តាមរយៈការស្ទង់មើលជាក់ស្តែង ក្រុមការងារវាយតម្លៃខ្ពស់ស្មារតីសកម្ម ម៉ឺងម៉ាត់របស់ ត្វៀនក្វាង ក្នុងការអនុវត្តគោលនយោបាយ ច្បាប់អំពីដីធ្លី ក៏ដូចជាយន្តការ គោលនយោបាយពិសេសដាច់ដោយឡែកអំពីការអប់រំ សុខាភិបាលសម្រាប់បងប្អូនជនជាតិភាគតិចនិងតំបន់ភ្នំ។
លោក ឡឹម វ៉ាន់ម៉ឹន ស្នើក្នុងរយៈពេលខាងមុខ ខេត្តបន្តអនុវត្តយ៉ាងល្អគោលនយោបាយអំពីដីធ្លីចំពោះបងប្អូនជនជាតិភាគតិច ជំរុញការប្រគល់ដីធ្លីនិងព្រៃឈើផ្សារភ្ជាប់នឹងការការពារ អភិវឌ្ឍព្រៃឈើ និងបង្កើតការងាររកស៊ីចិញ្ចឹមជីវិតប្រកបដោយចីរភាពជូនប្រជាជន ពង្រឹងការគ្រប់គ្រងដីធ្លីរបស់រដ្ឋ ត្រួតពិនិត្យផ្ទៀងផ្ទាត់ផ្ទៃដីព្រៃឈើដែលត្រូវបានបំបែកចេញ ដើម្បីបង្កើតផែនការជួយឧបត្ថម្ភការអភិវឌ្ឍសេដ្ឋកិច្ច បន្ថយជម្លោះអំពីដីធ្លីព្រៃឈើ។
ស្របពេលនោះ ខេត្តបន្តផ្តោតលើការអភិវឌ្ឍវិស័យអប់រំនិងសុខាភិបាល បង្កើនគុណភាពនៃការបណ្តុះបណ្តាល និងថែទាំសុខភាពប្រជាជន បង្កើនការឃោសនា រួមបញ្ចូលរាល់ប្រភពធនធានប្រកបដោយប្រសិទ្ធភាព ដើម្បីលើកកម្ពស់ការអភិវឌ្ឍសេដ្ឋកិច្ច - សង្គមនៅតំបន់ជ្រៅ តំបន់ឆ្ងាយ តំបន់បងប្អូនជនជាតិភាគតិច។ ចំពោះរាល់សំណើរបស់ខេត្ត ក្រុមការងារនឹងធ្វើសំយោគ រាយការណ៍ទៅអាជ្ញាធរមានសមត្ថកិច្ចដើម្បីពិចារណា ដោះស្រាយនាពេលខាងមុខ ។ល។
លោកស្រី វឿង ង៉ុកហា អនុប្រធានគណៈកម្មាធិការប្រជាជនខេត្តមានប្រសាសន៍ថា៖ បច្ចុប្បន្ន ត្វៀនក្វាង មានផ្ទៃដីជាង ១៣.៧៩៥ គីឡូម៉ែត្រការ៉េ មានប្រជាជនជាង ១,៨ លាននាក់ ដែលជា ៤៦ បងប្អូនជនជាតិភាគតិចក្នុងនោះបងប្អូនជនជាតិភាគតិចមានជាង ៧៣%។ ខេត្តទាំងមូលមានឃុំចំនួន ១២៣ ក្នុងចំណោម ១២៤ ឃុំនៅក្នុងតំបន់ជនជាតិភាគតិចនិងតំបន់ភ្នំ ដោយមានឃុំចំនួន ៨៧ ត្រូវជាឃុំដែលជួបការលំបាកលំបិនខ្លាំង។
រយៈពេលកន្លង ខេត្តបានផ្តោតលើការអនុវត្តគោលនយោបាយសុខុមាលភាពសង្គម វិនិយោគលើហេដ្ឋារចនាសម្ព័ន្ធនៅតំបន់ជនជាតិភាគតិចយ៉ាងស៊ីចង្វាក់គ្នាភ្ជាប់ជាមួយនឹងកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ច - សង្គមតំបន់ជនជាតិភាគតិចនិងតំបន់ភ្នំ។ ការងារប្រគល់ដីធ្លីនិងព្រៃឈើ ឧបត្ថម្ភការងាររកស៊ីចិញ្ចឹមជីវិត អភិវឌ្ឍផលិតកម្មនៅតែបន្តបានអាជ្ញាធរមូលដ្ឋានយកចិត្តទុកដាក់អនុវត្ត។
