លោក ង្វៀន វ៉ាន់វូ (អាយុ ៦៣ ឆ្នាំ) អ្នកស្រុករស់នៅចំណុចប្រជានិករជាប់ក្បែរប៉មយាមកងសេនាជនព្រំដែន គៅត្រាំង ឃុំ បេនគៅ ឱ្យដឹងថា ផ្ទះដ៏រឹងមាំបានរដ្ឋឧបត្ថម្ភសាងសង់ដោយថវិកាចំនួន ១៤០ លានដុងបានជួយគ្រួសារលោកលំនឹងជីវភាព ស្ងប់ចិត្តអភិវឌ្ឍសេដ្ឋកិច្ច។ ផ្តើមពីចិញ្ចឹមគោបន្តពូជនិងប្រើវិទ្យាសាស្ត្របច្ចេកទេសចូលក្នុងផលិតកម្ម ជីវភាពគ្រួសារកាន់តែប្រសើរឡើងពីមួយថ្ងៃទៅមួយថ្ងៃ។ សំខាន់ជាងនេះទៅទៀត លោកតែងតែអប់រំកូនក្មួយលើកកម្ពស់ស្មារតីភារៈប្រជាពលរដ្ឋ សហការយ៉ាងសកម្មជាមួយកងកម្លាំងសេនាជននិងកងទ័ពការពារព្រំដែនចូលរួមការពារព្រំដែន។
ឧត្តមសេនីយ៍ត្រី ត្រឹន ង៉ុកមិញ មេបញ្ជាការរងយោធភូមិភាគ ៧ ឱ្យដឹងថា នៅលើភូមិសាស្ត្រយោធភូមិភាគទាំងមូលបច្ចុប្បន្នមានខ្សែបន្ទាត់ព្រំដែនជាប់នឹង កម្ពុជា ប្រវែង ៧៧៦ គីឡូម៉ែត្រ កងកម្លាំងទទួលបន្ទុកមិនអាចមានវត្តមានគ្រប់ទីកន្លែង គ្រប់ពេលវេលាឡើយ។ ផ្តើមពីស្ថានភាពជាក់សែ្ដងនោះ យោធភូមិភាគកំណត់ថា "មិនមាននរណាការពារព្រំដែនល្អជាងប្រជាជន"។ បណ្តុំ ចំណុចប្រជានិករនៅជាប់ក្បែរប៉មយាមកងសេនាជនព្រំដែនត្រូវបានដាក់ដំណើរការកសាង។ រហូតមកដល់ពេលនេះ យោធភូមិភាគបានកសាងតំបន់ប្រជុំជនចំនួន ៥៨ កន្លែងនៅតាមខ្សែបន្ទាត់ព្រំដែនហើយ។ នៅពីក្រោយតំបន់ប្រជុំជនទាំងនោះជាដំណើរការវិនិយោគព្រមៗ គ្នាអំពីផ្ទះលំនៅ ហេដ្ឋារចនាសម្ព័ន្ធចរាចរ អគ្គិសនី ទឹក សាលារៀន មូលដ្ឋានសុខាភិបាលនិងដំណោះស្រាយបង្កើតមធ្យោបាយចិញ្ចឹមជីវិតប្រកបដោយនិរន្តរភាពជូនប្រជាជន។ សាងសង់ផ្ទះសម្បែងជូនប្រជាជនគ្រាន់តែជាជំហានដំបូង។ ប្រការសំខាន់ជាងនេះទៅទៀតគឺបង្កើតបានល័ក្ខខ័ណ្ឌដើម្បីប្រជាជនរស់នៅបាន អភិវឌ្ឍបានហើយផ្សារភ្ជាប់យូរអង្វែងជាមួយតំបន់ជាយដែន។ នៅពេលដែលប្រជាជនស្ងប់ចិត្តក្នុងការកសាងអាជីវកម្ម ក្បួនយុទ្ធសាស្រ្តប្រជាជនទាំងមូលការពារជាតិនឹងត្រូវបានពង្រឹងយ៉ាងរឹងមាំ។ នោះក៏ជាមូលហេតុដែលកម្មវិធីសុខុមាលភាពសង្គម ឧបត្ថម្ភមធ្យោបាយចិញ្ចឹមជីវិត គិតគូរជីវភាពប្រជាជនតែងតែត្រូវបានដំណើរការទន្ទឹមគ្នាជាមួយភារកិច្ចការពារជាតិ សន្តិសុខនៅលើខ្សែបន្ទាត់ព្រំដែនទាំងមូល។
ផ្តើមពីផ្ទះសម្បែងទើបតែសង់ឡើងថ្មីៗ នៅកណ្តាលតំបន់ជាយដែន ផ្តើមពីបណ្ដុំប្រជានិករទាំងឡាយនៅជាប់ក្បែរប៉មយាមកងសេនាជនព្រំដែន ក្បួនយុទ្ធសាស្រ្តប្រជាជនទាំងមូលការពារជាតិកំពុងបានធ្វើឱ្យក្លាយជាការពិតជាក់ស្ដែងពីមួយជំហានទៅមួយជំហានហើយក៏ដោយសារផ្តើមចេញពីបណ្ដុំប្រជានិករនៅឯព្រំសីមាមាតុភូមិនោះតែម្តង "បន្ទាយបេះដូងប្រជាជន" មួយកំពុងត្រូវបានសាងសង់កាន់តែរឹងមាំពីមួយថ្ងៃទៅមួយថ្ងៃ ក្លាយជាមូលដ្ឋានគ្រឹះប្រកបដោយនិរន្តរភាពដើម្បីការពារអធិបតេយ្យភាពទឹកដី សន្តិសុខព្រំដែនជាតិក្នុងស្ថានការណ៍ថ្មី៕
អត្ថបទនិងរូបថត៖ មិញភូ - ទីភ្នាក់ងារព័ត៌មានវៀតណាម
ប្រែសម្រួល៖ ពេជ្រពិសិដ្ឋ
