នាយករងនៃសាកលវិទ្យាល័យ ត្រាវិញ មានគោលបំណងថា បណ្ឌិតថ្មី អនុបណ្ឌិតថ្មី វេជ្ជបណ្ឌិតឯកទេសកម្រិត ១ និងឧបដ្ឋាកឯកទេសបន្តការសិក្សា ការស្រាវជ្រាវ នវានុវត្តន៍ច្នៃប្រតិដ្ឋ ប្រើចំណេះដឹងវិជ្ជាជីវៈដើម្បីបម្រើសហគមន៍ មាតុភូមិ និងប្រទេសជាតិ។ ទន្ទឹមនោះ ឱ្យរក្សាការតភ្ជាប់ជាមួយសាលារៀន រួមដៃគ្នាកសាងបណ្តាញអតីតសិក្ខាកាម រួមចំណែកសាយភាយតម្លៃចំណេះដឹង និងអភិវឌ្ឍធនធានមនុស្សគុណភាពខ្ពស់។
ខេត្ត វិញឡុង មានប្រជាជនជាង ៣,៣៨ លាននាក់ ក្នុងនោះបងប្អូនជនជាតិជាង ៣៧៣.៦៤០ នាក់ ស្មើនឹង ១១,០៣% នៃចំនួនប្រជាជន ដោយឡែកបងប្អូនជនជាតិ ខ្មែរ មានចំនួនជាង ៣៥៣.០០០ នាក់ ស្មើ ១០,៤២%។ ពិធីប្រគល់សញ្ញាបត្ររៀបចំឡើងក្នុងបរិបទខេត្តកំពុងជំរុញអនុវត្តន៍វិធានការអភិវឌ្ឍធនធានមនុស្សគុណភាពខ្ពស់ក្នុងតំបន់បងប្អូនជនជាតិ។
យោងតាមផែនការអនុវត្តសេចក្តីសម្រេចចិត្តលេខ 2776/QĐ-TTg របស់នាយករដ្ឋមន្ត្រីនៃរដ្ឋាភិបាលស្តីអំពីគម្រោងការបណ្តុះបណ្តាលធនធានមនុស្សដែលមានគុណភាពខ្ពស់ជាបងប្អូនជនជាតិក្នុងផ្នែក វិស័យសំខាន់ៗ មួយចំនួនដំណាក់កាលឆ្នាំ ២០២៦ - ២០៣៥ ដោយតម្រង់ទិសដៅរហូតដល់ឆ្នាំ ២០៤៥ ខេត្តដាក់គោលដៅបើកពង្រីកឱកាសទទួលការអប់រំដែលមានគុណភាពខ្ពស់ កសាងកងជួរពលករ និងកម្មាភិបាលស្នូលជាបងប្អូនជនជាតិ ឆ្លើយតបតាមតម្រូវការនៃការអភិវឌ្ឍសេដ្ឋកិច្ច - សង្គមរបស់មូលដ្ឋាន។
ការអនុវត្តគម្រោងការមិនត្រឹមតែរួមចំណែកលើកកម្ពស់គុណភាពធនធានមនុស្សក្នុងចំណោមបងប្អូនជនជាតិប៉ុននោះទេ ថែមទាំងបង្កើតកម្លាំងចលករអភិវឌ្ឍសេដ្ឋកិច្ច - សង្គម បង្រួមគម្លាតឱកាសសិក្សាពីមួយជំហានទៅមួយជំហាន ការងារធ្វើរវាងតំបន់បងប្អូនជនជាតិជាមួយនឹងតំបន់ផ្សេងៗ ឆ្លើយតបតម្រូវការនៃការអភិវឌ្ឍយ៉ាងឆាប់រហ័ស និងប្រកបដោយស្ថិរភាពរបស់ខេត្ត វិញឡុង ក្នុងដំណាក់កាលថ្មី។
ដំណាក់កាលឆ្នាំ ២០២៦ - ២០៣៥ ខេត្ត វិញឡុង ប្រឹងប្រែងជ្រើសរើសនិស្សិតថ្មីពី ៧០ ទៅ ១០០ នាក់ចំណុះមុខសញ្ញានៃគម្រោងការជារៀងរាល់ឆ្នាំនៅកម្រិតបរិញ្ញារង សាកលវិទ្យាល័យ ព្រមទាំងបង្កើនវិសាលភាពជ្រើសសិស្សសម្រាប់បណ្តុះបណ្តាលកម្រិតអនុបណ្ឌិត បណ្ឌិតជាបងប្អូនជនជាតិយ៉ាងហោចណាស់ ១០% ជារៀងរាល់ឆ្នាំ។
