អនុប្រធានគណៈកម្មាធិការប្រជាជនទីក្រុង កឹនធើ បញ្ជាក់ថា ទិវាកងទ័ព - ប្រជាជន អំណរបុណ្យចូលឆ្នាំថ្មីគឺជាគំរូមានលក្ខណៈសំយោគ គ្រប់ជ្រុងជ្រោយ ដោយមានខ្លឹមសារនិងទម្រង់ចម្រុះ សម្បូរបែប រៀបចំលេងកម្សាន្តសប្បាយផង គិតគូរកសាងមូលដ្ឋានសម្ភារនិង ជីវភាពជូនមាមីងបងប្អូនជនជាតិ ខ្មែរ នៅមូលដ្ឋានផង។ ឆ្លងតារយៈនោះបង្ហាញត្រឹមត្រូវតាមទស្សនវិស័យដឹកនាំរបស់បក្ស រដ្ឋស្តីពីការងារគោលនយោបាយចំពោះបងប្អូនជនជាតិ សាសនា រួមចំណែកជាមួយគណៈកម្មាធិការបក្ស អាជ្ញាធរដោះស្រាយការលំបាកលំបិន នាំមកនូវជីវភាពកក់ក្តៅសម្បូរសប្បាយ សុភមង្គលជូនប្រជាជន ធ្វើឱ្យផ្លាស់ប្តូរមុខមាត់ជនបទពីមួយជំហានទៅមួយជំហានក្នុងឱកាសបុណ្យចូលឆ្នាំថ្មីប្រពៃណីរបស់បងប្អូនជនជាតិ ខ្មែរ។
យោងតាមលោកវរសេនីយ៍ឯក ផាម ង៉ុកក្វាង អគ្គស្នងការនយោបាយបញ្ជាការដ្ឋានយោធាទីក្រុង កឹនធើ ឆ្នាំ ២០២៦ មានសកម្មភាពជាច្រើន ប៉ុន្តែទីក្រុងតែងតែឆ្ពោះទៅកាន់មាមីងបងប្អូនជនជាតិ ខ្មែរ ដោយមានកម្មវិធីជាក់ស្តែងជាច្រើន។ នេះក៏ជាឆ្នាំដំបូងក្នុងរយៈពេលប្រាំមួយឆ្នាំកន្លងទៅ ទីក្រុង កឹនធើ រៀបចំទិវាកងទ័ព - ប្រជាជនដោយជោគជ័យនិងមានអត្ថន័យបំផុត ដោយមានថវិកាសរុបជាង ១៨ ពាន់លានដុងពីថវិការដ្ឋនិងប្រភពសង្គមូបនីយកម្ម។ បានមានផ្ទះចំនួន ២៣៨ ខ្នងត្រូវបានប្រគល់ជូនប្រជាជនដែលឧបត្ថម្ភដោយគណៈកម្មាធិការរណសិរ្សមាតុភូមិវៀតណាមទីក្រុង កឹនធើ រួមចំណែកដល់ការដោះស្រាយតម្រូវការអំពីផ្ទះលំនៅជូនបងប្អូនជនជាតិ។
ក្នុងឱកាសនេះ គណៈកម្មការរៀបចំបានប្រគេននិងជូនប័ណ្ណសរសើររបស់ប្រធានគណៈកម្មាធិការប្រជាជនទីក្រុង កឹនធើ ដល់សមូហភាពចំនួន ១៨ និងបុគ្គលចំនួន ២៣ អង្គនិងរូបមានស្នាព្រះហស្ដ ស្នាដៃគំរូក្នុងការចូលរួមក្នុងសកម្មភាពនានានៅលើភូមិសាស្ត្រ។ បញ្ជាការដ្ឋានយោធាទីក្រុង កឹនធើ ក៏បានប្រគេននិងជូនលិខិតសរសើរដល់សមូហភាពចំនួន ១០ និងបុគ្គលចំនួន ៣១ អង្គនិងរូបជាដើមផងដែរ៕
ដំណឹងនិងរូបថត៖ ង៉ុកថៀន - ទីភ្នាក់ងារព័ត៌មានវៀតណាម
ប្រែសម្រួល៖ ពេជ្រពិសិដ្ឋ
