាជនទាំងឡាយក្នុងការពាំនាំដើមទុនមកចំមុខសញ្ញាទទួលផល។
ដោយឡែកសមាគមសហព័ន្ធនារីកំពុងគ្រប់គ្រងបំណុលដែលមិនទាន់សង ៣៦៧ ពាន់លានដុងដោយមានជាង ១២.០០០ ខ្ទង់ប្រាក់កម្ចី។ មិនត្រឹមតែជួយសមាជិកបានកម្ចីដើមទុន សមាគមគ្រប់លំដាប់ថ្នាក់ថែមទាំងណែនាំកសាងគំរូផលិតកម្មសមស្រប ចូលរួមក្រុមសហការ សហករណ៍ ផ្លាស់ប្តូរពីផលិតកម្មខ្នាតតូចងាកទៅចងសម្ពន្ធគ្នាជាមួយនឹងខ្សែចង្វាក់តម្លៃ។
បច្ចុប្បន្ន ទូទាំងខេត្ត វិញឡុង មានសហករណ៍ចំនួន ៧៥ និងក្រុមសហការចំនួន ៧០១ ដោយមានសមាជិកសមាគមនារីរាប់ម៉ឺននាក់ចូលរួម។ នេះគឺជាមូលដ្ឋានគ្រឹះដ៏សំខាន់មួយដើម្បីចម្លងទូលំទូលាយបណ្តាគំរូសេដ្ឋកិច្ចប្រកបដោយប្រសិទ្ធភាព លើកកម្ពស់ប្រាក់ចំណូលនិងអភិវឌ្ឍសេដ្ឋកិច្ចជនបទតាមទិសដៅប្រកបដោយចីរភាព។
ឈានចូលដល់ដំណាក់កាល ២០២៦ - ២០៣០ ខេត្ត វិញឡុង កំណត់ថាការកសាងជនបទថ្មី កាត់បន្ថយភាពក្រីក្រប្រកបដោយចីរភាពនិងអភិវឌ្ឍតំបន់បងជនជាតិភាគតិចបន្តជាភារកិច្ចនយោបាយសំខាន់របស់ប្រព័ន្ធនយោបាយទាំងមូល។
យោងតាមផែនការរបស់គណៈកម្មាធិការប្រជាជនខេត្ត វិញឡុង ខេត្តលើកគោលដៅដល់ឆ្នាំ ២០៣០ មានប្រហែល ៦៥% នៃចំនួនឃុំសម្រេចបានស្តង់ដារជនបទថ្មី ក្នុងនោះមានយ៉ាងហោចណាស់ ១១ ឃុំសម្រេចស្តង់ដារជនបទថ្មីទំនើប លែងនៅមានឃុំ ភូមិលំបាកលំបិនខ្លាំងតំបន់បងប្អូនជនជាតិភាគតិច។
ប្រាក់ចំណូលជាមធ្យមក្នុងមនុស្សម្នាក់តំបន់ជនបទខិតខំបង្កើនឡើងយ៉ាងហោចបំផុតចំនួន ២,៥ ដងបើប្រៀបធៀបទៅនឹងឆ្នាំ ២០២០ អត្រាក្រុមគ្រួសារក្រីក្របន្តធ្លាក់ចុះដោយផ្អែកលើស្តង់ដារនៃភាពក្រីក្រពហុវិមាត្រ ស្របពេលនោះគ្រប់គ្រងហានិភ័យធ្លាក់ខ្លួនក្រឡើងវិញប្រកបដោយប្រសិទ្ធភាព។
ដើម្បីធ្វើឱ្យក្លាយជាការពិតជាក់ស្ដែងគោលដៅទាំងនេះ ខេត្ត វិញឡុង មានគម្រោងបែងចែកថវិកាចំនួន ១៦.៥៩០ ពាន់លានដុងសម្រាប់ការអនុវត្តកម្មវិធីគោលដៅជាតិដំណាក់កាល ២០២៦ - ២០៣០។ ប្រភពកម្លាំងនឹងត្រូវបានផ្តល់អាទិភាពសម្រាប់ភូមិសាស្ត្រដែលមានការលំបាកលំបិន តំបន់បងប្អូនជនជាតិភាគតិច គួបផ្សំការវិនិយោគហេដ្ឋារចនាសម្ព័ន្ធជាមួយនឹងការអភិវឌ្ឍមធ្យោបាយចិញ្ចឹមជីវិតនិងលើកកម្ពស់គុណភាពធនធានមនុស្ស។
