ប្រសិនបើកាលពីមុននេះ ការលក់ទិញភាគច្រើនប្រព្រឹត្តឡើងដោយផ្ទាល់រីឯឥឡូវនេះចាប់ពីការស្វែងរកព័ត៌មាន ជ្រើសរើសផលិតផល ភ្ជាប់កិច្ចសន្យា ទូទាត់រហូតដល់ការធានា ការប្តូរសងវិញសុទ្ធតែអាចធ្វើបាននៅលើបរិស្ថានឌីជីថលទាំងអស់។ ប្រការនេះបើកឱកាសប្រើទំនិញនិងសេវាកម្មសម្រាប់ប្រជាជននៅគ្រប់តំបន់ភូមិភាគ។
ក៏ប៉ុន្តែ លទ្ធភាពទទួលបាននិងទទួលផលបណ្តាផលប្រយោជន៍ពីបរិស្ថានប្រើប្រាស់ឌីជីថលមិនស្មើៗ គ្នាទាំងស្រុងរវាងក្រុមអ្នកប្រើប្រាស់នោះទេ។ ចំពោះក្រុមងាយរងគ្រោះ ជាពិសេសគឺជនជាតិភាគតិច ឧបសគ្គអំពីភាសា ល័ក្ខខ័ណ្ឌទទួលបានព័ត៌មាន បំណិនឌីជីថលនិងលក្ខណៈពិសេសដាច់ដោយឡែកភូមិសាស្ត្ររស់នៅបណ្តាលឱ្យពួកគាត់ប្រឈបមុខនឹងហានិភ័យកាន់តែច្រើនថែមទៀតនៅបណ្តាពេលធ្វើប្រតិបត្តិការនៅលើបរិស្ថានឌីជីថល។ ការពិតនេះដាក់ចេញតម្រូវការត្រូវតែពង្រឹងយន្តការការពារផលប្រយោជន៍អ្នកប្រើប្រាស់ថែមទៀត ជាពិសេសគឺចំពោះក្រុមអ្នកប្រើប្រាស់ងាយរងគ្រោះ (ក្នុងនោះមានជនជាតិភាគតិច)។
តាមពិតទៅ ការការពារផលប្រយោជន៍អ្នកប្រើប្រាស់ងាយរងគ្រោះគឺជាតម្រូវការជាប់លាប់ក្នុងគោលការណ៍របស់បក្សនិងគោលនយោបាយរបស់រដ្ឋ។ សារាចរលេខ ៣០-CT/TW របស់គណៈលេខាបក្ស សេចក្តីសន្និដ្ឋានលេខ ២០៧-KL/TW សេចក្តីសម្រេចលេខ ៨៧/NQ-CP របស់រដ្ឋាភិបាលនិងសេចក្តីសម្រេចលេខ ២៣៩/QĐ-BCT របស់ក្រសួងឧស្សាហកម្មនិងពាណិជ្ជកម្មអនុម័តកម្មវិធីជាតិស្តីពីការការពារផលប្រយោជន៍អ្នកប្រើប្រាស់ដំណាក់កាល ២០២៦ - ២០៣០ សុទ្ធតែសង្កត់ធ្ងន់លើការពង្រឹងការការពារសិទ្ធិនិងផលប្រយោជន៍ស្របច្បាប់របស់អ្នកប្រើប្រាស់ ផ្តល់អាទិភាពដល់ក្រុមងាយរងគ្រោះ។ ក្នុងពេលជាមួយគ្នានេះដែរ បន្តធ្វើឱ្យសុក្រឹតយន្តការ គោលនយោបាយដើម្បីក្រុមទាំងនេះអនុវត្តសិទ្ធិទាំងឡាយយ៉ាងពេញលេញតាមការកំណត់ច្បាប់។
ច្បាប់ស្តីពីការការពារផលប្រយោជន៍អ្នកប្រើប្រាស់ឆ្នាំ ២០២៣ ក៏បានកំណត់អត្តសញ្ញាណជនជាតិភាគតិចថាជាក្រុមអ្នកប្រើប្រាស់ងាយរងគ្រោះមួយក្នុងចំណោមក្រុមអ្នកប្រើប្រាស់ងាយរងគ្រោះទាំងប្រាំពីរត្រូវបានអនុវត្តយន្តការការពារដោយឡែក។ ទន្ទឹមនឹងបណ្តាសិទ្ធិទូទៅ ក្រុមអ្នកប្រើប្រាស់នេះថែមទាំងបានបង្កល័ក្ខខ័ណ្ឌងាយស្រួលក្នុងការទទួលបានព័ត៌មាន ទទួលនិងឧបត្ថម្ភនៅពេលស្នើសុំការពារផលប្រយោជន៍ទៀតផង។ ក្នុងពេលជាមួយគ្នានេះដែរ ត្រូវបានធានាថានឹងមិនត្រូវកេងចំណេញដោយសារតែឧបសគ្គអំពីភាសា ទំនៀម ទម្លាប់ឬល័ក្ខខ័ណ្ឌបរានុម័ត្តផ្សេងៗ ទៀតដើម្បីរំលោភលើសិទ្ធិនិងផលប្រយោជន៍ស្របច្បាប់។