ខេត្តបានឧបត្ថម្ភប្រគល់ឱ្យការពារព្រៃឈើនឹងផ្ទៃដីជាង ២០.៥០០ ហិកតា ជួយការពារព្រៃការពារនិងព្រៃធម្មជាតិនឹងផ្ទៃដី ២១.៤៨៩ ហិកតា ជួយដាំថ្មីព្រៃឈើផលិតកម្មជិត ៣.២០០ ហិកតា ជាមួយនឹងថវិកាចំណាយសរុបជាង ១៤៥ ពាន់លានដុង។ គោលនយោបាយទាំងនេះរួមចំណែកដល់ការរក្សាអត្រាគម្របព្រៃឈើឱ្យមានស្ថិរភាព បង្កើតការងារធ្វើនិងការងាររកស៊ីចិញ្ចឹមជីវិតជូនប្រជាជន ជាពិសេសគឺបងប្អូនជនជាតិភាគតិចនៅតំបន់ភ្នំ។
ស្របពេលនោះ គោលនយោបាយជាច្រើនឧបត្ថម្ភដីលំនៅឋាន ដីផលិតកម្ម ការផ្ទេរវិជ្ជាជីវៈនិងឧបត្ថម្ភប្រាក់កម្ចីសម្រាប់ប្រជាជនត្រូវបានអនុវត្តតាមបទប្បញ្ញត្តិ។ ខេត្តក៏កំពុងរួសរាន់ធ្វើឱ្យទៅជាភាពជាក់ស្តែងនូវសេចក្តីសម្រេចចិត្តរបស់រដ្ឋសភាទាក់ទងនឹងយន្តការ គោលនយោបាយពិសេសដាច់ដោយឡែកនៅក្នុងវិស័យសុខាភិបាលសំដៅលើកកម្ពស់គុណភាពថែទាំសុខភាពប្រជាជន។
នៅក្នុងវិស័យអប់រំ អត្រាកៀរគរសិស្សចូលរៀនសម្រេច ៩៩,៩% ការលើកលែង កាត់បន្ថយថ្លៃសិក្សា និងការឧបត្ថម្ភក្នុងការសិក្សាសម្រាប់អ្នកទទួលផលគោលនយោបាយត្រូវបានអនុវត្តយ៉ាងពេញលេញ តាមបទប្បញ្ញត្តិ ដោយមានថវិកាសរុបជាង ១៩២ ពាន់លានដុង ព្រមទាំងផ្តោតទៅលើការវិនិយោគលើហេដ្ឋារចនាសម្ព័ន្ធសាលារៀន ជាពិសេសនៅតំបន់ដាច់ជ្រៅ តំបន់ឆ្ងាយ។
គួរឱ្យចាប់អារម្មណ៍ អនុវត្តគោលការណ៍សាងសង់សាលាចំណេះទូទៅអន្តេវាសិកជនជាតិអន្តរកម្រិតបឋមសិក្សា និងមធ្យមសិក្សាបឋមភូមិនៅបណ្តាឃុំជាប់ព្រំដែន ខេត្តបានអនុម័តជាបន្ទាន់នូវគម្រោងការចំនួន ១៧ ក្នុងនោះ ដំណាក់កាលទី ១ រួមមានសាលារៀនចំនួន ៦ ខ្នងគ្រោងនឹងបញ្ចប់រួចរាល់មុនថ្ងៃទី ៣០ ខែ សីហា នាពេលខាងមុខដោយមានដើមទុនសរុបជាង ១.៣០០ ពាន់លានដុង ដំណាក់កាលទី ២ រួមមានសាលារៀនចំនួន ១១ ខ្នងនឹងដើមទុនវិនិយោគសរុបជាង ២.៩០០ ពាន់លានដុង។
វិស័យសុខាភិបាលបន្តត្រូវបានពង្រឹងជាមួយនឹងបណ្តាញពិនិត្យ ព្យាបាលជំងឺចាប់ពីថ្នាក់ខេត្តរហូតដល់ថ្នាក់មូលដ្ឋាន។ បច្ចុប្បន្ន ខេត្តទាំងមូលមានប្រជាជនជាង ១,៦ លាននាក់ចូលរួមក្នុងការធានារ៉ាប់រងសុខភាព ១០០% មុខសញ្ញាទទួលផលគោលនយោបាយ អ្នកក្រីក្រ និងកុមារអាយុក្រោម ៦ ឆ្នាំត្រូវបានផ្តល់ប័ណ្ណធានារ៉ាប់រងសុខភាពដោយឥតគិតថ្លៃ។
