អ្នកមានប្រជាប្រិយភាពកសាង "ក្បួនយុទ្ធសាស្រ្តទឹកចិត្តប្រជាជន" នៅភូមិភាគខាងត្បូង

ហ្វាងទ្វៀត

12/05/2026 11:55

ថ្ងៃទី ១៨ ខែ មេសា នៅទីក្រុង កឹនធើ អគ្គនាយកដ្ឋាននយោបាយនៃកងទ័ពប្រជាជន វៀតណាម បានរៀបចំកិច្ចជំនួបព្រឹទ្ធាចារ្យភូមិ ប្រធានភូមិ ប្រធានមណ្ឌល អ្នកមានប្រជាប្រិយភាពនិងសមណស័ក្ដិសាសនាគំរូភូមិភាគខាងត្បូង។

ក្នុងបរិយាកាសដ៏កក់ក្តៅមនោសញ្ចេតនាកងទ័ព - ប្រជាជន កិច្ចជំនួបបានស្តាប់មតិយោបល់ផ្លាស់ប្តូរចែករំលែកបទពិសោធន៍ជាច្រើន ក្នុងការងារចលនាមហាជន កសាងជីវភាពវប្បធម៌នៅមូលដ្ឋានរបស់ព្រឹទ្ធាចារ្យភូមិ ប្រធានភូមិ ប្រធាននិគម អ្នកមានប្រជាប្រិយភាព សមណស័ក្ដិសាសនាគំរូ។

តំណាងគណៈកម្មការរៀបចំប្រគេនទេយ្យវត្ថុ ជូនអំណោយដល់អ្នកមានប្រជាប្រិយភាពកសាង "ក្បួនយុទ្ធសាស្រ្តទឹកចិត្តប្រជាជន" នៅភូមិភាគខាងត្បូង។ រូបថត៖ ម៉ាញ់លិញ

លោក ឡឹម ហ៊ុងវ៉ូន ព្រឹទ្ធាចារ្យភូមិគំរូជនជាតិ ខ្មែរ នៅខេត្ត ដុងណាយ ចែករំលែកថា បណ្តាគំរូដូចជា "ទិវាកងទ័ព - ប្រជាជន" "ស្រុកវិហារនិងព្រះសហគមន៍ កាតូលិក ភូមិសុវត្ថិភាព" "ក្រុមស្វ័យគ្រប់គ្រងក្នុងចំណោមបងប្អូនជនជាតិកាន់សាសនា" បានរួមចំណែកលើកកម្ពស់ស្មារតីគោរពច្បាប់ ថែរក្សាអត្តសញ្ញាណវប្បធម៌ និងកសាងសហគមន៍សាមគ្គី រឹងមាំ។

អញ្ជើញសួរសុខទុក្ខតំណាងព្រឹទ្ធាចារ្យភូមិ ប្រធានភូមិ អ្នកមានប្រជាប្រិយភាពគំរូមួយចំនួន ឧត្តមសេនីយ៍ឯក ង្វៀន ត្រុងងៀ សម្តែងក្តីសង្ឃឹមថាអ្នករាល់គ្នាបន្តមានការចូលរួមជាវិជ្ជមានឱ្យមូលដ្ឋាន។ រូបថត៖ ថាញ់លីម

អញ្ជើញថ្លែងសុន្ទរកថានៅកិច្ចជំនួប ឧត្តមសេនីយ៍ឯក ង្វៀន ត្រុងងៀ សមាជិកការិយាល័យនយោបាយ ប្រធានអគ្គនាយកដ្ឋាន នយោបាយនៃកងទ័ពប្រជាជន វៀតណាម ដាក់ចេញតម្រូវការត្រូវតែផ្សារភ្ជាប់ការងារកសាង "ក្បួនយុទ្ធសាស្រ្តទឹកចិត្តប្រជាជន" ដោយមានភារកិច្ចការពារមាតុភូមិក្នុងស្ថានភាពថ្មី។

ឧត្តមសេនីយ៍ឯក ង្វៀន ត្រុងងៀ អញ្ជើញប្រគេនទេយ្យវត្ថុជូនអំណោយដល់ព្រឹទ្ធាចារ្យភូមិ ប្រធានភូមិ ប្រធានមណ្ឌលគំរូៗ និមន្តអញ្ជើញចូលរួមកម្មវិធី។ រូបថត៖ ម៉ាញ់លិញ

