លោក ហ្វាងត្រឿងមិញ (ជនជាតិ ម៉ុង) លេខាគណៈកម្មាធិការបក្សឃុំ ស៊ីនជាង កើតនៅឃុំ ឡាប៉ានតឹន ស្រុក មឿងខឿង (ចាស់) - ភូមិសាស្ត្រតំបន់ភ្នំមួយនៅលំបាកលំបិនច្រើននៃខេត្ត ឡាវកាយ។ ជាបងប្អូនជនជាតិភាគតិច បង មិញ ត្រូវបានខេត្តបង្កល័ក្ខខ័ណ្ឌសិក្សារៀនសូត្រ ហាត់ពត់ លើកកម្ពស់ជំនាញវិជ្ជាជីវៈពីមួយជំហានទៅមួយជំហាន។
មុនពេលចូលកាន់តំណែងបច្ចុប្បន្ននេះ បង មិញ ធ្លាប់ជាអនុប្រធានគណៈកម្មាធិការប្រជាជនស្រុក មឿងខឿង។ ក្នុងអំឡុងពេលអនុវត្តប្រព័ន្ធអាជ្ញាធរមូលដ្ឋានពីរថ្នាក់ ចាប់ពីខែ កក្កដា ឆ្នាំ ២០២៥ បងត្រូវបានចាត់មកឃុំ កៅស៊ើន ធ្វើជាលេខាគណៈកម្មាធិការបក្ស។ ឱ្យដឹងថា ឆ្នាំ ១៩៩៤ លោកត្រូវបានជ្រើសតាំងចូលរៀនសាលាវប្បធម៌នគរបាលប្រជាជន ១ - ក្រសួងនគរបាលនៅ ថាយង្វៀន។ ដល់ឆ្នាំ ២០០១ បងបញ្ចប់ការសិក្សាថ្នាក់ទី ១២ ហើយចូលសិក្សារៀនសូត្រនៅវិទ្យាស្ថានសន្តិសុខប្រជាជន។ ឆ្នាំ ២០០៦ ក្រោយពីបញ្ចប់ការសិក្សាពីសាកលវិទ្យាល័យ បងបានទទួលការងារនៅក្រុមប៉ូលីសស៊ើបអង្កេតនគរបាលស្រុក មឿងខឿង និងបានកាន់តំណែងសំខាន់ៗ ជាច្រើន។ ឆ្នាំ ២០១១ បានគណៈកម្មាធិការអចិន្ត្រៃយ៍នៃគណៈកម្មាធិការបក្សស្រុក មឿងខឿង បញ្ជូនឱ្យទៅបណ្តុះបណ្តាលទ្រឹស្តីនយោបាយកម្រិតខ្ពស់។ ឆ្នាំ ២០១៧ បានបញ្ជូនទៅបណ្តុះបណ្តាលអនុបណ្ឌិតផ្នែកច្បាប់។
ក្នុងអំឡុងពេលធ្វើការ បងបានបក្ខភាគអាជ្ញាធរយកចិត្តទុកដាក់បង្កើតល័ក្ខខ័ណ្ឌចូលរួមថ្នាក់ហ្វឹកហ្វឺន បណ្តុះបណ្តាលរយៈពេលខ្លីដើម្បីបំពេញឱ្យហើយវិញ្ញាបនប័ត្រទាំងឡាយតាមការកំណត់ដើម្បីលើកកម្ពស់សមត្ថភាពដើម្បីបម្រើល្អបំផុតអំឡុងពេលបំពេញភារកិច្ចរបស់ខ្លួន។ តម្រាយផ្លូវរបស់បង ហ្វាង ត្រឿងមិញ មិនត្រឹមតែបង្ហាញពីការខិតខំប្រឹងប្រែងផ្ទាល់ខ្លួនប៉ុននោះទេ ថែមទាំងឆ្លុះបញ្ចាំងយ៉ាងច្បាស់លាស់ការតម្រង់ទិសដៅឥតងាករេមួយរបស់ខេត្ត ឡាវកាយ៖ រកឃើញ បណ្តុះបណ្តាល បំប៉ននិងប្រើប្រាស់កម្មាភិបាលជនជាតិភាគតិចចាប់ផ្តើមពីថ្នាក់មូលដ្ឋានតែម្តង។
បង ហ្វាង ត្រឿងមិញ ថ្លែងច្បាស់ថា គំរូអាជ្ញាធរមូលដ្ឋានពីរថ្នាក់ត្រូវបានអនុវត្ត តម្រូវការចំពោះកម្មាភិបាលកាន់តែខ្ពស់ពីមួយថ្ងៃទៅមួយថ្ងៃ ចាប់ពីជំនាញវិជ្ជាជីវៈរហូតដល់បំណិនគ្រប់គ្រង សមត្ថភាពក្នុងការប្រើបច្ចេកវិទ្យា។ ប្រការនេះដាក់ចេញបញ្ហាប្រឈមមិនតូចដែរចំពោះកម្មាភិបាលជនជាតិភាគតិច។
