ចំពោះនារីជាច្រើននៅតំបន់ជនបទ ជាពិសេសគឺសមាជិកដែលជាបងប្អូនជនជាតិភាគតិច ការខិតចូលជិតនឹងបច្ចេកវិទ្យាឌីជីថលធ្លាប់ប្រទះនឹងភាពលំបាកមិនតិចទេដោយសារតែបំណិន គ្រឿងសម្ភារៈនៅមានកម្រិត និងភាពស្ទាក់ស្ទើរក្នុងការផ្លាស់ប្តូរ។ ដើម្បីបង្រួញគម្លាតឌីជីថល សមាគមសហពន្ធនារីគ្រប់លំដាប់ថ្នាក់នៅក្នុងភូមិសាស្រ្តខេត្ត ត្វៀនក្វាង បានសហការជាមួយផ្នែកសមត្ថកិច្ចដើម្បីរៀបចំថ្នាក់រៀនហ្វឹកហ្វឺនជាច្រើននៅមូលដ្ឋានផ្ទាល់តែម្តង ណែនាំសមាជិកាអំពីការប្រើប្រាស់ទូរស័ព្ទឆ្លាតវៃ ការដំឡើង និងការប្រើប្រាស់ប្រកបដោយប្រសិទ្ធភាពកម្មវិធីសេវាសាធារណៈតាមប្រព័ន្ធអនឡាញ ធនាគារឌីជីថល កម្មវិធីបញ្ជាក់អត្តសញ្ញាណអេឡិចត្រូនិច VNeID ក៏ដូចជាជំនាញផ្សេងៗ ធានាសុវត្ថិភាពនៅក្នុងបរិស្ថានអនឡាញ។
ទន្ទឹមនោះ មាននារីជាច្រើនធ្វើជាម្ចាស់សហគ្រាស សហករណ៍ និងសមាជិកាបានក្លាហានហ៊ានប្រើបច្ចេកវិទ្យាឌីជីថលសម្រាប់អភិវឌ្ឍផលិតកម្ម អាជីវកម្ម។ ផ្តើមពីការថតវិដេអូ ថតរូបផលិតផល ការផ្សាយផ្ទាល់លក់ទំនិញរហូតដល់ការបង្កើតបណ្តាញនៅលើវេទិការបណ្តាញសង្គម និងចូលរួមក្នុងវេទិកាពាណិជ្ជកម្មអេឡិចត្រូនិច មានកសិផល រុក្ខោសថ និងផលិតផលពិសេសប្រចាំតំបន់ជាច្រើនត្រូវបានផ្សព្វផ្សាយយ៉ាងទូលំទូលាយ ពង្រីកទីផ្សារ។
អ្នកស្រី ភុង ធីមូយ នៅភូមិ ផៀងលួង ឃុំ ប៊ិញអាន ខេត្ត ត្វៀនក្វាង ឱ្យដឹងថា ដោយមើលឃើញពីតម្រូវការទិញនិងលក់ទំនិញតាមប្រព័ន្ធអនឡាញកាន់តែកើនឡើងពីមួយថ្ងៃទៅមួយថ្ងៃ អ្នកស្រីបានម្ចាស់ការស្វែងយល់អំពីរបៀបបង្កើតខ្លឹមសារនៅលើវេទិការបណ្តាញសង្គម ដើម្បីណែនាំផលិតផលតួយ៉ាងរបស់មូលដ្ឋានដូចជា រុក្ខោសថ កសិផលជាដើម។ យោងតាមអ្នកស្រី មូយ ការផ្សព្វផ្សាយផលិតផលនៅក្នុងបរិយាកាសឌីជីថលមិនត្រឹមតែជួយឱ្យផលិតផលកាន់តែមានអ្នកស្គាល់កាន់តែច្រើន បង្កើនការទិញប៉ុននោះទេ ថែមទាំងរួមចំណែកបង្កើតការងារធ្វើបន្ថែម និងបង្កើនប្រាក់ចំណូលសម្រាប់ប្រជាជននៅក្នុងតំបន់ទៀតផង។
មិនត្រឹមតែប្រើប្រាស់បច្ចេកវិទ្យាសម្រាប់អភិវឌ្ឍសេដ្ឋកិច្ច នារីនៅខេត្ត ត្វៀនក្វាង នៅបង្កើតទម្លាប់ប្រើប្រាស់ភាពងាយស្រួលពីផលប្រយោជន៍ឌីជីថលក្នុងការរស់នៅបន្តិចម្តងៗ ផងដែរ។ ផ្តើមពីទីផ្សារដល់ហាងសារពើភ័ណ្ឌ ការទូទាត់ប្រាក់ដោយមិនប្រើសាច់ប្រាក់តាមរយៈលេខកូដ QR កាន់តែពេញនិយម រួមចំណែកបង្កើតភាពងាយស្រួលក្នុងការលក់ដូរ និងការគ្រប់គ្រងនៃការចាយវាយ។