អំឡុងពេលកន្លងទៅ ដើម្បីដំណើរការគោលការណ៍ គោលនយោបាយខាងលើ ក្រសួងឧស្សាហកម្មនិងពាណិជ្ជកម្ម ដោយផ្ទាល់គឺគណៈកម្មាធិការប្រកួតប្រជែងជាតិ បានជំរុញយ៉ាងខ្លាំងក្លាដំណោះស្រាយការពារផលប្រយោជន៍អ្នកប្រើប្រាស់ជាច្រើន។ ទន្ទឹមនឹងការងារឃោសនា ផ្សព្វផ្សាយច្បាប់ស្តីពីការការពារផលប្រយោជន៍អ្នកប្រើប្រាស់ឆ្នាំ ២០២៣ ស្ថាប័ននេះក៏ដំណើរការខ្សែទូរស័ព្ទប្រឹក្សាយោបល់ ជំនួយអ្នកប្រើប្រាស់លេខ ១៨០០.៦៨៣៨ ជាមួយនឹងបណ្តាញទទួលអនឡាញក្នុងគោលបំណងទទួល ប្រឹក្សាយោបល់និងជួយប្រជាជនក្នុងការអនុវត្តសិទ្ធិទាំងឡាយតាមការកំណត់របស់ច្បាប់។
ក្នុងពេលជាមួយគ្នានេះដែរ ការភ្ជាប់ តភ្ជាប់ទិន្នន័យរវាងមជ្ឈមណ្ឌលហៅទូរស័ព្ទជាមួយនឹងស្ថាប័នគ្រប់គ្រងរដ្ឋស្តីពីការការពារផលប្រយោជន៍អ្នកប្រើប្រាស់នៅខេត្ត ក្រុងចំនួន ៣៤ បង្កបង្កើតបណ្តាញឧបត្ថម្ភយ៉ាងទូលំទូលាយពីមួយជំហានទៅមួយជំហាន បង្កើតល័ក្ខខ័ណ្ឌដើម្បីប្រជាជន រួមទាំងតំបន់ជ្រៅ តំបន់ដាច់ស្រយាលទៀតផង ទទួលបានបណ្តាញប្រឹក្សាយោបល់និងដោះស្រាយកិច្ចការកាន់តែងាយស្រួលថែមទៀត។
យោងតាមគណៈកម្មាធិការប្រកួតប្រជែងជាតិ ច្បាប់ស្តីពីការការពារផលប្រយោជន៍អ្នកប្រើប្រាស់ឆ្នាំ ២០២៣ កំពុងត្រូវបានស្នើឡើងធ្វើវិសោធនកម្ម បំពេញបន្ថែមបទប្បញ្ញត្តិមួយចំនួន ក្នុងនោះបន្តពង្រឹងបទប្បញ្ញត្តិបន្ថែមក្នុងគោលបំណងការពារសិទ្ធិនិងផលប្រយោជន៍របស់ក្រុមអ្នកប្រើប្រាស់ដែលងាយរងគ្រោះ។ ការផ្លាស់ប្តូរនៅក្នុងបរិស្ថានប្រើប្រាស់ឌីជីថលបច្ចុប្បន្ននេះបង្ហាញថា ដើម្បីការការការពារផលប្រយោជន៍អ្នកប្រើប្រាស់ជាជនជាតិភាគតិចត្រូវបានអនុវត្តប្រកបដោយប្រសិទ្ធភាព ត្រូវការអនុវត្តដំណាលគ្នានូវដំណោះស្រាយជាច្រើន។
ជាដំបូងបង្អស់ ចាំបាច់ត្រូវបន្តផ្លាស់ប្តូរថ្មីការងារឃោសនា ផ្សព្វផ្សាយច្បាប់ដើម្បីជនជាតិភាគតិចងាយទទួលយកបណ្តាបទប្បញ្ញត្តិស្តីពីការការពារផលប្រយោជន៍អ្នកប្រើប្រាស់។ ខ្លឹមសារឃោសនាគួរតែត្រូវបានរចនាឡើងតាមទិសដៅសង្ខេបខ្លី ផ្ទាល់ភែ្នក ងាយយល់ សមស្របទៅនឹងលក្ខណៈវប្បធម៌និងល័ក្ខខ័ណ្ឌទទួលបានព័ត៌មាននៃភូមិសាស្ត្រនីមួយៗ។