បង លី វៀតហ៊ុង (ជនជាតិ ម៉ុង) អនុលេខាអចិន្ត្រៃយ៍គណៈកម្មាធិការបក្សឃុំ យេនសាង ធ្លប់ជាប្រធានការរិយាល័យជនជាតិនិងសាសនាស្រុក បាតសាត (ចាស់) ក្រោយពីនោះត្រូវបានចាត់មកមូលដ្ឋានកាន់តំណែងលេខាគណៈកម្មាធិការបក្សឃុំ ណឹមពុង រួចហើយឃុំ យេនថាង។ ចាប់តាំងពីខែ កក្កដា ឆ្នាំ ២០២៥ បងបានចាត់តាំងឱ្យកាន់តំណែងជាអនុលេខាគណៈកម្មាធិការបក្សឃុំ យេនសាង។ កន្លែងនេះជាឃុំតំបន់ ៣ របស់ខេត្ត ឡាវកាយ បងប្អូនជនជាតិភាគតិចមានជាង ៩៩% នៃចំនួនប្រជាជន។ ដើម្បីអភិវឌ្ឍសេដ្ឋកិច្ច - សង្គម លើកកម្ពស់ជីវភាពរស់នៅជូនប្រជាជន អំឡុងឆ្នាំថ្មីៗ នេះ អាជ្ញាធរឃុំជំរុញយ៉ាងខ្លាំងក្លាការពង្រឹងហេដ្ឋារចនាសម្ព័ន្ធគមនាគមន៍ លុបបំបាត់ផ្ទះបណ្តោះអាសន្ន ឧបត្ថម្ភផលិតកម្មតាមទិសដៅប្រមូលផ្តុំអភិវឌ្ឍតំបន់តែ សារធាតុប្រើជាថ្នាំនិងទាញយកសក្តានុពលនៃទេសចរណ៍សហគមន៍។ ដោយមានឧត្តមភាពយល់ដឹងអំពីទំនៀមទម្លាប់ ប្រពៃណី ភាសានិងជីវភាពរបស់បងប្អូនជនជាតិ កម្មាភិបាលដូចបង ហ៊ុង មិនត្រឹមតែជាអ្នករៀបចំអនុវត្តគោលការណ៍ គោលនយោបាយប៉ុននោះទេ ថែមទាំងជាស្ពានមេត្រីដ៏សំខាន់រវាងគណៈកម្មាធិការបក្ស អាជ្ញាធរជាមួយប្រជាជន ច្បាមភូមិសាស្រ្តជាប្រចាំ ស្តាប់ចិត្តគំនិត បំណងប្រាថ្នារបស់ប្រជាជននិងដោះស្រាយការលំបាកលំបិនដែលកើតឡើងថ្មីទាន់ពេលវេលា។
ដើម្បីសម្រេចបានគោលដៅខាងលើ ខេត្ត ឡាវកាយ កំណត់រៀបចំ ប្រើប្រាស់កម្មាភិបាលជនជាតិភាគតិចនៅតាមស្ថាប័ន អង្គភាព មូលដ្ឋានប្រកបដោយប្រសិទ្ធភាព។ ផ្អែកលើមូលដ្ឋានលទ្ធផលពិនិត្យពិច័យស្ថានភាពកងជួរកម្មាភិបាល បុគ្គលិករដ្ឋការសាធារណៈ បុគ្គលិករដ្ឋការស៊ីវិលនិងកម្មាភិបាលជនជាតិភាគតិចបច្ចុប្បន្នឡើងវិញ អត្រាចំនួនប្រជាជនជាជនជាតិភាគតិចរបស់ខេត្ត ភូមិសាស្ត្រថ្នាក់ឃុំនីមួយៗ ស្ថាប័ន អង្គភាព មូលដ្ឋានកំណត់សន្ទស្សន៍រៀបចំក្របខ័ណ្ឌ បុគ្គលិក មុខតំណែងការងារ រៀបចំកម្មាភិបាលជនជាតិភាគតិចតាមគោលការណ៍ធានាស្របជាមួយនឹងអត្រាជនជាតិភាគតិចក្នុងចំណោមប្រជាជនសរុប ស្របតាមជាមួយការរៀបចំសមាសភាពជនជាតិភាគតិចនៅមូលដ្ឋាន តម្រូវការភារកិច្ច ស្តង់ដារឋានន្តរៈ មុខតំណែងការងារនិងក្របខ័ណ្ឌដែលបានប្រគល់ឱ្យ៕
អត្ថបទ៖ ហឿងធូ
ប្រែសម្រួល៖ ពេជ្រពិសិដ្ឋ
