លើកកម្ពស់ឋានៈនារីជនជាតិភាគតិច ពីមួយជំហានទៅមួយជំហាន

15/11/2025 10:09

ដាក់ដំណើរការបានល្អបណ្តាគោលការណ៍របស់បក្ស គោលនយោបាយ ច្បាប់របស់រដ្ឋ សមាគមសហព័ន្ធនារី វៀតណាម បានជួយនារី វៀតណាម ជាច្រើន ក្នុងនោះមាននារីជនជាតិភាគតិចបំផ្លាញការប្រកាន់យេនឌ័រចោល ឈោងឈានឡើងយ៉ាងសកម្ម បញ្ជាក់ខ្លួនឯងក្នុងគ្រួសារនិងសង្គម។

លើកកម្ពស់ឋានៈដោយសារគោលនយោបាយសមស្រប បក្សនិងរដ្ឋបានដាក់ចេញប្រព័ន្ធគោលនយោបាយ ស្ទើរតែគ្រប់ ជ្រុងជ្រោយ ទូទៅសម្រាប់នារីនិយាយរួម នារីជនជាតិភាគតិចនិយាយ ដោយឡែកដូចជា៖ ច្បាប់សមភាពយេនឌ័រ ច្បាប់បង្ការប្រយុទ្ធប្រឆាំង ហិង្សាគ្រួសារ កម្មវិធីគោលដៅជាតិអភិវឌ្ឍសេដ្ឋកិច្ច - សង្គមតំបន់ជនជាតិ ភាគតិច និងតំបន់ភ្នំដំណាក់កាល ២០២១ - ២០៣០។ល។

ក៏ប៉ុន្តែ នារី ជនជាតិភាគតិចនៅតែខ្វះខាត លំបាកលំបិនជាច្រើន ក្នុងការអភិក្រម និងទទួលផលបណ្តាគោលនយោបាយ។ ដើម្បីឧបត្ថម្ភនារីជនជាតិភាគតិចឈោងឈានឡើង បញ្ជាក់តួនាទី ក្នុងគ្រួសារ និងសង្គមពីមួយជំហានទៅមួយជំហាន សមាគមសហព័ន្ធនារី វៀតណាម បានមានកម្មវិធីទង្វើជាក់ស្តែង និង ប្រសិទ្ធភាពជាច្រើន។ ក្នុង នោះ គម្រោងចំនួន ៨ "ការអនុវត្តសមភាពយេនឌ័រ និងការដោះស្រាយ បញ្ហាចាំបាច់ជាបន្ទាន់ចំពោះនារី" - គម្រោងមួយក្នុងចំណោម ១០ គម្រោង សមាសភាគចំណុះកម្មវិធីគោលដៅជាតិដំណាក់កាល ២០២១ - ២០២៥ បាននិងកំពុងរួមចំណែកផ្លាស់ប្តូរការប្រកាន់យេនឌ័រ គិតគូរជីវភាព សម្ភារៈ ស្មារតីនារ ីនិងកុមារ។

បានបណ្តុះបណ្តាលបច្ចេកទេស ឧបត្ថម្ភទុន កូនពូជ សម្ភារៈផលិតកម្ម បងប្អូននារីៗ ឃុំ អ៊ាអា្រយ៉ុង និង សង្កាត់ គឺបាវ (ខេត្ត ដាក់ឡាក់) បានកែលម្អប្រាក់ចំណូល។

កម្មវិធីទង្វើជាក់ស្តែង ហើយប្រសិទ្ធភាពជាច្រើនឧបត្ថម្ភនារីមានផ្ទៃពោះត្រូវបានឃោសនា ចលនាឱ្យ សម្រាលកូននៅមូលដ្ឋានសុខាភិបាល ម្តាយបានថែទាំនៅផ្ទះក្រោយពេលសម្រាលកូនរួចតែម្តង។

ដំណាក់កាល ២០២១ - ២០២៥ ប្រភពធនធានសរុប ដែលវិនិយោគចូល គម្រោង ៨ សម្រេចបានចំនួន ១.៩៩៤,៨ ពាន់លានដុង។ យោងតាមលោកស្រី ង្វៀន ធីមិញហឿង អនុប្រធានសមាគមសហព័ន្ធនារី វៀតណាម គម្រោង ៨ បាន សម្រេចលទ្ធផលលេចធ្លោជាច្រើន។ ក្នុងចំណោមសន្ទស្សន៍ សំខាន់ទាំង ៩ មាន ៨ សន្ទស្សន៍សម្រេចនិងលើសផែនការ ក្នុងនោះ សន្ទស្សន៍ចំនួន ៤ លើស យ៉ាងឆ្ងាយបើប្រៀបធៀបនឹងគោលដៅដាក់ចេញ។

