* អាជ្ញាធរឌីជីថលមកចុះមកកាន់ភូមិនិគម
កត់សម្គាល់នៅឃុំ ប៊ូយ៉ាម៉ឹប - ភូមិសាស្រ្តព្រំដែនលំបាកលំបិនខ្លាំងដោយមានខ្សែបន្ទាត់ព្រំដែនជាង ៤៧ គីឡូម៉ែត្រជាប់ជាមួយនឹងប្រទេស កម្ពុជា បង្ហាញពីការផ្លាស់ប្តូរយ៉ាងច្បាស់ក្រឡែតក្រោយរយៈពេលមួយឆ្នាំអនុវត្តគំរូអាជ្ញាធរមូលដ្ឋានពីរថ្នាក់។ ឃុំទាំងមូលមាន ១.៨៩៨ ក្រុមគ្រួសារ ក្នុងនោះបងប្អូនជនជាតិភាគតិចមានចំនួន ៧៤,៥% សេដ្ឋកិច្ចជាចម្បងផ្អែកលើកសិកម្ម។ កម្រិតនៃការអភិវឌ្ឍសេដ្ឋកិច្ច - សង្គមនៅតែមានកម្រិត បណ្តាល ឱ្យមានឧបសគ្គធំៗ អំពីហេដ្ឋារចនាសម្ព័ន្ធបច្ចេកវិទ្យានិងលទ្ធភាពទទួលព័ត៌មានរបស់ប្រជាជន។
ដើម្បីស្រាយចំណោទរដ្ឋបាលនៅក្នុងភូមិសាស្រ្តពិសេសដាច់ដោយឡែក មជ្ឈមណ្ឌលសេវារដ្ឋបាលសាធារណៈឃុំ ប៊ូយ៉ាម៉ឹប ការបានក្លាយជា “ចំណុចស្នូល“ នាំមុខគេក្នុងការផ្លាស់ប្តូរវិធីសាស្រ្តធ្វើការ។ យោងតាមលោក ង្វៀន វ៉ាន់ដឿក នាយកមជ្ឈមណ្ឌលសេវារដ្ឋបាល សាធារណៈឃុំ ប៊ូយ៉ាម៉ឹប ប្រសិទ្ធភាពដោះស្រាយបែបបទរដ្ឋបាលត្រូវបានកែលម្អឱ្យប្រសើរឡើងអាស្រ័យដោយដំណាក់កាលសហការយ៉ាងស្អិតល្មួតរវាងស្ថាប័ននិងការប្រើប្រាស់បរិវត្តកម្មឌីជីថលប្រកបដោយសង្គតិភាព។
ឯកសារត្រូវបានទទួល ប្តូរវេននិងដោះស្រាយយ៉ាងរលូនទាំងនៅមជ្ឈមណ្ឌលផ្ទាល់នៅមជ្ឈមណ្ឌលនិងប្រព័ន្ធអនឡាញតាមរយៈវិបផតថលសេវាកម្មសាធារណៈជាតិ។ ដំណើរការការទទួល ចាត់ការ ប្តូរវេននិងប្រគល់ជូនលទ្ធផលទាំងមូលសុទ្ធតែត្រូវបានអនុវត្តនៅលើផ្នែកទន់អេឡិចត្រូនិចច្រកចេញចូលតែមួយ។ ការងារឌីជីថលភាវូបនីយកម្មឯកសារនាំចូល លទ្ធផលដោះស្រាយច្រកចេញក៏ត្រូវបានអនុវត្តស្របគ្នាផងដែរ អាស្រ័យដោយហេដ្ឋារចនាសម្ព័ន្ធបច្ចេកវិទ្យាព័ត៌មាន និងខ្សែបញ្ជូនអ៊ីនធឺណិតត្រូវបានវិនិយោគសុក្រឹតជាបង្គួរ។
គិតត្រឹមថ្ងៃទី ២៦ ខែ មិថុនា ឃុំបានបើកចំហបែបបទរដ្ឋបាលចំនួន ៤២៨ ស្ថិតក្នុងសមត្ថភាពដោះស្រាយ។ មជ្ឈមណ្ឌលទទួលឯកសារចំនួន ៣.០៤០ តាមប្រព័ន្ធអនឡាញ ក្នុងនោះអត្រាត្រូវបានដំណោះស្រាយមុនពេលកំណត់សម្រេច ៩៨,២% រួមចំណែកលើកកម្ពស់គុណភាពបម្រើប្រជាជននិងសហគ្រាស។
* បងប្អូនជនជាតិនៅជាយដែនជឿជាក់លើខ្លួនឯងឈានចូលទៅក្នុងបរិស្ថានឌីជីថល
