អញ្ជើញថ្លែងសុន្ទរកថានៅក្នុងសិក្ខាសាលា លោកស្រី ង្វៀន ធីមិញត្រាង ប្រធានគណៈកម្មការឃោសនាអប់រំ និងប្រជាចលនានៃគណៈកម្មាធិការបក្សខេត្ត វិញឡុង កត់សម្គាល់ និងលើកសរសើររាល់ការចូលរួមវិភាគទានយ៉ាងសំខាន់របស់កងជួរបញ្ញវន្តបញ្ញាវន្តី អ្នកវិទ្យាសាស្ត្រចំពោះការអភិវឌ្ឍរួមរបស់ខេត្តក្នុងរយៈពេលកន្លង។ លោកស្រី ង្វៀន ធីមិញត្រាង អះអាងបញ្ជាក់ថា សេដ្ឋកិច្ចវិលជុំគឺជាកម្លាំងចលករនៃការផ្លាស់ប្តូរបៃតងនៅក្នុងយុគសម័យឌីជីថល ផ្សារភ្ជាប់ជាមួយនឹងការអភិវឌ្ឍវិទ្យាសាស្ត្រ - បច្ចេកវិទ្យា នវានុវត្តន៍ច្នៃប្រតិដ្ឋ និងបរិវត្តកម្មឌីជីថលជាសសរស្តម្ភយុទ្ធសាស្ត្រនៃគំរូកំណើនថ្មី។ នេះគឺជាទិសដៅសំដៅប្រើប្រាស់ធនធានធម្មជាតិប្រកបដោយប្រសិទ្ធភាព កាត់បន្ថយផលប៉ះពាល់ដល់បរិស្ថាន ឆ្ពោះទៅរកកំណើនបៃតងនិងអភិវឌ្ឍប្រកបដោយចីរភាព។
រាល់បទអន្តរាគមន៍ពិភាក្សានៅក្នុងសិក្ខាសាលាផ្តោតលើការវិភាគឱកាស និងបញ្ហាប្រឈមរបស់ខេត្តក្នុងដំណើរការបរិវត្តកម្មឌីជីថល និងការអភិវឌ្ឍសេដ្ឋកិច្ចវិលជុំ ស្នើវិធានការប្រើប្រាស់វិទ្យាសាស្ត្រ - បច្ចេកវិទ្យា នវានុវត្តន៍ច្នៃប្រតិដ្ឋទៅក្នុងវិស័យសេដ្ឋកិច្ចសំខាន់ៗ។ ចែករំលែកបទពិសោធន៍ក្នុងការកសាងគំរូអភិវឌ្ឍន៍បៃតង ប្រកបដោយចីរភាព លើកស្ទួយតួនាទីប្រឹក្សា ធ្វើវិវេចនារបស់កងជួរអ្នកជំនាញការដើម្បីចូលរួមចំណែកក្នុងការកែលម្អគោលនយោបាយអភិវឌ្ឍន៍របស់ខេត្តនាពេលខាងមុខ។
យោងតាមលោក ង្វៀន វ៉ាន់យើយ នាយករងនៃមន្ទីរវិទ្យាសាស្ត្រ និងបច្ចេកវិទ្យាខេត្ត វិញឡុង មានប្រសាសន៍ថា សម្រាប់ខេត្ត វិញឡុង បរិវត្តកម្មឌីជីថលត្រូវបានកំណត់ថាជាភារកិច្ចចម្បង ពេញអំឡុងពេលដំណើរការអភិវឌ្ឍន៍ រួមចំណែកដល់ការលើកកម្ពស់សុពលភាព ប្រសិទ្ធភាពនៃការគ្រប់គ្រងរដ្ឋ កែលម្អបរិយាកាសវិនិយោគធ្វើអាជីវកម្ម និងបង្កបង្កើតមូលដ្ឋានគ្រឹះនៃសេដ្ឋកិច្ចឌីជីថលពីមួយជំហានទៅមួយជំហាន។
រយៈពេលកន្លងហើយ ខេត្តបានអនុវត្តវិធានការនានាប្រកបដោយសង្គតិភាពអំពីអភិវឌ្ឍន៍ហេដ្ឋារចនាសម្ព័ន្ធ សេវាកម្មឌីជីថល លើកកម្ពស់គុណភាពធនធានមនុស្សឌីជីថល ដាក់ដំណើរការថ្នាលឌីជីថល ប្រើប្រាស់ទិន្នន័យឌីជីថលបម្រើតម្រូវការអភិវឌ្ឍន៍សេដ្ឋកិច្ច - សង្គមរបស់ខេត្តនិយាយរួម និងការអភិវឌ្ឍសេដ្ឋកិច្ចឌីជីថលនិយាយដោយឡែក។
