គោលនយោបាយទម្លុះទម្លាយបង្កើតកម្លាំងសម្ទុះសម្រាប់អប់រំតំបន់ភ្នំ

ឡេវ៉ឹន - ទីភ្នាក់ងារព័ត៌មាន វៀតណាម

03/12/2025 10:13

សេចក្តីសម្រេចលេខ 71-NQ/TW របស់ការិយាល័យនយោបាយស្តីពីភាពទម្លុះទម្លាយក្នុងការអភិវឌ្ឍអប់រំនិងបណ្តុះបណ្តាលត្រូវបានចាត់ទុកថាជាការរុញបំប៉ះខ្លាំងក្លា បើកចេញយុគសម័យថ្មីសម្រាប់អប់រំតំបន់ភ្នំ - ទីកន្លែងតាំងពីមុនមកនៅចាញ់ប្រៀបគេជាច្រើនអំពីលក្ខខណ្ឌសិក្សារៀនសូត្រ មូលដ្ឋានសម្ភារៈ និងកងជួរ។

សាលារៀនបន្ទប់រៀនធំទូលាយស្អាតបាត ឱកាសសិក្សារៀនសូត្រស្មើភាពគ្នា
ក្នុងខែ តុលា ដល់ខែ វិច្ឆិកា ឆ្នាំ ២០២៥ គម្រោងមានអត្ថន័យ មនុស្សសាស្ត្រ យ៉ាងជ្រាលជ្រៅត្រូវបានចាប់ផ្តើមសាងសង់ដំណាលគ្នានៅតាម មូលដ្ឋាន តំបន់ព្រំដែន។ តួយ៉ាងគឺសាលាចំណេះទូទៅអន្តេវាសិក បង្រៀននិងរៀន ពេញមួយថ្ងៃបឋមសិក្សា និងអនុវិទ្យាល័យ តីយ៉ាង (ទីក្រុង ដាណាំង) សាលាអន្តេវាសិកអន្តរកម្រិតបឋមសិក្សា និងអនុវិទ្យាល័យ បាតម៉ត (ខេត្ត ថាញ់ហ្វា) សាលាចំណេះទូទៅអន្តេវាសិកអន្តរកម្រិតបឋមសិក្សា និង អនុវិទ្យាល័យ ណាង៉យ (ខេត្ត ងេអាន)។ សាលារៀនទាំងនេះត្រូវបានអនុវត្ត តាមគោលការណ៍វិនិយោគលើសាលាចំណេះទូទៅ អន្តេវាសិកអន្តរកម្រិត ចំនួន ២៤៨ ខ្នងនៅតាមឃុំព្រំដែនដីគោក ដោយមានប្រភពទុនកម្ចីអាទិភាព ពីការសន្សំសំចៃក្នុងការចំណាយថវិកាមជ្ឈិម។

លោកអគ្គលេខាបក្ស តូឡឹម អញ្ជើញចូលរួមពិធីបើកការដ្ឋានសាងសង់សាលាចំណេះទូទៅអន្តេវាសិកអន្តរកម្រិតបឋមសិក្សា និងអនុវិទ្យាល័យ ណាង៉យ នៅឃុំ ណាង៉យ (ខេត្ត ងេអាន) នៅថ្ងៃទី ១១ ខែ តុលា ឆ្នាំ ២០២៥។

"ការអប់រំតំបន់ព្រំដែនមិនត្រឹមតែជារឿងរ៉ាវនៃថ្នាក់រៀនប៉ុននោះទេ ថែមទាំងជាមូលដ្ឋានគ្រឹះដើម្បីអភិវឌ្ឍគ្រប់ជ្រុងជ្រោយ "សីលធម៌ បញ្ញា កាយសម្បទា វិចិត្រសិល្បៈ"

ចិញ្ចឹមបំប៉នធនធានមនុស្សសម្រាប់អនាគត និងថែរក្សាអត្តសញ្ញាណវប្បធម៌ប្រជាជាតិ"

លោកនាយករដ្ឋមន្ត្រីនៃរដ្ឋាភិបាល ផាម មិញជិញ មានប្រសាសន៍ដូច្នេះ។

លោកនាយករដ្ឋមន្ត្រី ផាម មិញជិញ ជាមួយសិស្សសាលា និងបងប្អូនបណ្តាជនជាតិភូមិ អាហ៊ូ ឃុំ តីយ៉ាង
*(ទីក្រុង ដាណាំង)។*