ប្រសិនបើតួលេខអំពីឯកសារនិងអត្រាដោះស្រាយមុនពេលកំណត់ឆ្លុះបញ្ចាំងពីប្រសិទ្ធភាពនៃក្បាលម៉ាស៊ីន គឺការផ្លាស់ប្តូរទម្លាប់របស់ប្រជាជនទើបជាសក្ខីកម្មច្បាស់លាស់សម្រាប់ភាពជោគជ័យនៃគំរូអាជ្ញាធរមូលដ្ឋានពីរថ្នាក់។ មានមនុស្សជាច្រើនកាលពីមុននៅស្ទាក់ស្ទើរក្នុងការប្រើប្រាស់ទូរស័ព្ទឆ្លាតវៃឥឡូវនេះអាចធ្វើដោយខ្លួនឯងហើយ ឬបានណែនាំបំពេញបែបបទរដ្ឋបាលនៅក្នុងបរិស្ថានឌីជីថលតែម្តង។
លោក ដៀវខេន នៅភូមិ ប៊ូង៉ា ឱ្យដឹងថា កាលពីមុនរាល់ដងមកធ្វើសំបុត្រស្នាមត្រូវទៅមកច្រើនលើកច្រើនសាព្រោះខ្វះឯកសារ ខាតថ្ងៃធ្វើការងារពលកម្មពេញមួយថ្ងៃ។ ឥឡូវនេះបានកម្មាភិបាលឃុំនិងក្រុមបច្ចេកវិទ្យាឌីជីថលសហគមន៍ណែនាំបង្កើតគណនីកំណត់អត្តសញ្ញាណអេឡិចត្រូនិច ប្រើប្រាស់ទូរស័ព្ទបំពេញបែបបទ ដោះស្រាយឯកសារកាន់តែឆាប់ ងាយស្រួលជាងមុន។ ថ្ងៃនេះ លោកគ្រាន់តែមកមជ្ឈមណ្ឌលច្រកចេញចូលតែមួយដើម្បីទទួលយកលទ្ធផលប៉ុននោះ កម្មាភិបាលដោះស្រាយលឿនខ្លាំងណាស់ មិនចាំបាច់រង់ចាំយូរទេ។
មិនត្រឹមតែប្រជាជនប៉ុននោះទេ អ្នកធ្វើការងារគ្រប់គ្រងដោយផ្ទាល់នៅមូលដ្ឋានក៏ទទួលបានអារម្មណ៍យ៉ាងជ្រាលជ្រៅ “ចរន្តកម្លាំងរស់រានថ្មី”។ លោកស្រី ធីលៀន ប្រធានភូមិ ប៊ូយ៉ូត ឱ្យដឹងថា ភាគច្រើនអ្នកភូមិគឺជាបងប្អូនជនជាតិភាគតិច ការយល់ដឹងអំពីបច្ចេកវិទ្យានៅមានកម្រិត ដូច្នេះហើយដំបូងឡើយនៅមានភាពស្ទាក់ស្ទើរអំពីសេវាសាធារណៈតាមប្រព័ន្ធអនឡាញ នៅតែចង់មកធ្វើការដោយផ្ទាល់ជាមួយនឹងកម្មាភិបាល។
ក៏ប៉ុន្តែ ចាប់តាំងពីគំរូអាជ្ញាធរមូលដ្ឋានពីរថ្នាក់ចាប់ផ្តើមដំណើរការ ក្រុមបច្ចេកវិទ្យា ឌីជីថលសហគមន៍បានសហការជាមួយនឹងភូមិមកកាន់គ្រួសារនីមួយៗ ណែនាំអំពីការប្រើប្រាស់សេវាសាធារណៈតាមប្រព័ន្ធអនឡាញ។ នៅពេលឃើញថាការបំពេញបែបបទជួយសន្សំសំចៃពេលវេលា ថវិកា និងកាត់បន្ថយការធ្វើដំណើរទៅមក ប្រជាជនក៏ម្ចាស់ការចូលរួមជាបណ្តើរៗ និងយល់ស្របជាមួយនឹងវិធីសាស្ត្រថ្មី។
ផ្តើមពីប្រសិទ្ធភាពបច្ចេកទេសនៅមជ្ឈមណ្ឌលច្រកចេញចូលតែមួយរហូតដល់ភាពរីករាយជាក់ស្តែងនៅតាមភូមិនិគមនានា គំរូអាជ្ញាធរមូលដ្ឋានពីរថ្នាក់នៅឃុំ ប៊ូយ៉ាម៉ឹប ក្រោយ រយៈពេលមួយឆ្នាំសាកល្បងបានបង្ហាញពីភាពប្រសើរលើសលប់ដ៏រឹងមាំ។
លោក លេ ហ្វាងណាម លេខាគណៈកម្មាធិការបក្សឃុំ ប៊ូយ៉ាម៉ឹប បានអះអាងបញ្ចាក់ថា៖ ការងារកែទម្រង់រដ្ឋបាល និងបរិវត្តកម្មឌីជីថលត្រូវបានមូលដ្ឋានយកចិត្តទុកដាក់យ៉ាងខ្លាំង។ ការដាក់ឱ្យដំណើរការប្រព័ន្ធសេវាកម្មច្រកចេញចូលតែមួយលើវេទិកាឌីជីថលមិនត្រឹមតែកាត់បន្ថយសម្ពាធសម្រាប់កម្មាភិបាលប៉ុននោះទេ តែសំខាន់បំផុតគឺជួយសន្សំសំចៃពេលវេលា និងចំណាយពេលធ្វើដំណើរទៅមកសម្រាប់មាមីងបងប្អូននៅឃុំតំបន់ជ្រៅ តំបន់ឆ្ងាយ។ ភារកិច្ចជាច្រើនពីមុនតម្រូវឱ្យមានការសុំយោបល់ឆ្លងកាត់ថ្នាក់ជាច្រើនឥឡូវនេះត្រូវបានដោះស្រាយដោយផ្ទាល់នៅឃុំ កាន់តែលឿននិងទាន់ពេលវេលាជាង។
