ចំមុខសញ្ញា ចំតម្រូវការ
កត់សម្គាល់នៅឃុំ ថាច់ក្វាង កន្លែងដែលមានចំនួនប្រជាជនជាង ៨០% ជាបងប្អូនជនជាតិ មឿង កូនពូជ ប្រភពទុនត្រូវបានប្រគល់ជូនចំតម្រូវការកំពុងត្រូវបានប្រជាជនប្រើប្រាស់ដើម្បីបង្កើតការងាររកស៊ីចិញ្ចឹមជីវិត បង្កើតប្រភពប្រាក់ចំណូលនិងរក្សាលំនឹងជីវភាពរស់នៅ។
ដោយមានជំងឺមហារីកក្នុងខ្លួន សុខភាពរបស់បង ង្វៀន ឌិញជិញ នៅភូមិ ថាំងលើយ ឃុំ ថាច់ក្វាង ជា សរសរស្តម្ភនៅក្នុងគ្រួសារ កាន់តែទន់ខ្សោយពីមួយថ្ងៃទៅមួយថ្ងៃ។ មិនអាចធ្វើការងារធ្ងន់លំបាកបាន សេដ្ឋកិច្ចគ្រួសារកាលពីមុនពឹងផ្អែកជាចម្បងទៅលើស្រែចម្ការ និងអំពៅប្រហែលមួយពាន់មែត្រការ៉េ។ ប្រាក់ចំណូលតិចតួចធ្វើឱ្យគ្រួសាររបស់បងនៅតែជាក្រុមគ្រួសារក្រីក្រ។ ឆ្នាំ ២០២៥ ផ្តើមពីគោលនយោបាយឧបត្ថម្ភការងាររកស៊ីចិញ្ចឹមជីវិតរបស់មូលដ្ឋាន គ្រួសាររបស់បង ជិញ បានទទួលទឹកប្រាក់ចំនួន ១៦ លានដុងសម្រាប់ទិញក្របីញីបន្តពូជមួយក្បាល។ សម្រាប់គ្រួសារធ្លាប់តែខ្វះខាតសម្ភារផលិតកម្ម ក្របីក្លាយជាធនធានទ្រព្យសម្បត្តិសម្រាប់ចាប់ផ្តើមទិសដៅប្រកបការងាររកស៊ីថ្មីមួយ។
ក្រោយរយៈពេលថែទាំ ក្របីមេបង្កើតបានក្របីកូន។ គ្រួសារលក់ក្របីកូនមួយលើក ហើយយកប្រាក់ចំណូលដែលទទួលបានរួមជាមួយនឹងប្រភពទុនកម្ចីអនុគ្រោះចំនួន ១០០ លានដុងពីធនាគារគោលនយោបាយសង្គម ដើម្បីបន្តវិនិយោគ។ បង ជិញ ទិញក្របី ២ ក្បាលបន្ថែមទៀត ជួសជុលទ្រុងក្រោល និងដាំស្មៅសម្រាប់ធ្វើជាចំណីនៅផ្ទាល់កន្លែង។ រហូតមកដល់បច្ចុប្បន្ន គ្រួសារមានក្របីញី ២ ក្បាលកំពុងផែម និងក្របីឈ្មោល ១ ក្បាល។ ផ្តើមពីក្របី ១ ក្បាលត្រូវបានឧបត្ថម្ភគ្រាដំបូង ហ្វូងសត្វចិញ្ចឹមត្រូវបានបង្កបង្កើតឡើងពីមួយជំហានទៅមួយជំហាន ក្លាយជាប្រភពទ្រព្យសម្បត្តិសម្រាប់គ្រួសារបន្តបង្វិលជុំអភិវឌ្ឍសេដ្ឋកិច្ច។