តម្រង់ទិសដៅរហូតដល់ឆ្នាំ ២០៤៥ មូលដ្ឋានបន្តពង្រីកវិសាលភាពនៃការបណ្តុះបណ្តាលធនធានមនុស្សដែលមានគុណភាពខ្ពស់ជាបងប្អូនជនជាតិសម្រាប់ផ្នែក វិស័យសំខាន់ៗ មានឧត្តមភាពរបស់ខេត្ត សម្រេចគោលដៅអភិវឌ្ឍន៍សេដ្ឋកិច្ច - សង្គមតំបន់បងប្អូនជនជាតិ។
គួរឱ្យចាប់អារម្មណ៍គឺ សាកលវិទ្យាល័យ ត្រាវិញ គឺជាគ្រឹះស្ថានអប់រំសាកលវិទ្យាល័យមួយក្នុងចំណោមគ្រឹះស្ថានអប់រំសាកលវិទ្យាល័យបានខេត្តចាត់ឱ្យបណ្តុះបណ្តាលធនធានមនុស្សគុណភាពខ្ពស់ជាបងប្អូនជនជាតិ ដោយផ្តោតលើការបណ្តុះបណ្តាលផ្នែកសុខភាព បច្ចេកវិទ្យាព័ត៌មាន កសិកម្ម អប់រំ ហិរញ្ញវត្ថុ - ធនាគារ ទេសចរណ៍ និងការងារសង្គម រួមចំណែកឆ្លើយតបតាមតម្រូវការអភិវឌ្ឍន៍សេដ្ឋកិច្ច - សង្គមរបស់មូលដ្ឋានក្នុងដំណាក់កាលថ្មី។
តាមរយៈនោះ សាកលវិទ្យាល័យ ត្រាវិញ ផ្តោតលើការកសាងគោលនយោបាយជ្រើសសិស្ស និងបណ្តុះបណ្តាលពិសេសដាច់ដោយឡែកសម្រាប់សិស្ស និស្សិតជាបងប្អូនជនជាតិសិក្សាមុខវិជ្ជាសំខាន់ៗ លើកកម្ពស់គុណភាពបណ្តុះបណ្តាល វិនិយោគលើសម្ភារៈ អភិវឌ្ឍកងជួរគ្រូឧទ្ទេស និងកម្មាភិបាលគ្រប់គ្រងវិស័យអប់រំ។ សាលារៀនក៏ជំរុញបរិវត្តកម្មឌីជីថល ប្រើបញ្ញាសិប្បនិម្មិតក្នុងការជ្រើសសិស្ស ការបណ្តុះបណ្តាល និងការគ្រប់គ្រងអ្នកសិក្សា អភិវឌ្ឍសិក្ខូបករណ៍ឌីជីថលពហុភាសា កសាងបណ្តាញតភ្ជាប់ជាមួយនឹងគ្រឹះស្ថានអប់រំ សហគ្រាស និងមូលដ្ឋាននានា ដើម្បីលើកកម្ពស់គុណភាពបណ្តុះបណ្តាល ភ្ជាប់ការបណ្តុះបណ្តាលជាមួយនឹងតម្រូវការទីផ្សារការងារ។
ក្រៅពីនោះ សាកលវិទ្យាល័យ ត្រាវិញ ស្រាវជ្រាវ ស្នើគោលនយោបាយឧបត្ថម្ភ រកឃើញ និងបំប៉នសិស្ស និស្សិតជាបងប្អូនជនជាតិដែលមានទេពកោសល្យ បង្កើតធនធានមនុស្សមានគុណភាពខ្ពស់បម្រើការអភិវឌ្ឍសេដ្ឋកិច្ច - សង្គមរបស់មូលដ្ឋាន និងតំបន់វាលទំនាបទន្លេ គឺវឡុង៕
ព័ត៌មាននិងរូបថត៖ ថាញ់ហ្វា
ប្រែសម្រួល៖ អៀងថាន់
