អនុលេខាគណៈកម្មាធិការបក្សខេត្ត ឡាងស៊ើន ដ្វន ធូហា បញ្ជាក់ថា អតីតយុទ្ធជនទាំងឡាយបានពង្រីកសមត្ថភាព លក្ខណៈសម្បត្តិដ៏ប្រសើរឧត្តុង្គឧត្តមរបស់ "កងទ័ពអ៊ំ ហូ” នាំមុខគេក្នុងពលកម្ម ផលិតកម្ម អភិវឌ្ឍសេដ្ឋកិច្ច កាត់បន្ថយភាពក្រីក្រ កសាងស្រុកកំណើត។ ដោយមានគំរូសេដ្ឋកិច្ចចំនួន ១.៤២២ ធ្វើម្ចាស់ដោយអតីតយុទ្ធជន ក្នុងនោះអាជីវកម្ម សហករណ៍ កសិដ្ឋាន កសិដ្ឋានគ្រួសារជាច្រើនប្រតិបត្តិការមានប្រសិទ្ធភាព បង្កើតការងារធ្វើមានស្ថិរភាពជូនពលករជាង ៤.៥០០ នាក់។ សមាគមសហគ្រិនអតីតយុទ្ធជនខេត្តបន្តពង្រីកតួនាទីស្នូល បង្កើតប្រាក់ចំណូលជិត ១.០០០ ពាន់លានដុងជារៀងរាល់ឆ្នាំ ចូលរួមថវិការដ្ឋជាង ១០០ ពាន់លានដុងនិងដោះស្រាយការងារធ្វើជូនពលករជាង ១.០០០ នាក់ ។ល។ ទាំងនេះគឺជាសក្ខីភាពបង្ហាញយ៉ាងច្បាស់សមត្ថភាព កម្លាំងចិត្ត ស្មារតីហានគិត ហានធ្វើរបស់យុទ្ធជននៅលើសមរភូមិថ្មី។
មិនត្រឹមតែធ្វើមានដោយធម្មានុរូបសម្រាប់គ្រួសារ សមាជិកសមាគមអតីតយុទ្ធជនប៉ុននោះទេ រួមចំណែកសម្រាប់ការអភិវឌ្ឍរួមនៃមូលដ្ឋាន ចូលរួមយ៉ាងសកម្មក្នុងការងារសុខុមាលភាពសង្គមដើម្បីសហគមន៍ទៀតផង។ សមាគមគ្រប់លំដាប់ថ្នាក់បានឧបត្ថម្ភការលុបចោលផ្ទះបណ្តោះអាសន្ន ធ្លុះធ្លាយទ្រុឌទ្រោមចំនួន ៣៤៦ ខ្នងជូនសមាជិកនៃសមាគម ដោយមានថវិកាសរុបជាង ៣១ ពាន់លានដុង។ រហូតមកដល់បច្ចុប្បន្ននេះ ចំនួន ៤៧ ក្នុងចំណោមទាំង ៤៧ ឃុំ សង្កាត់លែងមានផ្ទះធ្លុះធ្លាយទ្រុឌទ្រោមរបស់សមាជិកសមាគមអតីតយុទ្ធជនទៀតហើយ។
ក្នុងដំណាក់កាលថ្មី សមាគមអតីតយុទ្ធជនគ្រប់លំដាប់ថ្នាក់ទូទាំងខេត្តផ្លាស់ប្តូរវិធីសាស្រ្តថ្មីៗ លើកកម្ពស់គុណភាពចលនា "អតីតយុទ្ធជនជួយគ្នាទៅវិញទៅមកកាត់បន្ថយភាពក្រីក្រ ធ្វើសេដ្ឋកិច្ចពូកែ" តាមទិសដៅប្រសិទ្ធភាព និរន្តរភាព។ បង្វែរយ៉ាងខ្លាំងពីផលិតកម្មខ្នាតតូចតាចទៅសហការ ចងសម្ព័ន្ធគ្នានិងបង្កើតខ្សែសង្វាក់តម្លៃ។ សមាជិកនៃសមាគមជំរុញយ៉ាងខ្លាំងក្លាការអនុវត្តវិទ្យាសាស្ត្របច្ចេកវិទ្យា បរិវត្តកម្មឌីជីថល ពាណិជ្ជកម្មអេឡិចត្រូនិច កសាងពាណិជ្ជសញ្ញានិងលើកកម្ពស់គុណភាពផលិតផល។ គំរូសេដ្ឋកិច្ចអតីតយុទ្ធជនត្រូវការភ្ជាប់កាន់តែស្អិតល្មួតទៅនឹងសក្តានុពល គុណសម្បត្តិរបស់ខេត្ត ឡាងស៊ើន ថែមទៀត ជាពិសេសគឺកសិកម្មផលិតផលពិសេសប្រចាំតំបន់ ផលិតផល OCOP សេដ្ឋកិច្ចកូនភ្នំព្រៃឈើ សេដ្ឋកិច្ចច្រកទ្វារព្រំដែន ពាណិជ្ជកម្ម សេវាកម្ម ឡូហ្ស៊ីស្ទិកនិងទេសចរណ៍ជាដើម។