ក្រៅពីលទ្ធផលនានាដែលសម្រេចបាន មូលដ្ឋាននៅតែប្រឈមមុខនឹងការលំបាក ឧបសគ្គជាច្រើនក្នុងការអនុវត្តគោលនយោបាយ។ ឆ្លងតាមរយៈនោះ មូលនិធិដីធ្លីសាធារណៈមានកំណត់បានរារាំងខេត្តក្នុងការបែងចែករៀបចំដីលំនៅឋាន ដីផលិតកម្មដោយផ្ទាល់ជូនប្រជាជនដូចដែលបានចែងក្នុងច្បាប់ដីធ្លីឆ្នាំ ២០២៤។
ខណៈពេលនោះ កម្រិតឧបត្ថម្ភពីថវិកាមជ្ឈិមនៅទាបទើបក្រុមគ្រួសារក្រីក្រជាច្រើនមិនអាចទទួលបានការផ្ទេរសិទ្ធិប្រើប្រាស់ដី។ បន្ទាប់ពីអនុវត្តគំរូអាជ្ញាធរមូលដ្ឋានពីរថ្នាក់ ឃុំមួយចំនួននៅខ្វះកម្មាភិបាលភ្នាក់ងាររដ្ឋការសុរិយោដីជំនាញ ប៉ះពាល់ដល់ដំណើរការដោះស្រាយឯកសារនិងធ្វើសំយោគរបាយការណ។
នៅក្នុងវិស័យអប់រំ អត្រាស្ថិរភាវូបនីយកម្មថ្នាក់រៀនរបស់ខេត្តទើបសម្រេចបានត្រឹមតែ ៧០,៧% ប៉ុននោះ ទាបជាងកម្រិតមធ្យមទូទាំងប្រទេស ៨៩,៦% គ្រឿងបរិក្ខាបង្រៀនសិក្សារៀនសូត្រជាអប្បបរមាទើបបំពេញបានត្រឹមតែប្រហែល ៤៤,៥% នៃតម្រូវការប៉ុននោះ។ មូលដ្ឋានក៏ខ្វះគ្រូបង្រៀនផ្នែកភាសាអង់គ្លេស បច្ចេកវិទ្យាព័ត៌មាននិងវិចិត្រសិល្បៈផងដែរ ដោយសារតែបទប្បញ្ញត្តិស្តីពីស្តង់ដារសមត្ថភាពតាមច្បាប់អប់រំឆ្នាំ ២០១៩ និងសម្ពាធក្នុងការកាត់បន្ថយក្របខ័ណ្ឌ។
ខេត្ត ត្វៀនក្វាង ស្នើរដ្ឋសភាបន្តបង្កើនបែងចែកថ្នាក់ ធ្វើវិមជ្ឈការឱ្យមូលដ្ឋានក្នុងកិច្ចការដកហូតដីធ្លី ការប្រគល់ដីធ្លី ផ្ទេរសិទ្ធិប្រើប្រាស់ដី ពិចារណាធ្វើវិសោធនកម្មច្បាប់ស្តីពីព្រៃឈើនិងច្បាប់ដីធ្លី ដើម្បីដោះស្រាយបញ្ហាជាន់ផ្គងលើគ្នាក្នុងការប្រគល់ដីធ្លីនិងព្រៃឈើ។
ខេត្តស្នើសុំឱ្យរដ្ឋាភិបាលនិងក្រសួងមហាផ្ទៃពិចារណាបង្កើនបរិមាណភាគជ្រើសរើសបុគ្គលិកអប់រំប្រចាំឆ្នាំ មិនអនុវត្តការកាត់បន្ថយក្របខ័ណ្ឌដោយយន្តសាស្រ្តចំពោះមូលដ្ឋានកំពុងតែកង្វះគ្រូបង្រៀន។ ក្រសួងអប់រំនិងបណ្តុះបណ្តាលកំពុងសហការប្រគល់បរិមាណភាគបណ្តុះបណ្តាលចំពោះផ្នែកបង្រៀនភាសាអង់គ្លេស បច្ចេកវិទ្យាព័ត៌មាន។ ខេត្តមានគោលបំណងចង់ឱ្យមជ្ឈិមបន្តផ្តល់អាទិភាពប្រភពធនធានមនុស្សវិនិយោគលើសម្ភារៈសាលារៀន និងផ្ទះកិច្ចការរួមសម្រាប់គ្រូបង្រៀននៅតំបន់ជ្រៅ តំបន់ឆ្ងាយ៕
ព័ត៌មាននិងរូបថត៖ ហ្វាងហាយ
ប្រែសម្រួល៖ ចន្ថា