សាលាអន្តេវាសិកអន្តរកម្រិតបឋមសិក្សា និងអនុវិទ្យាល័យ បាតម៉ត មាន កម្រិតទុនវិនិយោគសរុបចំនួន ១៧០ ពាន់លានដុង រួមមានបន្ទប់រៀនចំនួន ២២ បន្ទប់មុខវិជ្ជាចំនួន ១២ អគារពហុបំណង បណ្ណាល័យ មណ្ឌលអន្តេវាសិកដ្ឋាន សម្រាប់សិស្សសាលាចំនួន ២៦០ នាក់ និងអគារការងាររដ្ឋការសម្រាប់ គ្រូបង្រៀនចំនួន ២៥ នាក់ សម្រេចបានស្តង់ដារជាតិកម្រិត ២។ សាលា ចំណេះទូទៅអន្តេវាសិក បង្រៀននិងរៀនពេញមួយថ្ងៃបឋមសិក្សានិង អនុវិទ្យាល័យ តីយ៉ាង ត្រូវបានសាងសង់លើផ្ទៃដី ៧ ហិកតា ដោយមាន ថ្នាក់រៀនចំនួន ៣០ សម្រាប់សិស្សសាលាចំនួន ១.០០០ នាក់ ថវិកាសរុប ចំនួន ២៦២ ពាន់លានដុង។ សាលាចំណេះទូទៅអន្តេវាសិក អន្តរកម្រិត បឋមសិក្សា និងអនុវិទ្យាល័យ ណាង៉យ មានផ្ទៃដីប្រហែល ៥,៥ ហិកតា កម្រិតទុនវិនិយោគសរុបជិត ២៤០ ពាន់លានដុង រួមមានថ្នាក់រៀនចំនួន ៤៩ និងមណ្ឌលអន្តេវាសិកដ្ឋាន រោងបាយ មណ្ឌលលេងកម្សាន្ត។ សាលា ដ៏ធំទូលាយស្អាតបាតទាំងនេះត្រូវបានរំពឹងថានឹងជួយសិស្ស សាលាតំបន់ ព្រំដែនបានសិក្សារៀនសូត្រ លេងកម្សាន្តក្នុងបរិយាកាសមានសុវត្ថិភាព ទាន់សម័យ ស្របពេលរួមចំណែកពង្រឹងសន្តិសុខ - ការពារជាតិពីឫសគល់។

នាយករដ្ឋមន្ត្រី ផាម មិញជិញ អញ្ជើញថ្លែងសុន្ទរកថានៅក្នុងពិធីបើកការដ្ឋានសាងសង់សាលាអន្តេវាសិកអន្តរកម្រិតបឋមសិក្សា និងអនុវិទ្យាល័យ អៀនខឿង ឃុំ អៀនខឿង (ខេត្ត ថាញ់ហ្វា) នៅថ្ងៃទី ៩ ខែ វិច្ឆិកា ឆ្នាំ ២០២៥។

លោកឧបនាយករដ្ឋមន្ត្រីអចិន្ត្រៃយ៍នៃរដ្ឋាភិបាល ង្វៀន ហ្វាប៊ិញ អញ្ជើញជូនអំណោយដល់ប្អូនៗ សិស្សសាលាបឋមសិក្សា និងអនុវិទ្យាល័យ ស៊ើនគីម ១ ឃុំ ស៊ើនគីម ១ (ខេត្ត ហាទិញ) នៅថ្ងៃទី ៩ ខែ វិច្ឆិកា ឆ្នាំ ២០២៥។

នៅថ្ងៃទី ៩ ខែ វិច្ឆិកា ឆ្នាំ ២០២៥ គណៈកម្មាធិការប្រជាជនខេត្ត ឡឹមដុង បានប្រារព្ធពិធីបើកការដ្ឋានសាងសង់គម្រោងសាលាចំណេះទូទៅអន្តេវាសិកអន្តរកម្រិតបឋមសិក្សា និងអនុវិទ្យាល័យ ឃុំ ធន់អាន។ លោកឧបនាយករដ្ឋមន្ត្រី ហូ ឌឹកផឿក អញ្ជើញចូលរួមពិធីនិងជូនអំណោយដល់ប្អូនៗ សិស្សសាលាឆ្លងកាត់ការលំបាករៀនពូកែ។

