លោកនាយករដ្ឋមន្ត្រីនៃរដ្ឋាភិបាល ផាម មិញជិញ អញ្ជើញ ចូលរួម និងដឹកនាំពិធីបើកការដ្ឋានសាងសង់នៅសាលា អន្តេវាសិកអន្តរកម្រិតបឋមសិក្សា និងអនុវិទ្យាល័យឃុំ អៀនខឿង (ខេត្ត ថាញ់ហ្វា)។ អញ្ជើញចូលរួមព្រឹត្តិការណ៍ នៅតាមចំណុចភ្ជាប់ប្រព័ន្ធអនឡាញផ្សេង ទៀតមានបណ្តា ឧបនាយករដ្ឋមន្ត្រីនៃរដ្ឋាភិបាល រដ្ឋមន្ត្រី ប្រធានស្ថាប័ន ថ្នាក់ស្មើរដ្ឋមន្ត្រី។ល។
នៅក្នុងពិធីបើកការដ្ឋាន ខេត្ត ក្រុងទាំង ១៧ បានចាប់ផ្ដើមបើកការដ្ឋាន សាងសង់ក្នុងពេលដំណាលគ្នាចំនួន ៧២ សាលាស្ថិតក្នុងបញ្ជីឈ្មោះសាលា ចំណេះទូទៅអន្តេវាសិកអន្តរកម្រិតបឋមសិក្សា និងអនុវិទ្យាល័យចំនួន ១០០ ត្រូវបានបណ្តាក់ទុនក្នុងឆ្នាំ ២០២៥ សម្រេចរួចរាល់មុនថ្ងៃទី ៣០ ខែ សីហា ឆ្នាំ ២០២៦។ មុននោះ បានមានសាលាចំនួន ២៨ បានចាប់ផ្ដើម បើកការដ្ឋានសាងសង់ និងកំពុងដំណើរការសាងសង់ សម្រេចរួចរាល់ គោលដៅចាប់ផ្តើមសាងសង់សាលាអន្តេវាសិកអន្តរកម្រិតចំនួន ១០០ ខ្នងនៅឃុំព្រំដែនក្នុងឆ្នាំនេះ។
អញ្ជើញចូលរួមពិធីបើកការដ្ឋាន ឃើញដោយផ្ទាល់ក្តីរីករាយត្រេកអរ រួមសាយភាយតាមបណ្ដោយព្រំដែនមាតុភូមិ លោកនាយករដ្ឋមន្ត្រី ផាម មិញ ជិញ សង្កត់ធ្ងន់ថា ការបណ្តាក់ទុនដល់មនុស្សគឺជា គោលនយោបាយជាតិ ដ៏ចម្បង ត្រូវតែវិនិយោគលើគ្រប់ជ្រុងជ្រោយ ក្នុងនោះសុខាភិបាលនិង អប់រំត្រូវបានអាទិភាព។ នាយករដ្ឋមន្ត្រីកត់សម្គាល់ វាយតម្លៃខ្ពស់ និង អបអរសាទរលើកសរសើរក្រសួងអប់រំ និងបណ្តុះបណ្តាល ក្រសួង ផ្នែក ស្ថាប័ន ពាក់ព័ន្ធ ជាពិសេសគឺមូលដ្ឋាន អង្គភាពដែលដំណើរការសាងសង់ លោកគ្រូ អ្នកគ្រូ សិស្សសាលា។ល។ បានខិតខំប្រឹងប្រែង រួមកម្លាំង រួមចិត្តគំនិតគ្នា អនុវត្តកម្មវិធីដ៏មានអត្ថន័យនេះ។
ដើម្បីដាក់ដំណើរការសាលារៀនថ្មីបម្រើឆ្នាំសិក្សា ២០២៦ - ២០២៧ លោកនាយករដ្ឋមន្ត្រីស្នើឱ្យក្រសួង ផ្នែក អង្គភាពដែល ដំណើរការសាងសង់។ល។ បើកការដ្ឋានសាងសង់សាលារៀន ដោយស្មារតី "៣ វេន ៤ រួមគ្នាធ្វើ" "ជម្នះក្ដៅ ឈ្នះភ្លៀង" ចាត់ទុក នេះដូចជាយុទ្ធនាការមហាលឿនមួយ។ សាលាថ្មីនីមួយៗ នឹង "សាបព្រោះតួអក្សរ បណ្តុះពន្លកចំណេះដឹង អុជបំភ្លឺក្តីសុបិន ធ្វើឱ្យក្លាយជាការពិតជាក់ស្ដែងនូវ បំណងប្រាថ្នាយ៉ាងប្ដូរផ្ដាច់" សម្រាប់សិស្សសាលា និមិត្តរូបនៃស្មារតី មហាសាមគ្គីប្រជាជាតិ ទាំងមូលមនោសញ្ចេតនារបស់បងប្អូនជនជាតិ។ល។
នេះគឺជាកម្មវិធីអនុវត្តសេចក្តីសន្និដ្ឋានលេខ 81-TB/TW ចុះថ្ងៃ ទី ១៨ ខែ កក្កដា ឆ្នាំ ២០២៥ របស់ការិយាល័យនយោបាយស្តីពី គោលការណ៍វិនិយោគសាងសង់សាលារៀន សម្រាប់ឃុំតាមព្រំដែន ថ្ងៃទី ២៦ ខែ កញ្ញា ឆ្នាំ ២០២៥ រដ្ឋាភិបាលបាន ចេញសេចក្តីសម្រេចចិត្ត លេខ 298/NQCP។ តាមរយៈនោះ ប្រទេសទាំងមូល នឹងវិនិយោគលើ សាលាចំណេះទូទៅអន្តេវាសិកអន្តរកម្រិត បឋមសិក្សាអនុវិទ្យាល័យ ចំនួន ២៤៨ នៅក្នុងឃុំព្រំដែនដីគោកចំនួន ២៤៨ នៅក្នុងឆ្នាំ ២០២៥ សាងសង់សាលារៀនចំនួន ១០០ ខ្នងតែម្តងដោយមាន ថវិកាវិនិយោគសរុបជិត ២០.០០០ ពាន់លានដុង៕
អត្ថបទ៖ កាសែតព័ត៌មាននិងជនជាតិ
រូបថត៖ ទីភ្នាក់ងារព័ត៌មានវៀតណាម
បញ្ចូលទិន្នន័យ៖ យ័ញលើយ
