លោក យ៉ាញ់អ៊ូត រស់នៅភូមិ ថាញ់ហ្វា ១ ចែករំលែកថា មុនពេលស្ពានថ្មីបានបើកការដ្ឋានសាងសង់ ប្រជាជនត្រូវធ្វើដំណើរឆ្លងកាត់ស្ពានដែកទ្រុឌទ្រោមមានសភាពគ្រោះថ្នាក់ជាបង្គួរ មធ្យោបាយដឹកជញ្ជូនទំនិញដោយម៉ូតូ ឬរថយន្តដឹកទំនិញតូចមិនអាចឆ្លងកាត់ទៅមកបានហើយត្រូវទៅវាងផ្លូវឆ្ងាយជាងប្រហែល ៣ គីឡូម៉ែត្រដែលមានការលំបាកយ៉ាងខ្លាំង។ មាមីងបងប្អូនត្រេកអរជាខ្លាំងនៅពេលដែលស្ពានថ្មីបានកសាង ជួយឱ្យខ្សែផ្លូវគមនាគមន៍ជនបទបានភ្ជាប់រលូន។ បច្ចុប្បន្ននេះ រថយន្តដឹកទំនិញខ្នាតតូច ឡានអាចធ្វើចរាចរណ៍ងាយស្រួល ការដឹកជញ្ជូននិងការលក់ដូរកសិផលគ្រប់ប្រភេទដូចជា កង្កែប ជ្រូក មាន់ ទា ។ល។ ងាយស្រួលជាងមុន។ អាស្រ័យហេតុដូច្នោះ ប្រជាជនលក់ទំនិញបានស្រួលជាងមុន តម្លៃក៏ល្អជាងមុនផងដែរ។ ផ្ទុយទៅវិញ ប្រជាជនទិញទំនិញគ្រប់ប្រភេទដទៃទៀតក៏បានតម្លៃថោកជាងមុនដែរពីព្រោះដឹកជញ្ជូនមានភាពងាយស្រួលជាងមុន។
លោក ង៉ូ ភឿងវូ អនុប្រធានគណៈកម្មាធិការរណសិរ្សមាតុភូមិវៀតណាមខេត្ត អានយ៉ាង ឱ្យដឹងថា ចាប់តាំងពីដើមឆ្នាំ ២០២៦ មកទល់បច្ចុប្បន្ននេះ គ្រប់ផ្នែក លំដាប់ថ្នាក់ក្នុងខេត្តបានកៀរគរប្រភពកម្លាំងសង្គមូបនីយកម្មដាក់ដំណើរការគម្រោងរាប់រយបម្រើជីវភាពប្រជាជនរាល់ថ្ងៃនិងកម្មវិធី សកម្មភាពសុខុមាលភាពសង្គមជាច្រើន ដោយមានថវិកាជាង ៥០ ពាន់លានដុង។ ក្នុងនោះ ស្ថាប័ន អង្គភាពបានចលនាកសាងផ្ទះមេត្តាធម៌ ផ្ទះសង្គហធម៌ ជម្រកកសិករដ៏សែនកក់ក្តៅជាង ៥០០ ខ្នង សាងសង់ផ្លូវថ្នល់ប្រហែល ៥០.០០០ ម៉ែត្រនិងរាប់សិបស្ពានចរាចរជនបទ ។ល។
នាពេលខាងមុខ គណៈកម្មាធិការរណសិរ្សមាតុភូមិ វៀតណាម ខេត្ត អានយ៉ាង បន្តសហការជាមួយបណ្តាស្ថាប័ន អង្គភាព បង្គាប់ការបណ្តាអង្គភាពក្រោមឱវាទពង្រឹងបន្ថែមការងារចលនាក្នុងគោលបំណងកៀរគរប្រភពកម្លាំងដើម្បីធ្វើល្អការងារសុខុមាលភាពសង្គមនិយាយរួម គិតគូរលើកកម្ពស់ជីវភាពសម្ភារៈស្មារតីប្រជាជនតំបន់ជ្រៅ តំបន់ឆ្ងាយ បងប្អូនជនជាតិភាគតិច តាមតំបន់កោះសមុទ្រនៅមានស្ថានភាពលំបាកលំបិន។ ស្របពេលនោះដែរ គណៈកម្មាធិការរណសិរ្សមាតុភូមិខេត្តពង្រឹងការងារត្រួតពិនិត្យតាមដានដើម្បីបណ្តាសកម្មភាពបានអនុវត្ត ធានាតម្រូវការជាក់ស្តែង មានប្រសិទ្ធភាព៕
អត្ថបទនិងរូបថត៖ វ៉ាន់ស៊ី - ទីភ្នាក់ងារព័ត៌មានវៀតណាម
ប្រែសម្រួល៖ ពេជ្រពិសិដ្ឋ