ផលិតផលប្រព័ន្ធផ្សព្វផ្សាយឌីជីថលដូចជា ព័ត៌មានក្រាហ្វិក វីដេអូ រូបភាពបង្ហាញត្រូវការបានពង្រឹងបន្ថែម ស្របពេលនោះដែរពង្រីកតួនាទីរបស់ប្រព័ន្ធផ្សព្វផ្សាយថ្នាក់មូលដ្ឋាន ព្រឹទ្ធាចារ្យភូមិ ប្រធានភូមិ អ្នកមានប្រជាប្រិយភាពក្នុងសហគមន៍និងស្រាវជ្រាវប្រើប្រាស់ភាសារបស់បងប្អូនជនជាតិភាគតិចនៅពេលដែលសមស្របដើម្បីផ្សព្វផ្សាយបទប្បញ្ញត្តិផ្លូវច្បាប់។
លើសពីនោះទៅទៀត ត្រូវការបន្តពង្រឹងកិច្ចសហប្រតិបត្តិការបន្ថែមរវាងគណៈកម្មាធិការប្រកួតប្រជែងជាតិជាមួយក្រសួង ផ្នែក មូលដ្ឋាននិងអង្គការសង្គមចូលរួមការពារផលប្រយជន៍អ្នកប្រើប្រាស់ក្នុងការត្រួតពិនិត្យ រកឃើញនិងចាត់ការអំពើរំលោភបំពានច្បាប់អំពីការការពារអ្នកប្រើប្រាស់ ជាពិសេសគឺបណ្តាទង្វើដែលកើតឡើងនៅលើបរិស្ថានឌីជីថលមានប៉ះពាល់ដល់ជនជាតិភាគតិចនិងបណ្តាក្រុមអ្នកប្រើប្រាស់ងាយរងគ្រោះ។ ក្រៅពីតួនាទីរបស់ស្ថាប័នគ្រប់គ្រងរដ្ឋ អាជីវកម្មក៏ត្រូវតែលើកកម្ពស់តួនាទី ការទទួលខុសត្រូវក្នុងការការពារផលប្រយោជន៍អ្នកប្រើប្រាស់ជាជនជាតិភាគតិចទៀតផង។
នៅក្នុងបរិស្ថានឌីជីថល អាជីវកម្មត្រូវការផ្តល់ព័ត៌មានពេញលេញ ជាក់លាក់និងមានតម្លាភាពអំពីទំនិញ សេវាកម្ម ល័ក្ខខ័ណ្ឌប្រតិបត្តិការ តម្លៃ វិធីសាស្ត្រទូទាត់ គោលនយោបាយធានា ប្តូរសងវិញនិងយន្តការទទួលពាក្យបណ្តឹង។ ក្រៅពីនេះ ត្រូវការយកចិត្តទុកដាក់បន្ថែមទៀតដល់លក្ខណៈអំពីភាសា សមត្ថភាពទទួលបានព័ត៌មាននិងល័ក្ខខ័ណ្ឌប្រើប្រាស់បច្ចេកវិទ្យារបស់ជនជាតិភាគតិច ក្នុងអំឡុងពេលរចនាផ្ទៃបង្ហាញ ផ្តល់ព័ត៌មាន ជំនួយអតិថិជន ជួយអ្នកប្រើប្រាស់យល់ច្បាស់និងអនុវត្តសិទ្ធិរបស់ខ្លួនបានពេញលេញ។
ជនជាតិភាគតិចបានធានារាល់សិទ្ធិរបស់អ្នកប្រើប្រាស់យ៉ាងពេញលេញដូចដែលមានចែងក្នុងច្បាប់ស្តីពីការការពារសិទ្ធិអ្នកប្រើប្រាស់ឆ្នាំ ២០២៣ ដូចអ្នកប្រើប្រាស់ដទៃទៀតដែរ រួមមាន៖ សិទ្ធិទទួលបានសុវត្ថិភាព សិទ្ធិបានផ្តល់ព័ត៌មានពេញលេញ ស្មោះត្រង់ សិទ្ធិបានជ្រើសរើស សិទ្ធិតវ៉ា ថ្កោលទោស ប្តឹង សិទ្ធិទទួលបានសំណងក្នុងការខូចខាតអន្តរាយ៕
អត្ថបទ៖ អ្វៀនហឿង - ទីភ្នាក់ងារព័ត៌មានវៀតណាម
ប្រែសម្រួល៖ ពេជ្រពិសិដ្ឋ