ប្រធានសមាគមអតីតយុទ្ធជនខេត្ត ឡាងស៊ើន ង្វៀន វ៉ាន់ហឿង ឱ្យដឹងថា៖ ដំណាក់កាល ២០២៦ - ២០៣១សមាគមដាក់គោលដៅខិតខំប្រឹងប្រែងក្នុងមួយឆ្នាំៗ កាត់បន្ថយពី ១,៥ ដល់ ២,០% អត្រាក្រុមគ្រួសារអតីតយុទ្ធជនក្រីក្រតាមស្តង់ដារពហុវិមាត្រ (អត្រាក្រុមគ្រួសារអតីតយុទ្ធជនក្រីក្រនៅតាមឃុំក្រីក្រថយចុះជាង ៣,០% ក្នុងមួយឆ្នាំ)។ សមាគមខិតខំដល់ផុតឆ្នាំ ២០៣១ អស់ក្រុមគ្រួសារអតីតយុទ្ធជនក្រីក្រស្ទើរតែទាំងស្រុង។ អត្រាក្រុមគ្រួសារអតីតយុទ្ធជនធូរធារនិងមានសម្រេចបានពី ៥០ ដល់ ៦០% ឡើងទៅ។ សមាគមអតីតយុទ្ធជនគ្រប់លំដាប់ថ្នាក់សហការដោះស្រាយបញ្ហាការងារធ្វើ ណែនាំ បណ្តុះបណ្តាលវិជ្ជាជីវៈនិងឧទ្ទេសនាមការងារធ្វើជូនសមាជិកនៃសមាគមក្នុងមួយឆ្នាំៗ មានពី ១.២០០ ដល់ ១.៥០០ សមាជិកឡើងទៅមានការងារធ្វើថ្មី ប្រាក់ចំណូលមានស្ថិរភាព។
ជារៀងរាល់ឆ្នាំ សមាគមទទួលការប្រគល់ការងារឆ្លងតាមរយៈធនាគារគោលនយោបាយសង្គមពី ១៨០ ពាន់លានដុងឡើងទៅ រក្សាជាប្រចាំ ១០០% សាខាសមាគមមានមូលនិធិសមាគម ផ្តល់ប្រាក់កម្ចីដល់សមាជិកសមាគមអភិវឌ្ឍសេដ្ឋកិច្ច ផលិតកម្ម ធ្វើអាជីវកម្មមិនគិតការប្រាក់សម្រេចបានចំនួន ១៥ ពាន់លានដុងឡើងទៅ។ នៅតាមឃុំ សង្កាត់ ខិតខំក្នុងមួយឆ្នាំអភិវឌ្ឍពី ២ ដល់ ៣ គំរូសេដ្ឋកិច្ចដែលធ្វើម្ចាស់ដោយអតីតយុទ្ធជនក្នុងគោលបំណងបង្កើតការងារធ្វើជូនសមាជិកសមាគមនិងពលករមូលដ្ឋាន។
ក្នុងរយៈពេលប្រាំឆ្នាំកន្លងទៅ ចលនាអតីតយុទ្ធជនជួយគ្នាទៅវិញទៅមកក្នុងការកាត់បន្ថយភាពក្រីក្រ ធ្វើសេដ្ឋកិច្ចពូកែសម្រេចបានប្រសិទ្ធភាពជាក់ស្តែង។ អត្រាក្រុមគ្រួសារក្រីក្រជាមធ្យមថយចុះ ១,២០% ក្នុងមួយឆ្នាំ។ សមាគមអតីតយុទ្ធជនបានឧបត្ថម្ភមូលនិធិដើម្បីអ្នកក្រីក្រជាង ១,២ ពាន់លានដុង ឧបត្ថម្ភបងប្អូនជនរួមជាតិដែលរងផលប៉ះពាល់ដោយគ្រោះមហន្តរាយធម្មជាតិ ភ្លៀងព្យុះទឹកជំនន់ជាង ១,២ ពាន់លានដុង ឧបត្ថម្ភសមាជិកសមាគមរងផលប៉ះពាល់ដោយជាតិពុលគីមីជិត ៨០០ លានដុង ឧបត្ថម្ភមូលនិធិជំរុញការសិក្សាជាង ៧០០ លានដុង ។ល។
ក្នុងឱកាសនេះ ចំនួន ១៩ សមាជិកសមាគមអតីតយុទ្ធជនខេត្ត ឡាងស៊ើន បានមជ្ឈិមសមាគមនិងអតីតយុទ្ធជនខេត្តជូនប័ណ្ណសរសើរដោយសាមានស្នាដៃឆ្នើមក្នុងចលនា "អតីតយុទ្ធជនជួយគ្នាទៅវិញទៅមកក្នុងការកាត់បន្ថយភាពក្រីក្រ ធ្វើសេដ្ឋកិច្ចពូកែ" ដំណាក់កាល ២០២១ ដល់ ២០២៦។ បច្ចុប្បន្នសមាគមអតីតយុទ្ធជនខេត្ត ឡាងស៊ើន មានសមាគមចំណុះចំនួន ៦៧ សាខាសមាគមចំនួន ៩២៥ ដោយមានចំនួនសរុបជាង ៣៥.០០០ សមាជិកនៃសមាគម៕
ដំណឹងនិងរូបថត៖ អាញ់ទន់ - ទីភ្នាក់ងារព័ត៌មានវៀតណាម
ប្រែសម្រួល៖ ពេជ្រពិសិដ្ឋ
