ការថែរក្សាភាសានិយាយ អក្សរសរសេរនិងប្រពៃណីវប្បធម៌
វត្ត រាជកុសលបំពេញជ័យ ស្វាយ (ឃុំ ហនដឹត) គឺជាវត្តមួយក្នុងចំណោមវត្តពុទ្ធសាសនាទក្ខិណនិកាយ ខ្មែរ រក្សាថ្នាក់រៀនអក្សរ ខ្មែរ ដោយឥតគិតថ្លៃជាប្រចាំច្រើនបំផុតនៅខេត្ត អានយ៉ាង។ យោងតាមព្រះតេជគុណ យ៉ាញ់មិញ ព្រះពហុស្សូតវត្ត រាជកុសលបំពេញជ័យ ស្វាយ មានថេរដីកា ក្នុងឱកាសវិស្សមកាល ២០២៦ វត្តបើកថ្នាក់រៀនចំនួន ៨ ដោយមានសិស្សសាលានិងសមណសិស្សប្រហែល ២៥០ អង្គនិងរូបដែលមានព្រះជន្មនិងអាយុពី ៦ ដល់ ១៤ ឆ្នាំចូលរៀន។ ក្រៅពីការបង្រៀនអាន សរសេរភាសា ខ្មែរ ព្រះសង្ឃក៏ផ្គួបបញ្ចូលអប់រំសីលធម៌ បំណិនរស់នៅ ទំនៀមទម្លាប់និងតម្លៃវប្បធម៌ប្រពៃណីរបស់បងប្អូនជនជាតិ ខ្មែរ ណាមបូ (ភូមិភាគខាងត្បូង) ទៀតផង។
ប្អូន យ៉ាញហ៊ុង (អាយុ ១៣ ឆ្នាំ) បានមានបីរដូវវិស្សមកាលរៀនអក្សរ ខ្មែរ នៅវត្ត រាជកុសលបំពេញជ័យ ស្វាយ ឱ្យដឹងថា បច្ចុប្បន្នប្អូនអាចអាន សរសេរឃ្លាពាក្យនិយមប្រើធម្មតាបានយ៉ាងស្ទាត់ហើយយល់កាន់តែច្បាស់អំពីប្រពៃណីជនជាតិខ្លួន។ បើតាម ហ៊ុង ឆ្នាំនេះប្អូនចូលរៀនថ្នាក់ទី ៦ នៅសាលាមធ្យមសិក្សាបឋមភូមិ សុកស្វយ - កន្លែងមានបងប្អូនជនជាតិ ខ្មែរ រស់នៅកុះករ។ ការរៀនភាសា ខ្មែរ មិនត្រឹមតែជួយប្អូនកាន់តែងាយស្រួលសន្ទនាប៉ុននោះទេ ថែមទាំងយល់បន្ថែមអំពីការគួរសម ប្រពៃណី វប្បធម៌ទៀតផង។
យោងតាមព្រះឧបជ្ឈាយ៍ យ៉ាញ់ដុង ប្រធានសមាគមសាមគ្គីភាពព្រះសង្ឃស្នេហាជាតិខេត្ត អានយ៉ាង វិស្សមកាលឆ្នាំ ២០២៦ វត្តអារាមពុទ្ធសាសនាទក្ខិណនិកាយ ខ្មែរ នៅលើភូមិសាស្ត្រខេត្តបើកចំនួន ៤៦១ ថ្នាក់បង្រៀនអក្សរ ខ្មែរ ពីថ្នាក់ទី ១ ដល់ទី ៥ ទាក់ទាញសិស្សសាលានិងព្រះសង្ឃចូលរៀនជិត ១៣.០០០ អង្គនិងរូប។ ការបង្រៀនភាសាតែងតែភ្ជាប់ទៅនឹងការចែករំលែកបង្ហាត់បង្រៀនទំនៀមទម្លាប់ ពិធីការ សីលធម៌និងវប្បធម៌ប្រពៃណី រួមចំណែកដល់ការជួយក្មេងៗ ជំនាន់ក្រោយយល់អំពីឫសគល់ លើកកម្ពស់ស្មារតីថែរក្សាអត្តសញ្ញាណជនជាតិ ពង្រឹងធ្លុងមហាសាមគ្គីប្រជាជាតិទាំងមូល។