បណ្តាគំរូ និងសកម្មភាព ច្រើនបែបយ៉ាង ជះឥទិ្ធពលជាវិជ្ជមាន រួមចំណែកផ្លាស់ប្តូរ "ផ្នត់គំនិត វិធីធ្វើ" នៅឃុំ ភូមិជាច្រើន៖ "ក្រុមសារគមនាគមន៍សហគមន៍" "អាសយដ្ឋានជឿ ទុកចិត្ត" ក្លឹប "មេនៃការផ្លាស់ប្តូរ" និងសកម្មភាពលើកកម្ពស់លទ្ធភាពជូន កម្មាភិបាលនារីជនជាតិភាគតិច។ បណ្តាសញ្ញាជាវិជ្ជមាន បណ្តាគំរូ សកម្មភាពនៃគម្រោង ៨ បានបង្កើតការវិវត្តអំពី ស្មារតីយល់ដឹង របស់ប្រជាជន រួមចំណែកដោះស្រាយបញ្ហាមួយចំនួន បានល្អចំពោះនារី កុមារ និងជំរុញសមភាពយេនឌ័រនៅតំបន់ជនជាតិភាគតិច និងតំបន់ភ្នំ។ នៅខេត្ត សឺនឡា ដោយមានការឧបត្ថម្ភពីគម្រោង ៨ បានមានស្ត្រីមាន ផ្ទៃពោះចំនួន ២៦.០៤៤ នាក់ត្រូវបានឃោសនា ចលនាឱ្យសម្រាលកូននៅ

មណ្ឌលសុខភាព។ នារីចំនួន ២.៩២៦ នាក់អភិក្រម ទទួលផលកញ្ចប់ឧបត្ថម្ភ សម្រាលកូនសុវត្ថិភាព ម្តាយចំនួន ២.៨៩៦ នាក់បានថែទាំនៅផ្ទះក្រោយ សម្រាលតែម្តងជាដើម។

ប្លុកកងសេនាជននារីបណ្តាជនជាតិ វៀតណាម ដង្ហែឆ្លងកាត់វេទិកាប្រារព្ធពិធីនៅពិធីរំលឹក អនុស្សវរីយ៍ ព្យុហយាត្រាយោធា ដង្ហែក្បួនគម្រប់ខួប ៨០ ឆ្នាំបដិវត្តន៍ខែ សីហា ជោគជ័យ និងបុណ្យឯករាជ្យជាតិសាធារណរដ្ឋសង្គមនិយម វៀតណាម (ថ្ងៃទី ២ ខែ កញ្ញា ឆ្នាំ ១៩៤៥ - ថ្ងៃទី ២ ខែ កញ្ញា ឆ្នាំ ២០២៥)។

បណ្តាបក្ខជនជានារីជនជាតិភាគតិចខេត្ត ក្វាងទ្រី ក្នុងពេលប្រជុំជីវភាពមួយ។

សារមន្ទីរនារី វៀតណាម សហការជាមួយសារមន្ទីរខេត្ត យ៉ាឡាយ រៀបចំតាំង ពិព័រណ៍រូបថត "កម្លាំងលូតលាស់ព្រៃព្រឹក្សាដ៏ធំល្វឹងល្វើយ" ក្នុងក្របខ័ណ្ឌ គម្រោង ៨ ចំណុះកម្មវិធីគោលដៅជាតិស្តីពីការអភិវឌ្ឍសេដ្ឋកិច្ច - សង្គមតំបន់ បងប្អូនជនជាតិភាគតិច និងតំបន់ភ្នំដំណាក់កាល ២០២១ - ២០៣០។

នៅខេត្ត ក្វាងប៊ិញ (បច្ចុប្បន្នជាខេត្ត ក្វាងទ្រី) សមាគមសហព័ន្ធនារីខេត្តបានបង្កើត ៧១/៦១ ក្រុមសារគមនាគមន៍ សហគមន៍រៀបចំចំនួន ៩ ថ្នាក់ហ្វឹកហ្វឺនលើកកម្ពស់សមត្ថភាពជូនរាល់ សមាជិកនិង វគ្គសារគមនាគមន៍ជាច្រើនជូនប្រជាជន។ ជាភូមិសាស្ត្រតំបន់ភ្នំលំបាកលំបិននៃខេត្ត ក្វាងទ្រី ឃុំ ត្រឿងសឺន ដោយ មានចំនួនប្រជាជនជាង ៦២% ជាបងប្អូនជនជាតិ ព្រៅ - វ៉ឹនកៀវ ត្រូវបានមជ្ឈិម សមាគមសហព័ន្ធនារី វៀតណាម ជ្រើសរើសជាឃុំដំបូងក្នុង ទូទាំងប្រទេស ដាក់ដំណើរការគម្រោង ៨ ស្តីពីការកសាង និងប្រតិបត្តិការ "ក្រុមសារគមនាគមន៍ សហគមន៍"។ ឃុំបានបង្កើតបានចំនួន ១៥ ក្រុមសារ គមនាគមន៍ សហគមន៍ ធ្វើសកម្មភាពមានប្រសិទ្ធភាព។