គ្រួសារបង ជិញ ថែមទាំងបានឧបត្ថម្ភទាកាប៉ាពូជចំនួន ២០ ក្បាលពីសាខាសមាគមនារីភូមិ ថាំងលើយ ផ្តើមពីកម្មវិធី “ប្រមូលសម្ភារៈសំណល់ ហើយលក់យកប្រាក់សម្រាប់ឧបត្ថម្ភទិញសត្វបន្តពូជ ជូនសមាជិកាក្រីក្រ“។ ហ្វូងទាកាប៉ាធំលូតលាស់ បន្តពូជ រហូតដល់ឥឡូវនេះបានឡើងដល់រាប់រយក្បាល។ សុខភាពខ្សោយ មិនអាចធ្វើការងារធ្ងន់បាន បង ជិញ នៅផ្ទះដើម្បីជួយភរិយាថែទាំហ្វូងក្របី កាត់ស្មៅ និងចិញ្ចឹមទាកាប៉ា។ កិច្ចការទាំងនេះសមស្របជាមួយនឹងសុខភាពជួយបងនៅតែអាចរួមជាមួយនឹងភរិយា បន្តផលិតកម្ម គិតគូរសេដ្ឋកិច្ចគ្រួសារ។
បង ជិញ ឲ្យដឹងថា កាលពីមុនការរស់នៅរបស់គ្រួសារលំបាកខ្លាំងណាស់ សាមីខ្លួនផ្ទាល់ក៏តែងតែឈឺជាញឹកញាប់ ទើបការងារធ្វើសេដ្ឋកិច្ចកាន់តែពិបាកខ្លាំង។ អាស្រ័យដោយបានឧបត្ថម្ភកូនពូជ និងខ្ចីប្រភពទុនអនុគ្រោះ គ្រួសារមានលក្ខខណ្ឌអភិវឌ្ឍការចិញ្ចឹមសត្វបន្ថែមទៀត ការរស់នៅស្ថិរភាពពីមួយជំហានទៅមួយជំហាន។
ផ្តើមពីក្របីញី ១ ក្បាលបានឧបត្ថម្ភដែរ គ្រួសារបង ត្រឿង វ៉ាន់ធើម ជាក្រុមគ្រួសារក្រីក្រនៅភូមិ ថាំងលើយ កំពុងបង្កើតការងាររកស៊ីចិញ្ចឹមជីវិតពីមួយជំហានទៅមួយជំហាន។ គ្រួសារមានដីស្រែជាងមួយពាន់ម៉ែត្រការ៉េ ភរិយាឈឺញឹកញាប់ កូនប្រុសច្បងក៏មានជំងឺតម្កាត់ដែរ ខណៈពេលប្រាក់ចំណូលចម្បងពឹងផ្អែកលើការងារពលកម្មដោយសេរីរបស់បង ធើម ទើបបានជាមិនសូវទៀងទាត់។ ជីវភាពហេតុដូច្នេះក៏ជួបលំបាកលំបិនជាច្រើនឆ្នាំ។ ឆ្នាំ ២០២៥ គ្រួសារបងបានឧបត្ថម្ភចំនួន ១៦ លានដុងសម្រាប់ទិញក្របីញីបន្តពូជ។ ក្រោយមកក្របីញីនោះបង្កើតបានក្របីកូនលើកដំបូង។ ចំនួនទឹកប្រាក់ទទួលបានពីការលក់ក្របីកូនត្រូវបានបងបន្តបង្វិលជុំសម្រាប់អភិវឌ្ឍការចិញ្ចឹមសត្វ។
ដោយឆ្លៀតប្រើប្រាស់ផលប្រយោជន៍ពីចម្ការធំទូលាយ ដីកូនភ្នំ បងដាំស្មៅធ្វើជាចំណីសម្រាប់ក្របី។ ខណៈពេលបានធនគារគោលនយោបាយសង្គមឱ្យខ្ចីទុនអនុគ្រោះចំនួន ៥០ លានដុង បងបន្តទិញក្របីញីបន្ថែមទៀត។ រហូតមកដល់ពេលនេះ គ្រួសាររបស់បងមានក្របីញីចំនួន ២ ក្បាល រួមជាមួយហ្វូងទាកាប៉ា និងមាន់។ ប្រាក់ចំណូលពីការចិញ្ចឹមសត្វបានជួយឲ្យគ្រួសារស្ថិរភាពការរស់នៅពីមួយជំហានទៅមួយជំហាន។ ជាពិសេស ខណៈពេលសេដ្ឋកិច្ចមានការផ្លាស់ប្តូរ បង ធើម មានលក្ខខណ្ឌសាងសង់ផ្ទះឡើងវិញឱ្យមាំទាំជួសផ្ទះចាស់ទ្រុឌទ្រោម ធ្លុះធ្លាយពីមុន។