ខេត្ត វិញឡុង ផ្តោតលើការដឹកនាំបណ្តាផ្នែកអនុវត្តវិធានការជំរុញអភិវឌ្ឍសេដ្ឋកិច្ចឌីជីថលនៅក្នុងភូមិសាស្រ្តខេត្ត ឧបត្ថម្ភសហគ្រាស សហករណ៍ និងក្រុមគ្រួសារអាជីវកម្មប្រើកម្មវិធីពាណិជ្ជកម្មអេឡិចត្រូនិច អភិវឌ្ឍគេហទំព័រលក់ទំនិញ រួមបញ្ចូលមុខងារបញ្ជាទិញតាមអនឡាញ និងការលក់ផលិតផលតាមរយៈបរិស្ថានឌីជីថល។ ផ្នែកជំនាញអនុវត្ត "គំរូទីផ្សារ ៤.០ ជាមួយនឹងការទូទាត់ប្រាក់ដោយមិនប្រើសាច់ប្រាក់" ទីផ្សារដោះដូរពាណិជ្ជកម្មអេឡិចត្រូនិចខេត្ត វិញឡុង (www.vinhlongtrade.vn) ត្រូវបានដំឡើងកម្រិត និងបង្ហោះផ្សាយព័ត៌មាន ប្រតិបត្តិការរបស់សហគ្រាសទាំង ៣៣៣ និងផលិតផលចំនួន ៩២៤ គ្រប់ប្រភេទ សម្រេចបានប្រហែល ៩០% នៃផលិតផល OCOP។
ខេត្តដំណើរការទីផ្សារពាណិជ្ជកម្មអេឡិចត្រូនិចដោយមានអង្គការ បុគ្គលចូលរួមចំនួន ១.៣២០ ផលិតផលចំនួន ៤.៥៨៤ មុខ ប្រើប្រាស់ថ្នាលឌីជីថលកសិករ វៀតណាម គាំទ្រកសិករក្នុងការទទួលព័ត៌មាន សេវាកម្ម និងបច្ចេកវិទ្យាថ្មីៗ ម្ចាស់ការឧបករណ៍ឌីជីថលក្នុងការគ្រប់គ្រងផលិតកម្មពីមួយជំហានទៅមួយជំហាន។ ថ្នាលឌីជីថលរួមចំណែកធ្វើឲ្យប្រសើរបំផុតដំណើរការទាំងមូលចាប់ពីផលិតកម្មរហូតដល់ការលក់ចេញ តាមដានទីផ្សារ និងផ្សព្វផ្សាយផលិតផល ឆ្លងតាមរយៈនោះពង្រឹងទំនាក់ទំនងរវាងកសិករ អ្នកវិទ្យាសាស្ត្រ សហគ្រាស និងស្ថាប័នគ្រប់គ្រង ជំរុញអភិវឌ្ឍកសិកម្មឌីជីថល ។ល។
បណ្ឌិត ង្វៀន ធីធុយលីវ នាយិកាសាខាមហាវិទ្យាល័យសេដ្ឋកិច្ចទីក្រុង ហូជីមិញ (UEH) ប្រចាំខេត្ត វិញឡុង ចែករំលែកថា សេដ្ឋកិច្ចវិលជុំកំពុងត្រូវបានអនុវត្តយ៉ាងទូលំទូលាយជាបណ្តើរៗ ហើយក្នុងវិស័យកសិកម្ម និងឧស្សាហកម្ម។ ចំណុចសមស្របនៃគំរូសម្រាប់ខេត្ត វិញឡុង ស្ថិតនៅលើសមត្ថភាពបង្កើតការតភ្ជាប់ទ្វេភាគីរវាងតំបន់ក្នុងវាលស្រែ និងតំបន់ដាំដំណាំដូង។ អនុផលពីស្រូវ ដំណាំហូបផ្លែ និងការចិញ្ចឹមសត្វអាចជួយកែលម្អដី ផលិតជីសរីរាង្គ ឬផ្គត់ផ្គង់វត្ថុធាតុដើមសម្រាប់កែច្នៃកសិកម្មផ្សេងៗ។
ផ្ទុយទៅវិញ ជីវម៉ាសដូងអាចពង្រីកផលិតកម្មល្បាយដីបណ្តុះដំណាំ សម្ភារៈ ផលិតផលហត្ថកម្ម និងផលិតផលក្នុងស្រុក។ នៅពេលប្រភពធនធានទាំងពីរនេះ ត្រូវបានតភ្ជាប់គ្នា
សេដ្ឋកិច្ចវិលជុំលែងជាការធ្វើប្រព្រឹត្តកម្មកាកសំណល់នៅក្នុងមូលដ្ឋាននីមួយៗ ទៀតហើយ តែក្លាយជាយន្តការដំឡើងមួយកម្រិតទៀតនូវខ្សែចង្វាក់តម្លៃរវាងតំបន់ក្នុងវាលស្រែ និងតំបន់ដាំដំណាំដូង ។ល។
ក្នុងឱកាសនេះ គណៈកម្មការរៀបចំលើកសរសើរបញ្ញវន្តបញ្ញាវន្តីគំរូចំនួន ៨៩ រូប ដែលធ្វើសកម្មភាពនៅក្នុងវិស័យសុខាភិបាល អប់រំ ស្រាវជ្រាវវិទ្យាសាស្ត្រ និងផ្ទេរបច្ចេកវិទ្យានៅក្នុងខេត្ត ដោយមានកិត្តិនាម ឋានន្តរស័កសិក្សា សញ្ញាបត្រសិក្សាដូចជា គ្រូពេទ្យប្រជាជន គ្រូពេទ្យពូកែ អនុសាស្ត្រាចារ្យ បណ្ឌិតទើបតែបានជូនកិត្តិនាម និងបញ្ញវន្តបញ្ញាវន្តីគំរូចំណុះមន្ទីរ ផ្នែកនានានៅក្នុងខេត្ត៕
អត្ថបទនិងរូបថត៖ ហ្វិញ ភុកហូវ
ប្រែសម្រួល៖ ចន្ថា