លេខាគណៈកម្មាធិការបក្សឃុំ ប៊ូយ៉ាម៉ឹប ទទួលស្គាល់ដោយស្មោះត្រង់ “ចំណុចកកស្ទះ” ដូចជាប្រព័ន្ធផ្នែកទន់ជួនកាលមិនស៊ីចង្វាក់គ្នា ហេដ្ឋារចនាសម្ព័ន្ធបណ្តាញតំបន់ព្រំដែននៅយឺតយ៉ាវ។ ផ្តើមពីនោះ លោក ណាម បានចង្អុលបង្ហាញមេរៀនបទពិសោធចម្បងចំនួន ៤ សម្រាប់សុក្រឹតក្បាលម៉ាស៊ីនក្នុងដំណាក់កាលនាពេលខាងមុខ៖ បង្កើនតួនាទីរបស់ថ្នាក់ដឹកនាំរបស់បក្សតាមរយៈពង្រីកទូលាយតួនាទីជាអ្នកដឹកនាំ ប្រកាន់ខ្ជាប់គោលការណ៍នៃលទ្ធិប្រជាធិបតេយ្យ ប្តូរយោបល់យ៉ាងស្អិតល្មួតនៅផ្ទៃក្នុង ចាត់ចែងកម្មាភិបាលស្របតាមគោលការណ៍ “៦ ជាក់ច្បាស់” ដើម្បីធានាច្បាស់មនុស្ស ច្បាស់ការងារ ច្បាស់ពេលវេលា ច្បាស់ការទទួលខុសត្រូវ ច្បាស់ផលិតផល ច្បាស់សមត្ថកិច្ចដើម្បីបង្កើនប្រសិទ្ធភាពការអនុវត្តសេវាសាធារណៈ ពង្រីកកម្លាំងមហាសាមគ្គីដោយកៀរគរតួនាទីរបស់រណសិរ្សមាតុភូមិនិងអ្នកមានប្រជាប្រិយភាពក្នុងចំណោមបងប្អូនជនជាតិភាគតិចដើម្បីផ្សព្វផ្សាយ បង្កើតការស្រុះចិត្តស្រុះគំនិតយ៉ាងស៊ីជម្រៅ យកប្រជាជនជាគោលដើម្បីជំរុញការកែទម្រង់រដ្ឋបាលផ្សារភ្ជាប់ជាមួយនឹងប្រជាចលនាអាជ្ញាធរ ពង្រឹងការចូលរួមពីមូលដ្ឋានដើម្បីស្តាប់និងដោះស្រាយសំណើរបស់មាមីងបងប្អូនយ៉ាងម៉ឺងម៉ាត់តាំងពីទើបកើតឡើងកាលពីដំបូង មិនទុកឱ្យក្លាយទៅជាចំណុចក្តៅ។
គំរូអាជ្ញាធរមូលដ្ឋានពីរថ្នាក់នៅឃុំព្រំដែន ប៊ូយ៉ាម៉ឹប ក្រោយពីដំណើរការបានមួយឆ្នាំបាននាំមកការពេញចិត្តសម្រាប់ប្រជាជន។ អាស្រ័យដោយស្មារតី "នៅជិតប្រជាជន ជាប់ប្រជាជន" រួមជាមួយ នឹងគោលការណ៍រដ្ឋបាលយ៉ាងរលូន ភាគច្រើនបងប្អូនជនជាតិភាគតិចធ្លាប់តែនៅស្ទាក់ស្ទើរអំពីបច្ចេកវិទ្យាពីមុន ឥឡូវនេះបានជួយ "កាន់ដៃបង្ហាញការណ៍"។ ការផ្លាស់ប្តូរប្រកបដោយភាពរបត់នេះមិនត្រឹមតែជួយមាមីងបងប្អូនសន្សំសំចៃពេលវេលា ថវិកាចំណាយប៉ុននោះទេ ថែមទាំងជួយបងប្អូនជនជាតិជឿជាក់លើខ្លួនឯងពីមួយជំហានទៅមួយជំហាន ម្ចាស់ការសម្របខ្លួនទៅក្នុងខឿនរដ្ឋបាលឌីជីថលទំនើប រួមចំណែកលើកកម្ពស់គុណភាពបម្រើនិងពង្រឹងការយល់ស្របគ្នារបស់ប្រជាជនជាមួយនឹងអាជ្ញាធរមូលដ្ឋាន៕
អត្ថបទនិងរូបថត៖ កហ្កឿយហ៍
ប្រែសម្រួល៖ ចន្ថា