បង ធើម ចែករំលែកថា “មានហ្វូងក្របីធំធាត់ល្អ មានផ្ទះមាំមួន ខ្ញុំកាន់តែមានកម្លាំងចិត្តបន្ថែមទៀតក្នុងការងាររកស៊ីចិញ្ចឹមជីវិត។ គ្រួសារប្រឹងប្រែងរួចផុតពីភាពក្រីក្រនៅក្នុងឆ្នាំ ២០២៦”។
ការប្រែប្រួលក្នុងគ្រួសារទាំងពីរបង្ហាញឱ្យឃើញថា ខណៈពេលប្រភពឧបត្ថម្ភត្រូវបានភ្ជាប់នឹងការងាររកស៊ីចិញ្ចឹមជិវិតសមស្រប ប្រជាជនមិនត្រឹមតែទទួលបានជំនួយប៉ុននោះទេ ថែមទាំងមានលក្ខខណ្ឌធ្វើឱ្យប្រភពកម្លាំងដំបូងក្លាយទៅជាទ្រព្យសម្បត្តិ និងប្រាក់ចំណូលទៀងទាត់ ឈោងឈានឡើងរួចផុតពីភាពក្រីក្របន្តិចម្តងៗ។
ភ្ជាប់ការឧបត្ថម្ភជាមួយនឹងលទ្ធភាពឈោងឈានឡើងដោយខ្លួនឯងរបស់ប្រជាជន
បច្ចុប្បន្ន ឃុំ ថាច់ក្វាង មានក្រុមគ្រួសារក្រីក្រចំនួន ១០១ ដោយមានប្រជាជនចំនួន ៣៥៧ នាក់ និងក្រុមគ្រួសារជិតបន្ទាត់ភាពក្រីក្រចំនួន ១០៦ ប្រជាជន ៤៦៤ នាក់។ ភាគច្រើនក្រុមគ្រួសារនៅជួបលំបាកអំពីការងាររកស៊ីចិញ្ចឹមជីវិត ដើមទុនផលិតកម្ម ឬជួបបញ្ហាសុខភាព ការងារធ្វើ និងលក្ខខណ្ឌសេដ្ឋកិច្ច។
យោងតាមលោក តុង វ៉ាន់វ៉ាង អនុប្រធានគណៈកម្មាធិការប្រជាជនឃុំ ថាច់ក្វាង ឲ្យដឹងថា មូលដ្ឋានកំណត់ការជួយឧបត្ថម្ភក្រុមគ្រួសារក្រីក្រ ក្រុមគ្រួសារជិតបន្ទាត់ភាពក្រីក្រត្រូវតែផ្សារភ្ជាប់នឹងការងាររកស៊ីចិញ្ចឹមជីវិត ស្របតាមលក្ខខណ្ឌជាក់ស្តែងរបស់គ្រួសារនីមួយៗ។ ក្រៅពីអនុវត្តរបប គោលនយោបាយយ៉ាងពេញលេញ ឃុំផ្តោតលើការពិនិត្យផ្ទៀងផ្ទាត់តម្រូវការ លទ្ធភាពផលិតកម្មរបស់ក្រុមគ្រួសារនីមួយៗ ដើម្បីជ្រើសយកទម្រង់រូបភាពឧបត្ថម្ភសមស្រប។ ស្របពេលនោះបង្កើតលក្ខខណ្ឌជូនប្រជាជនឱ្យខិតចូលជិតប្រភពទុនអនុគ្រោះដើម្បីវិនិយោគក្នុងការចិញ្ចឹមសត្វ ផលិតកម្ម។
លោក វ៉ាង មានប្រសាសន៍ថា “ប្រការសំខាន់គឺការជួយឧបត្ថម្ភត្រូវតែចំមុខសញ្ញា ចំតម្រូវការ និងជួយប្រជាជនមានលក្ខខណ្ឌប្រកបការងាររកស៊ីដោយខ្លួនឯង បង្កើតប្រាក់ចំណូល។ នៅពេលបានឧបត្ថម្ភកូនពូជ ប្រាក់កម្ចី ប្រជាជនត្រូវចេះថែទាំ អភិវឌ្ឍហ្វូងសត្វចិញ្ចឹម ប្រើប្រាស់ដើមទុនចំគោលដៅ និងបន្តបង្វិលជុំដើម្បីបង្កើតការងាររកស៊ីចិញ្ចឹមជីវិតបានយូរអង្វែង”។