ឧត្តមសេនីយ៍ឯក ង្វៀន ត្រុងងៀ ជាមួយព្រឹទ្ធាចារ្យភូមិ ប្រធានភូមិ អ្នកមានប្រជាប្រិយភាព និងសមណស័ក្ដិសាសនាតំបន់បងប្អូនជនជាតិភាគតិចភូមិភាគខាងត្បូង។ រូបថត៖ ថាញ់លីម

ឧត្តមសេនីយ៍ឯកសម្តែងក្តីសង្ឃឹមថាកងជួរព្រឹទ្ធាចារ្យភូមិ ប្រធានភូមិ សមណស័ក្ដិសាសនា បន្តលើកស្ទួយតួនាទីកិត្យានុភាពរបស់ខ្លួន សកម្មចលនាប្រជាជនសាមគ្គី អភិវឌ្ឍសេដ្ឋកិច្ចកាត់បន្ថយភាពក្រីក្រប្រកបដោយចីរភាព និងចូលរួមកសាងប្រព័ន្ធនយោបាយមូលដ្ឋានដ៏រឹងមាំ។ល។

ព្រឹទ្ធាចារ្យភូមិ ប្រធានភូមិ អ្នកមានប្រជាប្រិយភាព និងសមណស័ក្ដិសាសនាតំបន់បងប្អូនជនជាតិភាគតិចភូមិភាគខាងត្បូងក្នុងកិច្ចជំនួប។ រូបថត៖ ម៉ាញ់លិញ

គណៈប្រតិភូនិមន្ត និងអញ្ជើញអុជធូបនៅទីសក្ការៈបូជាស្តេចត្រកូល ហ៊ុង នៅទីក្រុង កឹនធើ។ រូបថត៖ ថាញ់លីម

ក្នុងឱកាសនេះ គណៈប្រតិភូបានអញ្ជើញអុជធូបនៅស្តូបរូបសំណាកជ័យជម្នះយោធភូមិ ភាគទី ៩ ទីសក្ការៈបូជាស្តេចត្រកូល ហ៊ុង នៅទីក្រុង កឹនធើ អញ្ជើញសួរសុខទុក្ខ ជូនអំណោយសាលាអប់រំជំនាញដោយឡែកទីក្រុង កឹនធើ។

ឧត្តមសេនីយ៍ឯក ង្វៀន ត្រុងងៀ សមាជិកការិយាល័យនយោបាយ ប្រធានអគ្គនាយកដ្ឋាននយោបាយនៃកងទ័ពប្រជាជន វៀតណាម អញ្ជើញថ្លែងសុន្ទរកថានៅក្នុងកិច្ចជំនួប។ រូបថត៖ ម៉ាញ់លិញ

គណៈប្រតិភូអញ្ជើញសួរសុខទុក្ខ ជូនអំណោយលោកគ្រូ និងសិស្សសាលាអប់រំជំនាញដោយឡែកទីក្រុង កឹនធើ។ រូបថត៖ ថាញ់លីម

ព្រឹទ្ធាចារ្យភូមិ ប្រធានភូមិ អ្នកមានប្រជាប្រិយភាព និងសមណស័ក្ដិសាសនាតំបន់បងប្អូនជនជាតិភាគតិចភូមិភាគខាងត្បូង។ រូបថត៖ ម៉ាញ់លិញ

គណៈកម្មការរៀបចំក៏អញ្ជើញប្រគល់ជូនអំណោយដ៏មានអត្ថន័យជាច្រើនចំណែកដល់គណៈប្រតិភូ បង្ហាញពីការយកចិត្តទុកដាក់របស់បក្ស រដ្ឋ និងកងទ័ពចំពោះកងជួរអ្នកមានប្រជាប្រិយភាព រួមចំណែកជម្រុញស្មារតី លើកទឹកចិត្តអ្នកទាំងអស់គ្នាបន្តចូលរួមឲ្យមូលដ្ឋាន៕

អត្ថបទ៖ ហ្វាងទ្វៀត
រូបថត៖ ទីភ្នាក់ងារពត៌មានវៀតណាម
បញ្ចូលទិន្នន័យ៖ ចន្ថា

(កាសែត ព័ត៌មាន និង ជនជាតិ)