បច្ចុប្បន្ននេះ នាយកដ្ឋានអប់រំចំណេះទូទៅ (ក្រសួងអប់រំនិងបណ្តុះ បណ្តាល) កំពុងកសាងសារាចរកំណត់ការរៀបច ំ និងសកម្មភាពនៃសាលា ចំណេះទូទៅអន្តេវាសិកអន្តរកម្រិត គ្រោងនឹងប្រកាស ឲ្យប្រើមុនខែ ឧសភា ឆ្នាំ ២០២៦។ តាមរយៈនោះ សិស្សសាលាតាមឃុំព្រំដែនដីគោកនឹងបាន ទទួលផលគោលនយោបាយអន្តេវាសិក និងបង្រៀននិងរៀនពេញមួយថ្ងៃ សមស្រប មិនបែងចែកជនជាតិ គម្លាតចម្ងាយភូមិសាស្ត្រ ឬតំបន់ស្នាក់នៅ ឡើយ។ នេះគឺជាជំហានដើរដ៏សំខាន់ដើម្បីធានាសមធម៌ក្នុងអប់រំ បង្កើត ឱកាសសិក្សារៀនសូត្រសមភាពសម្រាប់សិស្សសាលាតំបន់ព្រំដែន។

ដើម្បីធានាវឌ្ឍនភាព គម្រោងសាលាអន្តរកម្រិតបឋមសិក្សា - អនុវិទ្យាល័យឃុំ ស៊ីប៉ាភីន (ខេត្ត ដៀនបៀន) ត្រូវបានដំណើរការសាងសង់ជាបន្តបន្ទាប់ទាំងយប់ទាំងថ្ងៃ។

ប្អូនៗ សិស្សសាលាជនជាតិភាគតិចនៅឃុំ ធន់អាន ឃុំមួយក្នុងចំណោមឃុំព្រំដែនដីគោកទាំងប្រាំរបស់ខេត្ត ឡឹមដុង។

សាលាបឋមសិក្សា - អនុវិទ្យាល័យ ដាក់យុក ឃុំ យុកណុង (ខេត្ត ក្វាងង៉ាយ) គឺជាសាលារៀនមួយក្នុងចំណោមសាលារៀនកំពុង ទន្ទឹងរង់ចាំក្នុងការផ្លាស់ប្តូរ ទាំងនេះ។ បច្ចុប្បន្នសាលារៀននៅមាន ទីតាំង ដាច់ដោយឡែកចំនួនបី ខ្វះ អគារពហុបំណង និងគ្រឿងបរិក្ខាបង្រៀន សិក្សារៀនសូត្រមិនទាន់បំពេញ តាមតម្រូវការ។ អ្នកគ្រូ ង្វៀន ធីលៀន ចាងហ្វាងរងសាលាបានចែករំលែក ថា៖ "ប្រសិនបើបានវិនិយោគព្រមៗ គ្នា ប្អូនៗ សិស្សសាលាជនជាតិភាគតិច នឹងមានបរិស្ថានសិក្សារៀនសូត្រសុវត្ថិភាព ផាសុកភាពគ្រប់គ្រាន់បាន អភិក្រមវិធីសាស្រ្តបង្រៀន សិក្សារៀនសូត្រថ្មី ផ្តើមពីនោះលើកកម្ពស់ គុណភាព និងបង្រួញគម្លាតជាមួយសិស្សសាលាតំបន់ងាយស្រួល"។

អ្នកគ្រូ ង្វៀន វ៉ឹនញី គ្រូបង្រៀនសាលាចំណេះទូទៅអន្តេវាសិកជនជាតិអនុវិទ្យាល័យ វ៉ ង្វៀនយ៉ាប ឃុំ គឺម្តា (ខេត្ត ដាក់ឡាក់) បានឆ្លងកាត់ឧបសគ្គជាច្រើនដើម្បីនាំពន្លឺចំណេះដឹងមកកាន់ប្អូនៗ សិស្សសាលា។

អ្នកគ្រូ វី ធីហាំង មើលថែកូនសិស្សក្នុងម៉ោងសម្រាកថ្ងៃត្រង់នៅសាលាបឋមសិក្សា ឡុងលួង ឃុំ វ៉ឹនហូ (ខេត្ត សឺនឡា)។

គោលនយោបាយវិនិយោគលើសាលារៀនថ្នាក់រៀន ភ្ជាប់ជាមួយនឹង យន្តការឧបត្ថម្ភអន្តេវាសិក បង្រៀន និងរៀនពេញមួយថ្ងៃ មិនត្រឹមតែជួយ សិស្សសាលាបានសិក្សារៀនសូត្រនៅជិតផ្ទះប៉ុននោះទេ ថែមទាំងរួមចំណែក ដល់ការកសាងបណ្តា "សាលារៀនសុភមង្គល" ទៀតផង - កន្លែងកុមារបានរៀន អក្សរ ធំពេញវ័យក្នុងបរិស្ថានវប្បធម៌អន្តោគ្រាម រួមចំណែកផ្លាស់ប្តូរជីវភាព របស់សិស្សសាលា និងទិដ្ឋភាពរបស់មូលដ្ឋានពីមួយជំហានទៅ មួយជំហាន។