គោលនយោបាយជំនួយកម្លាំងរក្សាថ្នាក់រៀនទាំងឡាយជាប្រចាំ
យោងតាមនាយកមន្ទីរជនជាតិនិងសាសនាខេត្ត អានយ៉ាង យ៉ាញ់ភុក ក្រោយពីរួមបញ្ចូលអង្គភាពរដ្ឋបាល ខេត្ត មានប្រជាជនជិត ៥ លាននាក់ ក្នុងនោះបងប្អូនជនជាតិភាគតិចជាង ៤៧២.០០០ នាក់ ស្មើនឹងចំនួន ៩,៥៣% នៃចំនួនប្រជាជនទូទាំងខេត្ត ដោយឡែកបងប្អូនជនជាតិ ខ្មែរ មានជាង ៣៩៩.០០០ នាក់។
ជារៀងរាល់ឆ្នាំ ចូលដល់ឱកាសវិស្សមកាល វត្តអារាមពុទ្ធសាសនាទក្ខិណនិកាយ ខ្មែរ នៅលើភូមិសាស្ត្រខេត្តសុទ្ធតែបើកថ្នាក់បង្រៀនភាសា ខ្មែរ ស្ទើរតែទាំងអស់ ទាក់ទាញសិស្សសាលានិងព្រះសង្ឃទាំងម៉ឺនអង្គនិងរូបចូលរៀន។ ថ្នាក់រៀនទាំងនេះជាទូទៅទទួលបន្ទុកបង្ហាត់បង្រៀនដោយព្រះសង្ឃនិងអាចារ្យ (អ្នកមានប្រជាប្រិយភាពក្នុងតំបន់បងប្អូនជនជាតិ ខ្មែរ) ស្ទាត់ភាសា ខ្មែរ និងមានកម្រិតវិជ្ជា ចំណេះដឹងអំពីវប្បធម៌ ទំនៀមទម្លាប់ជនជាតិ ខ្មែរ។
“ការបើកថ្នាក់បង្រៀនអក្សរ ខ្មែរ ក្នុងឱកាសវិស្សមកាលមិនត្រឹមតែរួមចំណែកថែរក្សាភាសានិយាយ អក្សរសរសេររបស់បងប្អូនជនជាតិ ខ្មែរ ក្នុងសហគមន៍ប៉ុននោះទេ ថែមទាំងអភិរក្ស លើកស្ទួយអត្តសញ្ញាណវប្បធម៌ ប្រពៃណីជនជាតិ កសាងសហគមន៍សាមគ្គីភាព អភិវឌ្ឍប្រកបដោយចីរភាពទៀតផង” លោក ភុក សង្កត់ធ្ងន់ដូច្នេះ។
នាយកមន្ទីរជនជាតិនិងសាសនាខេត្តក៏បានបញ្ជាក់ឱ្យដឹងថា យោងតាមសេចក្តីសម្រេចលេខ 13/2024/NQ-HĐND ថ្ងៃទី ២២ ខែ កក្កដា ឆ្នាំ ២០២៤ របស់ក្រុមប្រឹក្សាប្រជាជនខេត្ត កៀនយ៉ាង (ពីមុន) ត្រូវបានក្រុមប្រឹក្សាប្រជាជនខេត្ត អានយ៉ាង បន្តអនុវត្តក្រោយពីការរួមបញ្ចូលខេត្តទាំងពីរ អ្នកដែលបង្ហាត់បង្រៀនអក្សរ ខ្មែរ ដោយផ្ទាល់ត្រូវបានឧបត្ថម្ភចំនួន ៣០.