ឆ្នាំ ២០២៦ ឃុំ ថាច់ក្វាង ប្រឹងប្រែងកាត់បន្ថយអត្រាក្រុមគ្រួសារក្រីក្រ ១,៤៣%។ ដើម្បីសម្រេចគោលដៅនេះ ឃុំបន្តអនុវត្តគោលនយោបាយឧបត្ថម្ភក្រុមគ្រួសារក្រីក្រ ក្រុមគ្រួសារជិតបន្ទាត់ភាពក្រីក្រ ប្រជាជនក្នុងតំបន់បងប្អូនជនជាតិដែលស្ថិតក្នុងតំបន់លំបាកខ្លាំងធានាថាចំមុខសញ្ញា ព្រមទាំងអនុវត្តគម្រោងតូចៗ កាត់បន្ថយភាពក្រីក្រប្រកបដោយស្ថិរភាព ឧបត្ថម្ភការងាររកស៊ីចិញ្ចឹមជីវិត អភិវឌ្ឍផលិតកម្មកសិកម្ម ធ្វើពិពិធកម្មការងាររកស៊ីចិញ្ចឹមជីវិត កែលម្អអាហារូបត្ថម្ភ និងកាត់បន្ថយការខ្វះព័ត៌មាន។
រួមជាមួយនឹងប្រភពកម្លាំងពីកម្មវិធី គោលនយោបាយ មូលដ្ឋានផ្តោតលើការពង្រីកតួនាទីរបស់អង្គការមហាជន និងសហគមន៍។ នៅភូមិ ថាំងលើយ សាខាសមាគមនារីភូមិមានសមាជិកាចំនួន ១៤៤ នាក់ ភាគច្រើនជាបងប្អូនជនជាតិ មឿង។ ផ្តើមពីតថភាពជាក់ស្តែងនៃជីវភាពរបស់សមាជិកា សាខាសមាគមអនុវត្តគំរូប្រមូលសំណល់អេតចាយ លក់ដើម្បីទិញកូនពូជសម្រាប់ឧបត្ថម្ភនារីក្រីក្រ។
យោងតាមបងស្រី ក្វាច់ ធីឡាន ប្រធានសាខាសមាគមនារីភូមិ ថាំងលើយ វិធីសាស្រ្តនេះបានជួយគ្រួសារដែលមានជីវភាពលំបាកឱ្យមានសម្ភារផលិតកម្មបន្ថែមទៀត។ នៅពេលហ្វូងសត្វចិញ្ចឹមធំធាត់ ប្រជាជនអាចបន្តពង្រីកហ្វូងសត្វចិញ្ចឹម លក់កូនពូជ ឬបង្កើតប្រភពចំណូលដើម្បីកែលម្អការរស់នៅ។
ពីគំនិតផ្តួចផ្តើមនៅមូលដ្ឋាន ប្រភពកម្លាំងកាត់បន្ថយភាពក្រីក្រត្រូវបានតភ្ជាប់តាមទិសដៅជាច្រើន៖ រដ្ឋឧបត្ថម្ភគោលនយោបាយ ធនាគារផ្តល់ប្រាក់កម្ចីអនុគ្រោះ អង្គការមហាជន និងសហគមន៍រួមដៃគ្នា ចំណែកប្រជាជនវិញរៀបចំផលិតកម្ម ប្រើប្រាស់ និងពង្រីកប្រភពកម្លាំងបានឧបត្ថម្ភដោយផ្ទាល់។
ថាញ់ហ្វា ក៏បន្តអនុវត្តកម្មវិធីគោលដៅជាតិកសាងជនបទថ្មីដំណាក់កាល ២០២៦ - ២០៣០ ដោយពិនិត្យមើលលក្ខណៈវិនិច្ឆ័យនីមួយៗ និងសន្ទស្សន៍សមាសភាព កំណត់ខ្លឹមសារនៅខ្វះ ប្រភពកម្លាំងអនុវត្ត ស្ថាប័នធ្វើជាអធិបតី និងកាលកំណត់ការបញ្ចប់ឡើងវិញ ព្រមទាំងគួបផ្សំប្រកបដោយប្រសិទ្ធភាពជាមួយនឹងកម្មវិធី គម្រោងអភិវឌ្ឍន៍សេដ្ឋកិច្ច - សង្គមនៅក្នុងភូមិសាស្រ្ត។