អ្នកគ្រូ និងកូនសិស្សសាលាចំណេះទូទៅអន្តេវាសិកជនជាតិមធ្យមសិក្សាទុតិយភូមិ ត្វៀនក្វាង (ខេត្ត ត្វៀនក្វាង) សោមនស្សរីករាយក្នុងថ្ងៃបើកបវេសនកាលឆ្នាំសិក្សាថ្មី ២០២៥ - ២០២៦។

លោកគ្រូអ្នកគ្រូបង្រៀនស្ងប់ចិត្តបំពេញការងារ
ក្នុងសកម្មភាពអប់រំ គ្រូបង្រៀនគឺជាស្នូលនៃការផ្លាស់ប្តូរទាំងអស់។ ដោយមានសេចក្តីសម្រេចលេខ 71-NQ/TW ជាលើកដំបូង បុគ្គលិកសាលារៀន បានទទួលប្រាក់ឧបត្ថម្ភអនុគ្រោះអប្បបរមា ៣០% រីឯគ្រូបង្រៀនបានបង្កើន ប្រាក់ឧបត្ថម្ភអប្បបរមាឡើងចំនួន ៧០%។ អ្នកគ្រូ ង្វៀន ធីលៀន ចាងហ្វាងរង សាលាបឋមសិក្សា - អនុវិទ្យាល័យ ដាក់យុក បាននិយាយដោយរំភើបចិត្តថា៖ "នៅពេលគោលនយោបាយថ្មីទើបតែត្រូវបានដាក់ចេញ បុគ្គលិកសាលាមាន អារម្មណ៍ថាទទួលបានការចែករំលែក និងឲ្យតម្លៃខ្ពស់។ ឯចំពោះគ្រូបង្រៀន តំបន់លំបាក នេះគឺជាប្រភពលើកទឹកចិត្តដ៏ធំដើម្បីពួក គាត់ស្ងប់ចិត្តធ្វើការ និងរស់នៅ លើកកម្ពស់វិជ្ជាជីវៈ រួមគ្នានាំគុណភាពអប់រំ ឈោងឈានឡើង"។

ភូមិសាស្ត្រធំទូលាយដោយមានសាខាសាលាជាច្រើន ទោះបីលំបាកវេទនាយ៉ាងខ្លាំងក៏ដោយតែអ្នកគ្រូ ក្វាង ធីស៊ន់ គ្រូបង្រៀនសាលាចំណេះទូទៅបង្រៀននិងរៀនពេញមួយថ្ងៃជនជាតិបឋមសិក្សា មឿងឡាន ឃុំ ព្រំដែន សូបកូប (ខេត្ត សឺនឡា) នៅតែអស់ពីចិត្តនាំ "តួអក្សរ" មកកាន់ប្អូនៗ សិស្សសាលាតំបន់ភ្នំ។

អញ្ជើញថ្លែងនៅក្នុងពិធីបើកការដ្ឋានសាងសង់គម្រោង សាងសង់សាលា ចំណេះទូទៅអន្តេវាសិក បង្រៀននិងរៀនពេញមួយថ្ងៃបឋម សិក្សា និងអនុវិទ្យាល័យ តីយ៉ាង (ទីក្រុង ដាណាំង) និងសាលាអន្តេវាសិកអន្តរ កម្រិតបឋមសិក្សា និង អនុវិទ្យាល័យ បាតម៉ត ឃុំ បាតម៉ត (ខេត្ត ថាញ់ហ្វា លោក នាយករដ្ឋមន្ត្រី ផាម មិញជិញ បានសង្កត់ធ្ងន់ថា៖ "នៅក្នុងគោល នយោបាយអភិវឌ្ឍទាំងអស់ត្រូវ តែគួបផ្សំរវាងសេដ្ឋកិច្ចនិងអប់រំ រវាងអភិវឌ្ឍយ៉ាងឆាប់រហ័ស និងប្រកបដោយ ចីរភាព ធានាសុខុមាលភាពសង្គមច្រើន ស្រទាប់មិនទុកឱ្យនរណាម្នាក់ ត្រូវបោះបង់ចោលនៅខាងក្រោយឡើយ"៕

អត្ថបទ៖ ឡេវ៉ឹន
រូបថត៖ ទីភ្នាក់ងារព័ត៌មាន វៀតណាម
បញ្ចូលទិន្នន័យ: យ័ញលើយ

កាសែត ពត៌មាន និង ជនជាតិ