០០០ ដុងក្នុងមួយម៉ោងសិក្សា ជាអតិបរមា ២៤ ម៉ោងសិក្សាក្នុងមួយសប្តាហ៍និងមិនលើសពី ១០ សប្តាហ៍ក្នុងមួយឆ្នាំ។ ខ្ទង់ប្រាក់ឧបត្ថម្ភទោះបីជាមិនច្រើនក៏ដោយក្តីប៉ុន្តែបង្ហាញពីការយកចិត្តទុកដាក់របស់ខេត្ត ស្របពេលនោះដែរជំនួយបន្ថែមកម្លាំងចលករដើម្បីថ្នាក់រៀនអក្សរ ខ្មែរ បន្តបានរក្សាជាប្រចាំ។
នៅថ្ងៃទី ២៩ ខែ មិថុនា ឆ្នាំ ២០២៦ នៅសម័យប្រជុំលើកទី ៣ (សម័យប្រជុំឯកទេសបទ) ក្រុមប្រឹក្សាប្រជាជនខេត្ត អានយ៉ាង នីតិកាលទី ១១ អាណត្តិកាល ២០២៦ - ២០៣១ បានចេញសេចក្តីសម្រេចចិត្តកំណត់គោលនយោបាយឧបត្ថម្ភអ្នកបង្រៀនភាសា អក្សរសរសេរជនជាតិភាគតិចនៅតាមគ្រឹះស្ថានសាសនានិងចំណុចបង្រៀនភាសានិយាយ អក្សរសរសេរដែលរៀបចំឡើងដោយសហគមន៍នៅលើភូមិសាស្ត្រខេត្ត។
“សេចក្តីសម្រេចចិត្តកំណត់កម្រិតឧបត្ថម្ភសមស្របជាងមុននឹងជួយកងជួរគ្រូបង្រៀន ព្រះសង្ឃបង្ហាត់បង្រៀនដោយផ្ទាល់ស្ងប់អារម្មណ៍ព្រះហឫទ័យក្នុងថ្នាក់បង្ហាត់បង្រៀន រក្សាជាចាំនិងលើកកម្ពស់គុណភាពថ្នាក់រៀនទាំងឡាយ ទាក់ទាញសិក្ខាកាមចូលរៀនកាន់តែច្រើនថែមទៀត រួមចំណែកថែរក្សាភាសានិយាយ អក្សរសរសេរ ក៏ដូចជាការអភិរក្ស ពង្រីកអត្តសញ្ញាណវប្បធម៌បណ្តាក្រុមជនជាតិ” លោក យ៉ាញ់ភុក ឱ្យដឹងដូច្នេះ។
ការបង្រៀនអក្សរនៅតាមវត្តអារាមពុទ្ធសាសនាទក្ខិណនិកាយ ខ្មែរ ក្នុងខេត្តគឺជាសកម្មភាពមានអត្ថន័យជាក់ស្តែង រួមចំណែកដល់ការអភិរក្សភាសានិយាយ អក្សរសរសេររបស់បងប្អូនជនជាតិភាគតិច ជួយអ្នកជំនាន់ក្រោយយល់កាន់តែច្បាស់អំពីប្រភពដើមនិងអត្តសញ្ញាណជនជាតិថែមទៀត ផ្តើមពីនោះរួមដៃគ្នាថែរក្សា លើកស្ទួយតម្លៃប្រពៃណី រួមចំណែកដល់ការពង្រឹងធ្លុងមហាសាមគ្គីប្រជាជាតិទាំងមូល កសាងនិងការពារស្រុកកំណើត ប្រទេសជាតិសម្បូររុងរឿងពីមួយថ្ងៃទៅមួយថ្ងៃ៕
អត្ថបទ៖ វ៉ាន់ស៊ី - ទីភ្នាក់ងារព័ត៌មានវៀតណាម
ប្រែសម្រួល៖ ពេជ្រពិសិដ្ឋ