ដោយមានការឧបត្ថម្ភពីកម្មវិធី គម្រោង នារីជនជាតិភាគតិចនៅ យ៉ាឡាយ បានភ្ជាប់ខ្លួនជាមួយនឹង ប្រភពទុនឥណទានគោលនយោបាយ ដើម្បីអភិវឌ្ឍសេដ្ឋកិច្ចគ្រួសារ។

សិក្ខាកាមវ័យចំណាស់ចូលរួមថ្នាក់រៀនលុបបំបាត់អនក្ខរកម្មនៅសាលាបឋមសិក្សា ត្រឹនភូ ឃុំ អៀយ៉ម (ខេត្ត យ៉ាឡាយ)។

បាល់ទាត់នារីជនជាតិភាគតិចគឺជាផលិតផលទេសចរណ៍ដ៏វិសេសវិសាលមួយនៅលើភូមិសាស្ត្រឃុំ ប៊ិញលៀវ (ខេត្ត ក្វាងនិញ) ជាច្រើនឆ្នាំមកនេះ។

ឆ្លងកាត់ការប្រកាន់យេនឌ័រ វិចិត្រការិនីគូរគំនូរក្រមួនឃ្មុំ លី ធីនិញ (ខាងឆ្វេង) ឃុំ មូកាងចាយ (ខេត្ត ឡាវកាយ) បាននាំយកសំពត់សង្កិមប្រពៃណីរបស់ ជនជាតិ ម៉ុង ឈានចេញទៅកាន់ពិភពលោក ហើយក្លាយជាអ្នក "រក្សាព្រលឹង" សំពត់សង្កិមជនជាតិ។

គំរូផ្តើមអាជីពពាណិជ្ជសញ្ញាកាហ្វេ Organic Jrai Ialy របស់អ្នកស្រី រើចឹម អាវឺញ ភូមិ ម៉្រុង យ៉ូ ១ ឃុំ អៀភី (ខេត្ត យ៉ាឡាយ) ត្រូវបានធ្វើឱ្យក្លាយជា ការពិតជាក់ស្ដែងដោយសារប្រាក់កម្ចីគោលនយោបាយសង្គម។

នារីជនជាតិ ថៃ នៅឃុំ អៀស៊ុប (ខេត្ត ដាក់ឡាក់) ក្នុងឈុត សម្លៀកបំពាក់ប្រពៃណីចូលរួមលេងល្បែងលោតគោះអង្រែ។

បណ្តាគំរូរក ស៊ីចិញ្ចឹមជីវិតក្រុមសហការ សហករណ៍ធ្វើជាម្ចាស់ដោយនារីជនជាតិភាគតិច។ល។ ក៏ត្រូវបានសមាគម លើកគម្រោងការពិនិត្យពិច័យឡើងវិញ ឧបត្ថម្ភផងដែរ។ គម្រោង ៨ ក៏ជួយសមាគមគ្រប់លំដាប់ថ្នាក់រៀបចំ សកម្មភាពគួបបញ្ចូល ជាច្រើន ឧបត្ថម្ភប្រើប្រាស់ប្រាក់កម្ចី ហ្វឹកហ្វឺនផ្តើមអាជីវកម្ម ពង្រីកទូលំទូលាយ គំរូរកស៊ីចិញ្ចឹមជីវិត ផ្ទេរវិទ្យាសាស្ត្របច្ចេកវិទ្យា បង្រៀនវិជ្ជាជីវៈ ឧទេ្ទសនាម ការងារធ្វើ។ល។ ជូននារីជនជាតិភាគតិច។ នារីជនជាតិភាគតិចបានក្លាយ ជាគំរូឆ្នើមៗ ជាច្រើននៅមូលដ្ឋាន។

ដោយមានការឧបត្ថម្ភរបស់សមាគមសហព័ន្ធនារី វៀតណាម នារីជនជាតិ ភាគតិចមិនត្រឹមតែបានលើកកម្ពស់ស្មារតីយល់ដឹង លុបបំបាត់ការប្រកាន់ យេនឌ័រចោលពីមួយជំហានទៅមួយជំហានប៉ុននោះទេ ថែមទាំងឈោងឈាន ឡើងបញ្ជាក់តួនាទីធ្វើជាម្ចាស់សេដ្ឋកិច្ច ធ្វើជាម្ចាស់ជីវភាពរស់នៅទៀតផង។ សញ្ញា ជាវិជ្ជមានទាំងនោះរីកសាយភាយ រួមចំណែកដល់ការកសាង សហគមន៍ជនជាតិ ភាគតិចកាន់តែអភិវឌ្ឍចីរភាព សមភាព និងសុភមង្គលពីមួយថ្ងៃទៅមួយថ្ងៃ៕

អត្ថបទ៖ ហុងភឿងl រូបភាព៖ ទីភ្នាក់ងារព័ត៌មាន វៀតណាម
ប្រែសម្រួល៖ សឺន ហេង

កាសែត ព័ត៌មាន និង ជនជាតិ