គម្រោងតូចៗ កាត់បន្ថយភាពក្រីក្រប្រកបដោយស្ថិរភាព ឧបត្ថម្ភការងាររកស៊ីចិញ្ចឹមជីវិត អភិវឌ្ឍផលិតកម្មក្នុងវិស័យកសិកម្ម ធ្វើពិពិធកម្មការងាររកស៊ីចិញ្ចឹមជីវិត កែលម្អអាហារូបត្ថម្ភ និងកាត់បន្ថយការខ្វះព័ត៌មានបន្តបានអនុវត្ត។ ស្របពេលនោះ បមាណីយកម្មមូលដ្ឋានទិន្នន័យក្រុមគ្រួសារក្រីក្រ ក្រុមគ្រួសារជិតបន្ទាត់ភាពក្រីក្រ ក្រុមគ្រួសារទើបរួចផុតពីភាពក្រីក្រត្រូវបានផ្តោតជាសំខាន់ធានាគោលនយោបាយឧបត្ថម្ភចំមុខសញ្ញា គោលនយោបាយត្រឹមត្រូវ។
ខេត្តក៏បានបង្កើនការកៀរគរប្រភពកម្លាំងសង្គមូបនីយកម្ម ការចូលរួមរបស់សហគមន៍ប្រជានិវេសន៍ សហគ្រាស សហករណ៍ក្នុងការកសាងជនបទថ្មី កាត់បន្ថយភាពក្រីក្រ អភិវឌ្ឍផលិតកម្ម ការពារបរិស្ថាន កែលម្អទីប្រជុំជន និងលើកកម្ពស់ជីវភាពរស់នៅរបស់ប្រជាជន។
នៅ ថាច់ក្វាង ប្រសិទ្ធភាពនៃគោលនយោបាយទាំងនោះដំបូងបង្អស់គឺបានឃើញពីការប្រែប្រួលនៅក្នុងគ្រួសារនីមួយៗ។ ក្របី ១ ក្បាលដែលឧបត្ថម្ភបានបង្កើតក្របីកូនបន្ថែមទៀត ហើយប្រាក់លក់ក្របីកូនត្រូវបានយកទៅទិញក្របីបន្ថែមទៀត។ ប្រាក់កម្ចីអនុគ្រោះមួយផ្នែកក្លាយជាទ្រុងក្រោល កូនពូជ។ ទាកាប៉ាបានឧបត្ថម្ភបន្តការបន្តពូជ បង្កើតប្រាក់ចំណូលបន្ថែម។
សម្រាប់ក្រុមគ្រួសារធ្លាប់ជួបលំបាកក្នុងការរស់នៅមួយថ្ងៃៗ នោះគឺជាជំហានមានទ្រង់ទ្រាយមិនធំក៏ដោយប៉ុន្តែមានអត្ថន័យជាក់ស្តែង។ នៅពេលប្រជាជនមានសម្ភារផលិតកម្ម ដឹងរបៀបប្រើប្រាស់ដើមទុន និងមានលក្ខខណ្ឌបង្វិលជុំប្រភពកម្លាំង ជួយឧបត្ថម្ភកាត់បន្ថយភាពក្រីក្រមិនមែនស្ថិតនៅត្រឹមតែការជួយគ្រួសារមួយឱ្យឆ្លងកាត់ការលំបាកភ្លាមៗ នៅចំពោះមុខនោះទេ ថែមទាំងបង្កើតមូលដ្ឋានគ្រឹះសម្រាប់ពួកគាត់ម្ចាស់ការក្នុងការងាររកស៊ីចិញ្ចឹមជីវិតពីមួយជំហានទៅមួយជំហាន បង្កើនប្រាក់ចំណូល និងឆ្ពោះទៅរួចផុតពីភាពក្រីក្រប្រកបដោយចីរភាព៕
ផលិត៖ វៀតហ្វាង - ហ្វាម៉ាយ
ប្រែសម្រួល៖ អៀងថាន់