គួរឱ្យកត់សម្គាល់គឺ ខេត្ត វិញឡុង នឹងបន្តរៀបចំរចនាសម្ព័ន្ធផលិតកម្មកសិកម្មឡើងវិញ តាមទិសដៅលើកកម្ពស់តម្លៃបន្ថែម អភិវឌ្ឍផលិតផល OCOP ទេសចរណ៍កសិកម្ម ទេសចរណ៍សហគមន៍ ស្រាវជ្រាវបង្កើតមូលនិធិអភិវឌ្ឍបៃតង មូលនិធិផ្តើមអាជីវកម្មសម្រាប់យុវជនជនជាតិភាគតិច ស្របពេលនោះដែរ ជំរុញបរិវត្តកម្មឌីជីថលយ៉ាងខ្លាំងក្លាដើម្បីបង្កើតចលករថ្មីសម្រាប់ការអភិវឌ្ឍសេដ្ឋកិច្ចជនបទ។
ក្នុងពេលជាមួយគ្នាដែរ ខេត្តបន្តបើកទូលាយឥណទានគោលនយោបាយ ខិតខំធានាថា ១០០% មុខសញ្ញាគ្រប់ល័ក្ខខ័ណ្ឌនិងមានតម្រូវការសុទ្ធតែបានបុលទុនកម្ចីដើម្បីអភិវឌ្ឍផលិតកម្ម បង្កើតការងារធ្វើនិងលើកកម្ពស់ប្រាក់ចំណូល។
ដោយមានតួនាទីស្ថាបនា គណៈកម្មាធិការបក្សខេត្ត វិញឡុង ចាត់ទុកថា ទស្សនវិស័យពេញអំឡុងពេលក្នុងដំណាក់កាលថ្មីគឺអភិវឌ្ឍ ជនបទតាមទិសដៅទំនើប បៃតងនិងប្រកបដោយចីរភាព ផ្សារភ្ជាប់ការកសាងជនបទថ្មីជាមួយនឹងដំណើរការឧស្សាហូបនីយកម្ម នគរូបនីយកម្ម ដាក់មនុស្សធ្វើជាអង្គសំខាន់ សហគ្រាសនិងសហករណ៍ជាកម្លាំងចលករ រដ្ឋដើរតួស្ថាបនា កំណត់ទិសដៅនិងឧបត្ថម្ភ។
ដើម្បីអនុវត្តកម្មវិធីគោលដៅជាតិស្តីពីការកសាងជនបទថ្មី កាត់បន្ថយភាពក្រីក្រប្រកបដោយចីរភាពនិងអភិវឌ្ឍសេដ្ឋកិច្ច - សង្គមតំបន់បងប្អូនជនជាតិភាគតិចនិងតំបន់ភ្នំខេត្ត វិញឡុង ដំណាក់កាល ២០២៦ - ២០៣០ និងកំណត់ទិសដៅដល់ឆ្នាំ ២០៣៥ ប្រកបដោយប្រសិទ្ធភាព គណៈកម្មាធិការបក្សខេត្ត វិញឡុង បន្តកៀរគរប្រភពកម្លាំងសង្គមជាអតិបរមា ជំរុញការអនុវត្តវិទ្យាសាស្ត្រ - បច្ចេកវិទ្យា ធ្វើបរិវត្តកម្មឌីជីថលយ៉ាងខ្លាំងក្លាក្នុងការគ្រប់គ្រងនិងរៀបចំអនុវត្តកម្មវិធីទាំងឡាយ ពង្រឹងការត្រួតពិនិត្យ តាមដាន ដោះស្រាយការលំបាកលំបិន ទើសទាក់ក្នុងដំណើរការអនុវត្តទាន់ពេលវេលា៕
អត្ថបទនិងរូបថត៖ អានហៀវ - ថាញ់ហ្វា
ប្រែសម្រួល៖ ពេជ្រពិសិដ្ឋ
