អញ្ជើញចូលរួមមានសមមិត្តសមមិត្តនារី៖ លោក ត្រឹន កឹមទូ សមាជិកការិយាល័យនយោបាយ អចិន្ត្រៃយ៍គណៈលេខា លោកស្រី ប៊ូយ ធីមិញហ្វាយ សមាជិកាការិយាល័យនយោបាយ លេខាមជ្ឈិមបក្ស ប្រធានគណៈកម្មាធិការមជ្ឈិមរណសិរ្សមាតុភូមិវៀតណាម លោក ង្វៀន ខាក់ឌិញ សមាជិកមជ្ឈិមបក្ស អនុប្រធានរដ្ឋសភា រួមជាមួយនឹងសមមិត្តសមមិត្តនារីដែលជាសមាជិកមជ្ឈិមបក្ស ថ្នាក់ដឹកនាំនៃគណៈកម្មាធិការរដ្ឋសភា ថ្នាក់ដឹកនាំនៃក្រសួង ផ្នែកមជ្ឈិម និងមូលដ្ឋានមួយចំនួន។
ក្នុងបរិយាកាសដ៏ស្រគត់ស្រគំ លោកប្រធានរដ្ឋសភា ត្រឹន ថាញ់ម៉ឹន រួមជាមួយនឹងគណៈប្រតិភូដទៃទៀតបានអញ្ជើញមកដាក់កម្រងផ្កា និងអុជធូបគោរពវិញ្ញាណក្ខន្ធ និងធ្វើពិធីគោរពរំលឹកវិញ្ញាណក្ខន្ធអតីតអគ្គលេខាបក្ស ត្រឹនភូ និងវីរយុទ្ធជនពលីមួយនាទីដែលបានតស៊ូប្រយុទ្ធ ធ្វើពលីយ៉ាងអង់អាចក្លាហានដើម្បីការពារឯករាជ្យ សេរីភាព និងបូរណភាពទឹកដីរបស់មាតុភូមិ ដើម្បីសុភមង្គលរបស់ប្រជាជន។
លោកប្រធានរដ្ឋសភា ត្រឹន ថាញ់ម៉ឹន បានអញ្ជើញទៅមើលទីតាំង និងស្តាប់របាយការណ៍ស្តីពីវឌ្ឍនភាពនៃកិច្ចការស្វែងរក ប្រមូលផ្តុំអដ្ឋិធាតុយុទ្ធជនពលីនៅឧទ្យាន លេ ធីរៀង ដែលជាទីតាំងមួយភ្ជាប់ជាមួយនឹងពលីកម្មដ៏អង់អាចរបស់កងទ័ព និងប្រជាជនយើងក្នុងការវាយសម្រុកជាទូទៅ និងការក្រោកឈរឡើងនិទាឃរដូវឆ្នាំ វក សំរឹទ្ធិស័ក ១៩៦៨។
ក្នុងឱកាសនេះ លោក ត្រឹន ថាញ់ម៉ឹន ប្រធានរដ្ឋសភា លោក ត្រឹន កឹមទូ អចិន្ត្រៃយ៍នៃគណៈលេខាបក្ស និងលោកស្រី ប៊ូយ ធីមិញហ្វា ប្រធានគណៈកម្មាធិការមជ្ឈិមរណសិរ្សមាតុភូមិវៀតណាមបានអញ្ជើញជូនអំណោយ លើកទឹកចិត្តកងកម្លាំងចូលរួមក្នុងការស្វែងរក ប្រមូលផ្តុំអដ្ឋិធាតុយុទ្ធជនពលីនៅឧទ្យាន លេ ធីរៀង (ទីក្រុង ហូ ជីមិញ)៕
អត្ថបទ៖ ផានផឿង
រូបថត៖ យ័នទន់
ប្រែសម្រួល៖ អៀងថាន់