លើសពីនេះ សមាជិកាជាច្រើនចូលរួមយ៉ាងសកម្មនៅក្នុងក្រុម Zalo សហគមន៍ បណ្តាញព័ត៌មានរបស់សមាគម ដើម្បីធ្វើបច្ចុប្បន្នភាពអំពីចំណេះដឹងថែទាំសុខភាព ការចិញ្ចឹមកូន ការបង្ការអំពើហិង្សាក្នុងគ្រួសារ ក៏ដូចជាបង្កើនស្មារតីយល់ដឹង ជំនាញក្នុងការជៀសវាងពីការឆបោកតាមអនឡាញ។
យោងតាមលោកស្រី ដាម ធីហាំង ប្រធានសាខាសមាគមនារីភូមិ ឃួននៀង ឃុំ វិញទុយ ខេត្ត ត្វៀនក្វាង សាខាសមាគមបានបង្កើតគំរូបរិវត្តកម្មឌីជីថលសំដៅជួយឧបត្ថម្ភសមាជិកាប្រើប្រាស់ទូរស័ព្ទឆ្លាតវៃក្នុងសកម្មភាពប្រចាំថ្ងៃដូចជា ប្រតិបត្តិការធនាគារ ប្រើប្រាស់សេវាសាធារណៈតាមអ៊ីនធឺណិត លក់ទំនិញនៅលើបណ្តាញសង្គម។ ដោយអនុវត្តតាមទិសស្លោកអ្នកចេះណែនាំអ្នកមិនទាន់ចេះ មកទល់ឥឡូវនេះសមាជិកាស្ទើរតែទាំងអស់ក្តាប់បានបំណិនឌីជីថលមូលដ្ឋានហើយ និងអាចអនុវត្តទៅក្នុងតថភាពជាក់ស្តែង។
ប្រសិទ្ធភាពផ្តើមពីគំរូទាំងនេះគឺដោយសារតែមានការចូលរួមចំណែកយ៉ាងសកម្មរបស់កងជួរកម្មាភិបាលសមាគមនៅមូលដ្ឋាន។ ដោយអនុវត្តតាមទិសស្លោក "ទៅគ្រប់ច្រកល្ហក គោះទ្វារផ្ទះនីមួយៗ ណែនាំមនុស្សម្នាក់ៗ" សមាគមគ្រប់លំដាប់ថ្នាក់បានពង្រីកតួនាទីស្នូលនៅក្នុងក្រុមបច្ចេកវិទ្យាឌីជីថលសហគមន៍បានយ៉ាងល្អប្រសើរ ជួយសមាជិកសមាគមដោយផ្ទាល់ក្នុងការខិតចូលជិត និងការប្រើប្រាស់វេទិការឌីជីថលទាំងឡាយ។
លោកស្រី ទ្រីវ ធីទិញ អនុប្រធានអចិន្ត្រៃយ៍នៃសមាគមសហពន្ធនារីខេត្ត ត្វៀនក្វាង មានប្រសាសន៍ថា បរិវត្តកម្មឌីជីថលកំពុងត្រូវបានសមាគមកំណត់ថាជាភារកិច្ចចម្បងមួយក្នុងចំណោមភារកិច្ចចម្បង សំដៅលើកកម្ពស់គុណភាពប្រតិបត្តិការ និងរាល់ចលនានារី។ ជាពិសេស ក្រោយការរៀបចំក្បាលម៉ាស៊ីន ការជំរុញប្រើប្រាស់បច្ចេកវិទ្យាឌីជីថលក្នុងប្រតិបត្តិការ គ្រប់គ្រង និងអនុវត្តភារកិច្ចត្រូវបានអាទិភាព រួមចំណែកបង្កើនប្រសិទ្ធភាពប្រតិបត្តិការរបស់អង្គការសមាគមគ្រប់លំដាប់ថ្នាក់។
ការម្ចាស់ការរៀនសូត្រ បង្កើនបំណិនឌីជីថលកំពុងជួយនារីនៅខេត្ត ត្វៀនក្វាង ផ្លាស់ប្តូរផ្នត់គំនិតបន្តិចម្តងៗ បង្កើនសមត្ថភាពសម្របខ្លួនទៅនឹងតម្រូវការអភិវឌ្ឍន៍ក្នុងដំណាក់កាលថ្មី។ មិនត្រឹមតែរួមចំណែកអភិវឌ្ឍសេដ្ឋកិច្ចគ្រួសារ លើកកម្ពស់គុណភាពការរស់នៅប៉ុននោះទេ នារីនៅក្លាយជាកងកម្លាំងយ៉ាងសកម្មក្នុងការសាយភាយបរិវត្តកម្មឌីជីថលក្នុងសហគមន៍ រួមចំណែកក្នុងដំណើរការកសាងអាជ្ញាធរឌីជីថល សេដ្ឋកិច្ចឌីជីថល និងសង្គមឌីជីថលនៅក្នុងមូលដ្ឋានទៀតផង៕
អត្ថបទ៖ ក្វាងកឿង
រូបថត៖ ទីភ្នាក់ងារព័ត៌មានវៀតណាម
ប្រែសម្រួល៖ អៀងថាន់
