តំណាងសមាគមសម្ព័ន្ធនារី វៀតណាម វាយតម្លៃខ្ពស់ភាពម្ចាស់ការខេត្ត ឡាងស៊ើន នៅពេលបានឆាប់ចេញផែនការលេខ 180/KH-UBND ដើម្បីអនុវត្តគម្រោងការឧបត្ថម្ភនារីផ្តើមអាជីពដំណាក់កាល ២០២៦ - ២០៣៥ (គម្រោងការ ២៤១៥) របស់នាយករដ្ឋមន្ត្រី បង្កើតរបៀងផ្លូវច្បាប់អភិវឌ្ឍសេដ្ឋកិច្ច ផ្តើមអាជីព។ គម្រោងការដាក់ចេញគោលដៅកសាងប្រព័ន្ធអេកូឡូស៊ីឧបត្ថម្ភនារីផ្តើមអាជីព។ សមាគមនារីដើរតួនាទីភ្ជាប់សមាសភាគនានានៅក្នុងប្រព័ន្ធអេកូឡូស៊ី។ មជ្ឈិមសមាគមកំពុងចូលរួមយ៉ាងសកម្មជាមួយក្រសួងហិរញ្ញវត្ថុ ក្រសួងយុត្តិធម៌ កសាងអនុក្រឹត្យពាក់ព័ន្ធនានាដូចជាជំនួយផ្លូវច្បាប់ជូនសហគ្រាសធុនតូចនិងមធ្យម ច្បាប់អភិវឌ្ឍសហគ្រាសធុនតូចនិងមធ្យម។ សមាគមកសាងកម្មវិធី (app) "នារី វៀតណាម" ដើម្បីបញ្ជូនខ្លឹមសារពាក់ព័ន្ធដល់គម្រោងការឧបត្ថម្ភនារីផ្តើមអាជីព បង្កបង្កើតល័ក្ខខ័ណ្ឌជូនសមាជិកសមាគមពិគ្រោះយោបល់ សិក្សារៀនសូត្រ ចូលរួមផ្តល់មតិយោបល់និង “ផ្តល់ល្បិច” ដើម្បីអនុវត្តគោលដៅដាក់ចេញបានជោគជ័យ។
ប្រធានសមាគមសម្ព័ន្ធនារីខេត្ត ឡាងស៊ើន ង្វៀន ធីហុងវ៉ឹន ផ្តល់ព័ត៌មានថា ឡាងស៊ើន ជាខេត្តតំបន់ភ្នំ តំបន់ព្រំដែន បច្ចុប្បន្ននេះមាន ៦៥ អង្គការសមាគមថ្នាក់ឃុំ សង្កាត់ដោយមានចំនួន ៩២៣ សាខាសមាគមនារី។ នារីមានចំនួន ៤៨,៨៣% នៃចំនួនប្រជាជនទូទាំងខេត្ត ដោយមានសមាជិកសមាគមជាង ១១៤.០០០ នាក់ ក្នុងនោះ ចំនួន ៨៣,៧% ជានារីជនជាតិភាគតិច នារីរួមមានជាង ៤៦% នៃកម្លាំងពលកម្មរបស់ខេត្ត។ នារីតំបន់ទំនាបកណ្តាលនិងតំបន់ភ្នំនៃភូមិភាគខាងជើងក្នុងនោះមានខេត្ត ឡាងស៊ើន នៅតែប្រឈមមុខនឹងការលំបាកលំបិនជាច្រើន។ ភាគច្រើនសហគ្រាស សហករណ៍អាស្រ័យដោយនារីធ្វើជាសហគ្រិនមានទ្រង់ទ្រាយតូច លទ្ធភាពអភិបាលកិច្ច ប្រើវិទ្យាសាស្ត្រ បច្ចេកវិទ្យានិងធ្វើបរិវត្តកម្មឌីជីថលនៅមានកម្រិត។ ការចូលប្រើបច្ចេកវិទ្យាថ្មី បញ្ញាសិប្បនិមិត្ត ពាណិជ្ជកម្មអេឡិចត្រូនិច ដើមទុន ទីផ្សារនិងសេវាកម្មឧបត្ថម្ភផ្តើមជីពមិនទាន់ឆ្លើយតបតម្រូវការអភិវឌ្ឍ។ ជាពិសេសគឺគម្លាតកម្រិតវិជ្ជា ល័ក្ខខ័ណ្ឌទទួលបានព័ត៌មានរវាងតំបន់មជ្ឈមណ្ឌលជាមួយនឹងតំបន់ជ្រៅ តំបន់ឆ្ងាយ តំបន់បងប្អូនជនជាតិភាគតិចនៅតែធំនៅឡើយដែរ។ តម្រូវការនៃដំណើរការធ្វើសមាហរណកម្ម បរិវត្តកម្មឌីជីថលនិងអភិវឌ្ឍសេដ្ឋកិច្ចបៃតងកំពុងដាក់ចេញតម្រូវការចំពោះគុណភាពប្រភពធនធានមនុស្សនិងលទ្ធភាពផ្លាស់ប្តូរថ្មីនិងច្នៃប្រតិដ្ឋកាន់តែខ្ពស់ឡើងពីមួយថ្ងៃទៅមួយថ្ងៃ។
រយៈពេលកន្លងទៅ សមាគមសម្ព័ន្ធនារីខេត្តគ្រប់លំដាប់ថ្នាក់បានម្ចាស់ការអនុវត្តជាច្រើនសកម្មភាពឧបត្ថម្ភនារីអភិវឌ្ឍសេដ្ឋកិច្ច ផ្តើមអាជីព ទទួលបានដើមទុន បណ្តុះបណ្តាលវិជ្ជាជីវៈ ផ្ទេរវិទ្យាសាស្ត្របច្ចេកវិទ្យា កសាងគំរូការងាររកស៊ីចិញ្ចឹមជីវិត ឧបត្ថម្ភបរិវត្តកម្មឌីជីថលនិងភ្ជាប់ការលក់ផលិតផល។ គំរូជាច្រើនអាស្រ័យដោយនារីធ្វើជាសហគ្រិនបានរួមចំណែកដល់ការបង្កើតការងារធ្វើ លើកកម្ពស់ប្រាក់ចំណូល ជំរុញការអភិវឌ្ឍសេដ្ឋកិច្ចនិងកសាងជនបទថ្មី។ មិនត្រឹមតែរក្សាតួនាទីកសាងគ្រួសារ នារីកាន់តែបញ្ជាក់ជំហរក្នុងការអភិវឌ្ឍសេដ្ឋកិច្ចពីមួយថ្ងៃទៅមួយថ្ងៃ ចូលរួមក្នុងផលិតកម្មកសិកម្មទំនិញ អភិវឌ្ឍសហគ្រាស សហករណ៍ ផលិតផល OCOP ពាណិជ្ជកម្ម សេវាកម្ម ទេសចរណ៍និងសេដ្ឋកិច្ចឌីជីថលជាដើម។ ការអនុវត្តគម្រោងការ "ឧបត្ថម្ភនារីផ្តើមអាជីពដំណាក់កាល ២០១៧ - ២០២៥" ឡាងស៊ើន បានឧបត្ថម្ភចំនួន ១.៤១០ សមាជិកសមាគមក្នុងការចាប់ផ្តើមធ្វើអាជីវកម្មនិងផ្តើមអាជីព ឧបត្ថម្ភបង្កើតបានចំនួន ១០២ ក្រុមចងសម្ព័ន្ធនិងចំនួន ២៨ សហករណ៍ ១០០% ក្រុមចងសម្ព័ន្ធសហករណ៍ សហគ្រាសថ្មីដែលបង្កើតនិងប្រតិបត្តិការដោយនារីត្រូវបានជំនួយបែបបទបង្កើត ដើមទុន ចំណេះដឹងជាដើម។ សមាគមនឹងបន្តសហការយ៉ាងជិតស្និទ្ធជាមួយគ្រប់លំដាប់ថ្នាក់ គ្រប់ផ្នែក សហគ្រាសនិងអង្គការពាក់ព័ន្ធ បង្កើតល័ក្ខខ័ណ្ឌដើម្បីនារីបានភ្ជាប់ជាមួយវិទ្យាសាស្ត្រ បច្ចេកវិទ្យា បរិវត្តកម្មឌីជីថល បណ្តុះបណ្តាលវិជ្ជាជីវៈ ឥណទាននិងទីផ្សារកាន់តែល្អប្រសើរថែមទៀត។ លើកទឹកចិត្តដល់ការអភិវឌ្ឍសហគ្រិននារី សហករណ៍គ្រប់គ្រងដោយនារីនិងគំរូផ្តើមអាជីពច្នៃប្រតិដ្ឋសមស្របជាមួយនឹងល័ក្ខខ័ណ្ឌរបស់មូលដ្ឋាន រួមចំណែកអភិវត្តជោគជ័យបណ្តាគោលដៅអភិវឌ្ឍសេដ្ឋកិច្ច - សង្គមរបស់ខេត្ត។
គណៈប្រតិភូបានពិភាក្សា បំភ្លឺដំណោះស្រាយឧបត្ថម្ភនារីតំបន់ភ្នំដូចជា ឡាងស៊ើន ប្រើវិទ្យាសាស្ត្របច្ចេកវិទ្យាទៅក្នុងការផ្តើមអាជីវកម្ម។ មតិទាំងអស់សុទ្ធតែបានឯកភាពវាយតម្លៃ នារីជាច្រើននៅមូលដ្ឋាន ជាពិសេសនៅតំបន់ជ្រៅ តំបន់ឆ្ងាយ តំបន់បងប្អូនជនជាតិភាគតិចមិនទាន់ក្លៀវក្លាធ្វើបរិវត្តកម្មគំរូផលិតកម្ម ចិញ្ចឹមសត្វ។ នៅតាមមូលដ្ឋានមិនទាន់បង្កើតបានគំរូសេដ្ឋកិច្ចនាំមកនូវប្រសិទ្ធភាពខ្ពស់ដែលដឹកនាំដោយនារីនៅឡើយទេ ដោយសារតែខ្វះចំណេះដឹង បទពិសោធន៍គ្រប់គ្រងនិងដើមទុន។ ការអនុវត្តវិទ្យាសាស្ត្របច្ចេកវិទ្យា ធ្វើបរិវត្តកម្មឌីជីថលចូលក្នុងផលិតកម្ម ធ្វើអាជីវកម្ម ផ្តើមអាជីពមិនទាន់មានប្រសិទ្ធភាពពិតប្រាកដ។ ព្រោះហេតុដូច្នេះ រួមជាមួយនឹងការឧបត្ថម្ភរបស់គណៈកម្មាធិការបក្ស អាជ្ញាធរមូលដ្ឋាន សមាគមនារីគ្រប់លំដាប់ថ្នាក់ សមាជិកម្នាក់ៗ ត្រូវតែក្លៀវក្លាឈោងឈានឡើងក្តាប់យកចំណេះដឹង វិទ្យាសាស្ត្រ បច្ចេកវិទ្យាថ្មីៗ ដឹងពីរបៀបទាញយកសក្តានុពលឧត្តមភាពនៅក្នុងមូលដ្ឋានដើម្បីក្លាយជាអ្នកមាន កសាងបណ្តាគំរូសេដ្ឋកិច្ចសមស្រប៕
ដំណឹងនិងរូបថត៖ អាញ់ទន់ - ទីភ្នាក់ងារព័ត៌មានវៀតណាម
ប្រែសម្រួល៖ ពេជ្រពិសិដ្ឋ
